一起来说嘉兴043 勿二勿三

嘉1：“勿二勿三”。明明拉亲妈今朝去市民广场参加社区排舞比赛，为了格次比赛，亲妈同这批老姐妹练了整整两只月，为了勿影响小区居民，伊拉还每天的为赶到中央公园格广场拉去练，为了参加比赛，自己出钞票做了演出服，请了化妆师，劲道出足：

嘉2：老太婆回来哩啊？辛苦辛苦

嘉3：冷开水冷开水，吃口茶，干啥哩

嘉2：今朝哪哈啦

嘉3：覅讲哩，气煞人

嘉2：垫底？

嘉3：啊呀，跳了是蛮好，银牌

嘉2：格哎勿开心？！倷想第一名啊？

嘉3：勿是，跳好奖牌领好大家是蛮开心额，回来额路浪厢，碰上几个勿二勿三格小青年，闲话讲了难听到要死，喊伢老妖婆，倷讲气煞宁伐？

嘉2：动格种小青年有啥好气，活到格个年纪，自己开心么就好哩。同伊拉啥生气，要气格伢应该是伊拉爷娘……

普：“勿二勿三”，在嘉兴话里形容人言行不端正、流里流气，刚才我们就说了，这个词处在整数二和整数三之间，上不着天、下不着地，半吊子的感觉，于是就用来形容不通事理、不认真地人。（勿二勿三、勿三勿四，啥格地方总归侪会得有格种宁）。

嘉兴1：一起来说嘉兴话，“勿二勿三”，倷会得讲哩伐？