广播专辑 顶呱呱上海话基础课程(23)

第二十三课

第一节：副词
介：这么，如此这般。 侬哪能介勿讲道理？侬哪能工资介低？ 
搿能：这样。侬搿能木讥讥木讥讥，板定要（眼板数）要迟到个。
哪能：怎么。侬哪能意思啊？ 
就快：将要。就快吃中饭了。 
搿记：这下。伊去夜场，碰到伊老婆。搿记两个人侪憨脱了。

第二节：上海话常用词汇：
挖塞：心里郁闷，勿痛快。也指难过，讲勿出闲话。
神志无知：同神志野胡。指精神恍惚，糊里糊涂。义和团就是神志无知个，看到拿了枪个外国兵，伊拉赤膊上阵。嘴巴里向念念有词。胸口印了两个字：勿死。
笃悠悠：心里向踏实，勿急勿忙呃样子。
豁边：出格，过分。一条标语，写勒嗨：“垃圾分类，从侬我伊开始。”搿勿是拿阿拉人当垃圾来分类，介豁边个事体哦。

第三节：普通话和上海话
普通话：你不要绕弯子，说话啰啰嗦嗦的，到底想怎么样？
北京话：你丫甭跟我装丫挺的，起什么腻啊，磨磨唧唧，有事儿说事儿！
上海话：侬覅兜圈子唻，叽里咕噜个，到底想做啥啦？

第四节 上海话俚语
空麻袋背米

“侬又想到阿拉搿搭来空麻袋背米啊，想阿覅想。”“千万覅再去白相了，伊拉一直欢喜空麻袋背米格，侬到现在还勿晓得。”空麻袋背米，现在能听到的，往往是上海人打麻将辰光格习惯用语，而老底子格空麻袋背米，是让交关老百姓上当受骗畀骗脱交关钞票格事体。上海曾经是冒险家个乐园，邪气多不晓得名字但又穷得嗒嗒滴个外国人，由于长勒是高鼻头蓝眼睛就无法无天，伊拉晓得旧上海当局金融管理相当混乱，信息不发达，就开勒各种各样个所谓银行脱仔发行一眼呒没办法考证格股票，老百姓也经不起唉眼广告脱仔发财个吸引力，拨骗子嘘进，侪拿自己格血汗铜钿存进去或者购买股票，啥人晓得搿眼人是空麻袋背米，空手套白狼，钞票一拿到手就马上逃脱了。老百姓就连人也寻不到，吃足苦头呒没人管。甚至还有人家破人亡格。
  实际浪向现在也有交关多个号称是公司，也勒拉空麻袋背米。比如，有眼人受娱乐业里向一夜成名个诱惑，一眼骗子就动脑筋用空麻袋背米个手法开办所谓个造星公司，拿一眼想当明星做明星梦个青年人套进去，嘘伊拉签订拍电影个合同，然后就急吼吼个按条款个约定拨对方定金，少则千元，多则上万块。作孽格是，唉眼上当受骗个男男女女还天天等勒出名呢。
  空麻袋背米的“米”就是钱，大概老底子米就是“实物通货”个道理吧，老早到粮店买米侪是用麻袋装好了以后背回屋里厢格，后头呢又引申出背米就是赚钞票格意思。老早装“米”格么事是麻袋，“空麻袋背米”专指“做无本钿生意”。伊拉花样多来兮，别过归根结底是“坑蒙拐骗”，甚至于拿这眼空麻袋包装得像模像样，进进出出是高档汽车，租格是高档写字楼，就是搿恁介格包装使得交关人受骗。有眼老人脾气还老恘格，勒拉银行里向弗听好人劝，死活要拿钞票转畀骗子。
  空麻袋背米的事现在还是会常庄发生格，各种各样个短信息、各种电话回访等等，用得奖作为噱头，侪是属于空麻袋背米个形式，大家千万不要上当了。伊拉买相再好，嘘头再好，大家也弗要上当。伊拉揠勒拉世界各地个妖尼角落里脱大家打电话，用一个电话，一张银行卡来空麻袋被米。

第五节：上海话童谣 八字令

隔壁张伯伯，
今年八十八。
二月二十八，
跑到八仙桥。
买了百家衣、百兽图，
还有一本《百家姓》。
吃了八宝饭、八珍糕，
还在八仙桌上吃了一碗腊八粥。
用脱铜钿八元八角八分八厘八毫八，
回到屋里摆咾摆，
爬到床上噼里啪！