《刁蠻公主戇駙馬之過門受辱》 梁醒波 鄧碧雲 附曲詞

孟飛雄——梁醒波  鳳霞公主——鄧碧雲

飛雄：【王妃入楚軍】主上深恩公主相配鳳鸞，金枝貌似仙，滿朝百官齊齊贊羨，我嘅艷福確不淺，我怕公主佢強橫品性易變，好姻緣又驚變作孽緣，日后恨怨綿綿，要準備巧計為先，應憑理喻，感化佢心先，夫妻敬重相親愛纏綿，若果佢奄尖，仲不顧情面，我用黃金锏伏佢先，示丈夫威嚴，難怪話句初歸新抱要從嚴最上算，施下馬威要用多點，【花下句】估不到花燭良辰，好一比沙場征戰。

添福：（白：公主駕到）

飛雄：（白：出迎）

添福：（白；呔！公主進府，請駙馬爺下跪叩見）

飛雄：（白：哼~！要本官下跪來叩見嘛？公公過來，煩公公轉陳公主，說道：本官身為兵馬元戎至尊，譽滿當朝，對嬌妻下跪叩頭，試問成何體統呀？）

添福：（白：公主，駙馬爺佢話~）

鳳霞：（白：哀家聽到喇）【長二王下句】小小元戎妄稱尊，八面威風真討厭，面對金枝玉葉，豈容你恃勢弄權，此日彩鳳光臨，膽敢禮儀不檢，知否滿朝文武誰個不低首裙前，快些下跪相迎，否則罪難赦免。

飛雄：（白：笑話！）【中板下句】哈哈！真，真，真好笑，估不到堂堂公主，竟然濫用威權，男人膝下有黃金，若果要跪拜老婆，咁嘅丈夫最冇面，彩鳳入孟門，應該遵從我嘅家法，點到你無法無天，女子要四德三從，倘若你任性囂張，夫婦嘅感情就破損，尊一聲好公主，你莫個刁蠻無理，定要駙馬出丑在人前，唉吔！我地個好公主，凡事要三思而后行，應聽我良言來相勸。

鳳霞：（白：好膽！）

飛雄：（白：一陣你就知）

鳳霞：【雙飛蝴蝶】你如果再多言，激嬲公主惹禍端。

飛雄：（白：勸老婆都有罪呀）丈夫勸妻房，不必擔心會惹罪端。

鳳霞：宮規應對鳳駕屈膝相見。

飛雄：（白：笑話！）夫妻相敬重遵禮相見嘛！

鳳霞：抗哀家，你膽包天，亂語胡言復強辯。

飛雄：你不聽夫相勸，夫妻之間會惹恨怨，今生夫妻會抱恨怨，公主毋后悔，當心我將駙馬威施展。

鳳霞：（白：乜駙馬威咁巴閉嘅咩？）

飛雄：（白：你估？）

鳳霞：（白：本公主嚇大嘅喇）【士工慢板下句】哀家在宮緯，父王母后，對我千依百順，淺愛輕憐。

飛雄：（白：縱壞啦，縱壞，縱壞）

鳳霞：帝女花，群臣敬畏，駙馬你有何威風，敢在哀家跟前施展。

飛雄：（白：可嬲！）【反線芙蓉中板下句】令我一腔嘅怒火，恨綿綿。

鳳霞：（白：你好嬲咩？）

飛雄：我要懲罰你刁蠻，施手段。

鳳霞：（白：好呀，打哀家一身喇！笨！）

飛雄：定要你低頭下氣向我求憐。

鳳霞：（白：哦，咁就真係妙想天開喇你）

飛雄：【花上句】待我將佢戲弄一番，以磨折她驕人嘅氣焰。

鳳霞：（白：唉呀，添福呀！真係好睇囉，你睇下佢，火紅火綠跳跳扎咁跳番入去㖞）

飛雄：（白：我呔！下面聽著，本宮嘅有先王御賜黃金锏，上打無道的昏君，下打賣國的讒臣，公主初入孟門，應從家法，命她三步一拜，拜進內堂，如若不然，汝等抬頭看看本宮手拿拿這些是什么的東西，哼！）

鳳霞：（白：唉呀）【反線中板下句】可恨孟飛雄，請出先王金锏，深宮畫眉鳥，化作落地哀蟬，哀家從有雌威，也敬畏金鐧尊嚴，尤勝尚方寶劍，唉吔吔束手無謀，又何堪人前受辱，三十六著以走為先。【花】傳命待從人員，為哀家擺駕回宮轉。

飛雄：（白：慢著！）【花下句】聖旨皇皇為孟家婦，要到三朝之后便可回旋，精嘅就三步一拜，拜入我府堂，否則休怪我唔俾面。

鳳霞：（白：唉吔，添福，我唔嫁囉）

添福：（白：哦，公主，嫁得半之唥啃，到依家又話唔嫁，咁點行㗎）

鳳霞：（白：你睇下佢惡成咁，你叫我點抵得佢㖞）

添福：（白：公主，黃金鐧係先王嘅遺物吖嘛，佢叫你跪拜黃金鐧，你唔係當拜祖先囉！今晚夜洞房，你慢慢泡制返佢係得囉）

飛雄：【走馬英雄】一於快啲跪下先囉（白：跪啦！跪啦！）

鳳霞：跪來跪去怕乜嘢唧，我跪祖先啫。

飛雄：（白：成日得個講字，都唔跪呀）低頭屈膝至啱，不準你多言。

鳳霞：（白：點㖞）

飛雄：（白：咁跪法嘅咩，唔係）要跪正我跟前，不從，不從吾命我就難為你方便。

添福：（白：跪正啲公主）

飛雄：（白：怕你唔跪）

鳳霞：你要奴奴跪拜，罪大難幸免。

飛雄：（白：有咩罪呀！無罪嘅）

鳳霞：你要奴奴跪你，你折墮我唔愿見。

飛雄：（白：哈哈，我唔怕折墮）入得我門來，跪拜理應禮儀齊全。

鳳霞：點解要跪咁耐？

飛雄：跪到天黑添啦！

鳳霞：我跪你好心甜，叫宮人，宮人傳令，傳令返金殿。

飛雄：（白：咪行！呵呵，咁就想行）咪任性咁派然，聽我嘅命令為善，聽我嘅命令為善，我還仲把夫婦情念，否則金鐧無情，要你淚流在眼前。（白：三步一拜，一跪一叩首，行啦！第一步）

鳳霞：（白：添福啊！）

添福：（白：行啦，公主）

飛雄：（白：唔算！你平時行得咁大步嘅咩，行返轉頭行過）

添福：（白：行返轉頭㖞）

飛雄：（白：照平時咁行）

鳳霞：（白：快又話快，慢又話慢）

飛雄：（白：乜拎一拎身，就算行咗㗎啦）

添福：（白：有時公主係咁行）

飛雄：（白：多嘴！又算你！第二步，第三步，跪，一叩首，成！行喇！第一步，第二步）

鳳霞：（白：我真係唔睬你啊）

飛雄：哈哈！嘻嘻！呵呵！哈哈！【煞板】刁蠻公主，難斗呢個戇駙馬，真真心甜。