一起来说嘉兴话044 三天两头

嘉1：“三天两头”。两加一等于三，三肯定比两多，但多哩勿一定好，比方讲伢老早讲过额“一二勿过三”，就是讲倒霉格事体一次次碰着，总要到第三次再好止牢。比起“一二勿过三”，“三天两头”要好点，因为倷三天两头碰着额，有坏事体，伢有好事体：

嘉2：明明，倷校牌呢？

嘉3：（低头找）咦，嗯奴下课格辰光还挂了头颈哩，倒啥哩去哩？

嘉4：覅急、覅急，明明倷再寻寻看

嘉2：啊呀，三天两头，勿是校牌、就是红领巾、再就是铅笔盒头……倷记性比大爹伢差

嘉4：哎哎哎，老太婆，格同嗯奴记性有啥关系啦？嗯奴咦勿辰三天两头跌东西

嘉3：亲妈，大爹是三天两头捡东西，花园里种额花，侪是大爹捡回来额

嘉4：诶，明明，倷覅乱讲，格点花花草草侪是人家养勿活掇特额，大爹是倷伊拉救活

嘉3：爸爸医生救命，大爹倷救花草么，是啥呀？

嘉2：倷大爹啊，是白花医生……

普：“三天两头”，在嘉兴话里这个词的意思是经常，时常。吴方言中，和三有关的词语不少，大部分都有多得意思，比方说（三头六面，格桩事体要三头六面讲清爽），意思是相关人员要全部到场，以便把事情讲清楚，来到人那当然是多得。

嘉兴1：一起来说嘉兴话，“三天两头”，倷会得讲哩伐？