《刁蠻公主戇駙馬之洞房斗氣》 梁醒波 鄧碧雲 附曲詞

  孟飛雄——梁醒波     鳳霞公主——鄧碧雲

凤霞：【反线王妃入楚军】我心自悲，撞啱衰神未识回避。佢有心拗碎连理同枝，居然专剃我眼眉。堂中侮辱无顾忌，(正线)我六魄魂离。激得我心嬲，要三拜跪才到内堂前，奴心真激气，佢全无情与义，想计划戏娥眉。狼心兼狗肺，嚸能同衾共谐好事，难受佢相欺，我向父王面奏，与他脱离，不然梗会被气死。狂夫真机智，竟用黄金锏逼宫花，受苦也无词，新婚成恨事，被辱羞耻，恨怨怎消，激愤无词，垂珠泪。

凤霞【哭相思】啊…唉吔！

凤霞【口白】

      我使乜喊唧，我真喺唔使喊啵。你个孟飞雄咁可恶咩，恃住手上金锏，对我作福作威喺嘛，此仇不报非公主呀。好！等我畀啲利害你睇下，我闩好度门先，一阵你想入房呢，你就知死！

[二更介]

孟飞雄【反线四不正】

      花月良宵庆洞房，三生艳福娶个美人儿，宁舍心中得意，好似步上天宫抱月儿。

飞雄【口白】

      常言道大登科金榜题名，小登科洞房花烛。好！待本宫入房与公主，见个夫妻礼至得。咿…乜嚸解闩实度门呢喂？啊…我明嘞！

飞雄【弹烛花】

     梗喺我今天，激嬲佢，佢咿家，谷紧气。斗嬲佢，在我冇皮宜，得些好意就要就要识趣嚹。(白：嘻嘻…哈哈，公主，开门啦)！

【锦城春】

   (生唱)开门！

    (旦唱)喂！时候已经深夜，声细啲啦。

    (生唱)哩个驸马爷想入嚟，今晚驸马爷洞房就要兰房陪伴你，夫妻共欢祝贺齐眉。

   (旦唱)本公主不知驸马名，未请教佢何名何姓字。

(生唱)哦！今天我多多得罪，不必记，些少事，一阵我向你细诉衷词。我唔该公主你门开一开，我孟飞雄来见你。

 (旦：喺你呀?!）

（ 生：我呀)！

   (旦唱)你快啲躝尸，快啲躝尸。

 (生：咿咦)！

   (生唱)见你我要皱双眉！ [三更介]

    (生：嗄！躝尸呀？哈，奇嚹咁就)！

【平湖秋月】

   (生唱)奇唔奇，娇妻叫我躝尸确喺奇。

   (旦唱)哀家要命令你躝尸，又嚸算喺奇。

   (生唱)绝无道理赶驸马走，夫妇新婚要分离。

   (旦唱)对待啲全无情义汉，我喺全无道理嘅嚹。满腔愤慨难消冤屈气。

   (生唱)夫妻霎气平常事，春宵一刻渡过咗哩，唔着数啵，包你悔恨迟。

   (旦唱)任你甜言蜜语噅我，我一概唔听好少理呀。

   (生唱)唉吔吔，阴功，唉！春宵发生啲噉嘅事喎。我在门口戙笃徛咋。

   (旦唱)我今天都双膝盖，亦跪到甩咗皮。

   (生唱)喺！哩啲完全喺我傻，激亲咗你，并非有心作弄难为呀公主嘅。

    (旦唱)唔瞅， 唔睬，唔理啵。

   (生唱)哈…今晚斗落我就吃亏，又嚸埋堆呢？吞声忍气对娥眉。

【二簧慢板】

   (生唱)再向公主恳求，快脆啲开门，畀我入去。

   (旦唱序)唉吔真喺对唔住咯。

   (生唱)今晚洞房花烛夜，我哋共效，于、于、于飞。

   (旦唱序)我对脚痛又嚸能飞啫。

   (生唱)我哋喺燕尔新婚，应该要和谐，鱼水。

   (旦唱)可惜鱼儿难近水。

   (生唱)空负良辰吉日，真正喺冇嗮，心机。

   (旦唱序)做到元戎又使乜无心机啫。(曲)带领万马千军，将度房门， (生：做乜嘢呀？嗄)！踏碎。

   (生唱序)哈！真喺激到我都难唞气。

   (旦唱)再用黄金锏嘅命令，将我折骨，(唉！真喺蛮到咁嘅)！煎皮。(唱序)嗰阵我就做冇爪嘅蟛蜞。

   (生唱)哩个公主真刁蛮，同佢讲多都嘥声，坏气。(士字序)总要忍得气，咪共蛮人再斗气，攞枕蓆与单秋被，张开铺盖在门外伴佢，至多我就来瞓地。

(旦：哩次我仲斗你唔赢)！

凤霞【反线春风得意】

      宫花笑口微微，哩次我顺返条气，咿家我就有心机。实在何必针锋相对，此际良辰，却负了花月时。(白：我都唔知嚸咯？）冷落芙蓉被，鸳鸯枕意味，心间更是有幽思。空对合欢帐，孤燕栖，低怨未得成连理。若是传下了丑事，我父王定追问，又和驸马分清道理。和平合时，哩我赢要收兵，再迟误事，香衾枕冷，凤烛泪垂，望明月已西移。决定了主意，迎郎返入嚟，夫妻吵架是等闲，莫负好佳期。

