一起来说嘉兴话031 吃家生

嘉1：“吃家生”。小百戏精力好，明明皮起来，有辰光亲妈有点吃勿消。格天，明明拿只小足球勒客厅里踢白相，一息息踢到沙发浪，一息息踢翻特放零食额盘子，亲妈喊了好几次：勿好了窝里踢、勿好了窝里踢，伊才勿听

嘉2：明明，俉再讲一遍：覅了窝里踢，马上停特

嘉3：亲妈，倷覅哇啦哇啦哩

嘉2：老头子，倷到底管勿管伊。才倷宠坏特伊哩，俉看格小鬼只好吃家生……

嘉4：喔哟，老太婆，来哩来哩，伊哪哈哩啦？吃家生、吃家生，小宁么伢要同伊道理，哪哈好动勿动吃家生呀？

嘉2：讲道理，讲道理伊听伐啦？倷看看伊，喊了半天，伊当勿听见

嘉4：明明，倷夜饭还想吃炒霍宁伐？快点停特，亲妈发脾气哩，换鞋子，老爹带倷小公园里去踢。

普：在嘉兴话里，长辈在小孩不乖或调皮时会威吓：（“再勿乖，拨倷吃家生”！）或者说（“再勿乖，拨倷吃生活”！），这里的（“吃家生”、“吃生活”）指得就是长辈对小辈实施肉体惩罚。在嘉兴话中，工作时用的工具叫（“家生”），引申到语言运用中，用劳动工具敲打对方的行为，就叫（“吃家生”、“吃生活”）。

嘉兴1：一起来说嘉兴话，“吃家生”，倷会得讲哩伐？