《哪喳和尚戲觀音》 梁醒波 鄭幗寶 附曲詞

羅保生撰曲

濟公——梁醒波    觀世音——鄭幗寶

济公【流浪曲】

 唉！我闷坐西天，济癫甚怕享清福，如来佛每讲经，听到我冚个都面木木。我周时肚空空，不禁令我心喐喐，因为哪喳疯僧，中意食嗰味三六。念佛敲经我怕咗受约束，再落凡尘种福，睇过近世上面目，哗哗，忽然世间乜咁多孽畜哩，佢伤人恶狗真真凶猛又够毒嚄。

济公【口白】唔得，等本罗汉下凡收咗佢先。

【龙飞凤舞】

  (旦唱)慈悲观世音，杨枝甘露救人。唉！人间太多劫运，等我立刻化身救危困呀，变！

   (生唱)我霎眼见化身嘅观音。

   (旦唱)咿？乜见到有个似足喺济癫僧嘅。

   (生唱)得！我试嗄佢有乜嘢道行，与佢斗法看边个掯。

【何日君再来】

  (生唱)好！我济癫连随就化身。变！我变咗个gentleman｛紳士｝ ，我借意行近佢身，

   (生：Hello miss｛你好！小姐｝)。

  (旦唱)哼！够胆乱咁撩人，哦！佢立心相戏观音，逃来尘世鬼混，派生藕成箩噍到佢头晕晕，幻作天真，都共佢讲心，一番儆诫疯僧。喂！

   (生唱)嘻嘻，我求玉人两亲近。(生：拍下拖哩)。

  (旦唱)唉吔怕色狼近我身。(生：唔使惊)！

  (生唱)我哋谈情唔使震咖。喂！

【送情郎】

  (旦唱)你个正傻人，似癫肾。

   (生唱)我非癫肾喺大情人，你嘅容貌美丽在世上难寻，眉目带笑又多添你嘅风韵，你芙蓉如面美人——唉唷，难怪我一面倾心 ——唉唷。

【毛毛雨】

  (旦唱)与君不相识，你不该献殷勤。

   (生唱)My name is called，史汀生唓(Chan)，晌香港读洋文，(旦：喺咩？生：喺)！我搞生意，别字又名陈大文，愿订三生，望你应允。

【小红灯】

  (旦唱)哩我怕听你甜言唔受氹啵，我怀疑你喺坏人。  

   (生：唔喺)！

  (生唱)你少担心啦，我唔喺靠滾，我年青有为更多金，娇妻未娶要揾个爱人，你咁靓将我吸引，与妹结合为伴侣心共印。

【寄生草】

（旦唱)哩我睇你错乱神经人喺肾嘅，认真多情自作，生得个口又咁痕，乱撩人。

   (生唱)我诚意求爱又情真，请娇放心，痴心一片喺与妹，相订凤盟，

   (旦唱)唉吔我梳起嘅唔愿嫁咖，你何必多挑引呀。

   (生唱)最弊成为老女呢多苦困，唉！我孖你女貌男才殊合衬，一于应承做我娇妻咪睺第个人。

【三宝佛(和尚思妻)】

  (旦唱)何必烦恼自寻，劝君你莫情场自困啵，色空经已参透，我立心修行。

   (生唱)男大要思婚，女大嫁夫君，从古有教训嘅，你认真想通透，咪负我一片痴心。

   (旦唱)哦！乜你相爱痴心咩。(生：喺嘞)！

  (生唱)并无胡言来乱氹嘅，我热诚下拜石榴裙咖。

   (旦唱)你爱我情热忱，我未堪柔情引，不禁历乱了芳心，唉吔我跃跃更欢欣。

   (生唱)嘻嘻…我望妹你怜悯。

   (旦唱)初见面你便求爱，恐怕易易情变，他日恨海苦浮沉。(生：唔会，真喺唔会)！

【三宝佛(扫经堂)】

  (生唱)若果能共偕婚姻哩，我是裙下永不叛臣，当尽丈夫责任，哩一世你做人都开心啦，我永不花心嘅。

   (旦唱)我惊你，口花花，讲完就算数嗰类人。(生：唔会)！

  (生唱)我虔诚无呃过人，咁嘅丈夫都难揾啩，妹应该信任，我愿发誓冇变心，对娇妻手法特殊又掯添啵。

   (旦唱)咁你待妻手段如何，望君先要直陈。

【三宝佛(担梯望月)】

