一起来说嘉兴话053 奢遮

嘉1：“奢遮”。嘉兴宁讲一个宁能干，伢老早讲过，一般讲伊“来三”，明明拉大爹种花来三，明明拉亲妈烧饭来三，勿过如果除了能干，还多点聪明呢，伢就讲格个宁“奢遮”：
明明：舅公、舅公，倷来看嗯搭额飞机场
舅公：哦呦，明明，格只飞机场搭了赞么，格个是跑道、格个是停机坪，

明明：格是航站楼、格里停额飞机

舅公：飞机伢是倷自己搭出来额啊？明明奢遮来
亲妈：倷还讲伊奢遮，天天放学回来，作业勿做，趴了地浪搭格点，嗯同伊拉爷讲，倷买点啥拨伊白相勿好，买点乐高，巨么巨倒来

舅公：搭积木勿是蛮好么，照了图纸搭了噶精巧，倷覅讲，倷啊勿一定搭得出

大爹：就是讲呀，嗯同伊让明明搭好哩，搭格点要动手还要动脑筋，老太婆啰哩啰嗦

舅公：现在小宁，窝里服伺了好，动手能力格是比老早要差，明明算奢遮额
亲妈：好哩好哩，格记好哩，倷舅公伢表扬倷，大爹伢表扬倷，那倷叫倷爷再多买两套，好好叫搭噢……
普：“奢遮”，这个词最早出现在宋代的《朱子语类》里，不过出现得最多的地方是在《水浒传》中，其中用的最多、最引人注目的，是形容宋江是格：“奢遮额好男宁”，虽然这个男人长得黑矮肥，但乐于助人呀。“倷噶奢遮，要是再用功点，亥搬有出息额！”

嘉兴1：一起来说嘉兴话，“奢遮”，倷会得讲哩伐？