【口白】

   (旦：等我开门畀佢先。唉吔…唉吔！你话佢几冇心肝吖，静静鸡粒声唔出咁就走咗去喎，唉吔佢唔理我呀，唔！你唔理我，我又唔理你啫。[旦闩门、生上欲开门介] 生：嘿！一样喺唔开门。唉)！

生【反线琴音】

   好事近，要伴爱妻，嚸入内，我又冇偈，新婚夜要独宿瞓地。做驸马学我都算最当衰。

【口白】

   (生：唉！边个叫自己，娶着个刁蛮公主做老婆吖，抵咯，抵咯，抵咯)！

凤霞【鸟惊喧】

      心挂驸马夜未回嚟，心头不由惊畏，不能安眠真正棹忌。我又惹下了心事，无故夫妇未许相依。怨他爱他意念迷离，佢才智丰标英伟具备，权贵不怕逆公主，声威惊远处，壮志领兵出师，保家保国是个热血男儿。敬他有本领，心为国，令我佩服神驰。爱他俊俏貌相，令我也是神驰，咁嘅丈夫真喺无人能及佢咖。

   (生唱)唉！我一张单秋被咋，一张摺蓆喺房前来伴。(嘘吔)！冷到猛打乞嚏，(乞嚏)！冻到我又毛管全戙徛呀。唉！花烛高烧，似为戆居驸马暗泪垂，可怜我张床兜正北风尾呀。我豆泥豆泥自己知，娶妻喺好嘅事，喺傻人情愿斗气、拗气真棹忌。我贱格，贱格更贱皮，贱骨与贱皮，娇妻唔愿理呀，真真嘥心机，还仲更冤气，又兼剃眼眉，(嘘吔)！冷得，冷得我冇埞喱，哩冷风又四面嚟，我真激气咯，娇妻真正冇道理。

   (生：乞乞…乞…乞嚏！旦：唉吔，乜有人打乞嚏呢嗄？等我睇嗄先。生：公主！旦：唉吔，原来佢返咗嚟嘅嚹，仲一个公公咁坐喺处添。生：乞乞…乞…乞嚏！旦：唉吔，阴功咯，半夜翻风冷折骨咖，咁容乜易冻坏佢啫。等我静静开咗度门闩，唔喺由得佢自己入嚟囉。(门闩声介)生：咿咦，乜啐一声呢)？

飞雄【赛龙夺锦中段】

  老鼠，老鼠，要小心只大老鼠！合力去保护，担心有老鼠吓坏公主。

【口白】

   (生：唓！唔喺老鼠，原来喺公主呀。公主开咗度门等我入去啵？哈哈，正是花径不曾缘客扫，蓬门今始为君开。两度房门关不住，欢迎夫婿入门来囉嗬。嘿！唔得、唔得、唔得，今晚花烛洞房，使乜咁鬼鼠呢。佢开得度门，梗会出嚟请我嘅，一于坐处等请。旦：哈！嚸解仲唔入嚟呢嗄？唱支歌仔嚸醒嗄你至得)。

【木鱼】

   (旦唱)禾雀仔，踎树枝，狂风一阵你冷到鼻涕淋漓。你有窦唔埋，因乜事，隔篱孔雀，话畀过我知。你快啲埋笼，人哋都唔赶你嚹，快啲展开双翅，学下归来燕子，莫延迟。(生：咿咦，有声气嘞)！

   (生唱)开屏孔雀，佢话畀过我知，要我学双飞玉燕，要我学比目鱼。禾雀仔飞上枝头，真得意，得陪彩凤，效于飞。待我肃整衣冠，入兰房去，此际云开见月，令我笑开眉。能噔，能噔能噔，能噔…噔！

   (生：臣当今驸马，兵马大元戎孟飞雄，参见公主千岁。旦：驸马爷礼重咯。生：嘻嘻，公主礼重就真。哈哈)！

【柳摇金】

   (生唱)三生有缘系爱丝，宫花威仪貌美，喜得今夜共结褵，寸心快乐怡怡。

   (旦唱)相配好佳偶，英勇驸马爷，婚姻得意。

   (生唱)恩爱夫妻有好处，合欢酒，共饮庆贺连理树。

  (旦唱)盼望对妻重情义，更望同偕白髪，情爱复情痴。

  (生唱)今生爱妻心痴，发誓要服从你，听你主意，表我心相爱真挚。

   (旦唱)一对并头莲，愉快系红丝。

   (合唱)夫妻深情共庆，佳期！

                                    【曲终】