  (生唱)嘻嘻嘻！我哩个好夫君，一心将你护荫囉，相爱相亲，鸳鸯比翼同唱情韵啦嘛，我日陪你身跟，请娇妻你示训。

   (旦唱)我就唔愿嫁，咁夫君，你周身冤气腾腾。

    (生：傻啦)！

  (生唱)俩夫妻要烟韧，我为你揼骨攨痕，我识梳新妆，与画眉入鬓，更识添脂粉。

   (旦唱)你只识做妹做嫲嘅技能，咁样丈夫嫁啱你就晕。

   (生唱)我有好大八宝，我识顺你心，我用足满身嘅技能。

【反线江边草】

  (旦唱)哼哼，你真喺傻夹肾，喺处扮天真，你有乜八宝嚸对未来夫人。

   (生唱)我藏娇妻，在金屋，七妹八嫲用心侍奉陪夫人。豪华陈设摩登，你首饰戴的是钻石玉和金银啦嘛，汽车有几部出入就唔使你行。幸运，幸运，你做咗我老婆幸运。(旦：嚸解呀)？开心，开心，你一世定开心，玉郎是情深，爱重又烟韧，一生我保证妹快乐如仙人。

【反线银塘吐艳】

  (旦唱)你情重意殷殷，芳心动爱感，情丝缕缕，暗系伊人。

   (生唱)他朝结婚，愉快甚，恩爱千般，喇……香闺有郎热吻。

   (旦唱)喇……

(生唱)春来时候，(旦：嚸呀)？我共你赏鉴奇花异品。

   (旦：春日赏名花，人生乐事也)。

  (生唱)仲有夏日游水，鸳鸯海上浮沉，秋日桐叶落时，赏菊持螯共饮，冬日围炉取暖，唱和销魂。

【反线岷江之夜】

  (旦唱)你喺个标准，好夫君，情热忱，可惜不知有善心啫。(生：唔，嚸解呢)？缅怀俗世苍生，要历遍艰辛，我衷心想救万民苦困。

   (生唱)好呀！你讲得啱，你真合我心，我亦有心为救万民尽责任。(旦：真嘅。生：珍珠都无咁真)。

   (旦唱)扶危又济贫，罚恶赏善人，扫清开赌贩毒普度良民。(生：啱嚹，你讲得好嘅)！

  (生唱)恨那赌棍，认真凶狠，时时害人，沧桑劫祸深，我要除尽那畜牲，渡好赌苍生，登高一呼，将贩毒徒拘禁。咁夫君，可以共偕婚嫔嚹啩。

【反线秋的怀念】

  (旦唱)哈……，喜得心上人，似是前生，同你心心相印，嗱，翡翠环赠君你相订凤盟。

   (生唱)我心中兴奋。(旦：戴咗佢啦)。

  (生唱)戴住戒指先，真沙尘，我布置定架Lincoln｛林肯｝，等香车载玉人，约定两个绅衿，做我夫妻嘅媒人，去订定酒家，请嘉宾宴饮咋。

   (旦唱)哈……等一阵呀你就晕。

【叫痛曲】

  (生唱)唉唷唉唷唉唉唷。(旦：我敕)。唉唷，唉唷，玉戒指真喺紧囉，箍到冚只手胍都痛，我真呻笨，戴错玉环，周身都震，痛到入心。

   (旦唱)哈哈，念句紧箍咒，令济癫僧你饱受困，咁嘅行为，要儆诫，要多痛阵，妄自下凡，乱勾脂粉，有意辱仙人。

   (生唱)我恨错相戏观音，我恨错确喺鬼混，我望你宽恕一次，我望你见谅疯僧。

   (旦唱)哈哈，哈哈。问你知否边个掯呀？

   (生唱)观音娘娘是万能，你真有道行，救世慈航，渡遍万民，富正义之神。

【口白】

   (生：你掯，你掯你掯。旦：好啦，你既然知错，姑念你初犯，恕过你一次喺啦。南无阿弥陀佛，敕。生：唉吔，谢过菩萨开恩，谢菩萨开恩。旦：以后唔好嚹，記住啦！生：仲敢制咩，只戒指请你收返佢啦。旦：好啦)！

【花间蝶尾段】

  (生唱)罗汉问声观世音，世人被那赌博迷浑，何以肃清祸根。

   (旦唱)万众贪念泯，则邪魔难入侵，从此百善生。

【刮刮里格叫】

  (生唱)好！稽首顶礼敬劝苍生，礼佛慈悲观世音，请君多种善恩，消灾又解困。

   (旦唱)富贵荣华似浮云，俗世名利切莫强争。

   (合唱)昭昭天眼佑善人，种福种善邀天荫。

【曲終】