《小王子》24- 如果你看到了小王子，请写信告诉我他回来了

当然，呢啲已经系六年前嘅往事，我以前冇讲过呢个故事，朋友睇到我仲在生，都好开心，但系我睇起身好伤心，但系我同佢哋讲，咁系因为我太攰啦。

宜家我嘅悲伤有啲平息咗，亦即系话，仲未彻底平息。

我知道佢翻咗去佢嘅星球，因为天光之后，我并冇揾到佢嘅尸体。

其实佢嘅尸体唔系好重。

我中意喺夜晚听星星嘅笑声，佢哋就好似五亿个啷啷,

有件事好紧要，我帮小王子画嘴套嗰时，我唔记得咗要加条皮带，佢唔可以套喺绵羊嘅嘴上面，所以我谂，佢嘅星球会发生乜嘢事呢？

或者绵羊已经食咗嗰朵花，

有时候，我同自己讲，唔会㗎，绝对唔会㗎，小王子每晚都会将花放喺玻璃罩入面，佢会睇住佢只绵羊嘅。

于是我就会好开心，所有嘅星星都会温馨咁笑。

有时候，我同自己讲，

唔系啊，人难免会分心，一次就够晒啦，有一个夜晚佢唔记得咗要玻璃罩，或者绵羊半夜静静鸡跑出去，

于是，所有嘅啷啷都变成咗眼泪。

哎，呢个系一个伟大嘅谜，因为喺某个我哋唔知道嘅地方，有一只我哋从来都冇见过嘅绵羊，佢有冇食咗一朵玫瑰花，会影响到同样热爱小王子嘅你同我对成个宇宙嘅睇法。

睇吓星空啦，问吓自己绵羊到底有冇食咗嗰朵花，你会发现一切都会变得唔同。

冇达人会明白呢个有几咁重要。

照我嚟睇，呢个系全世界最靓、最悲伤嘅景色，佢同前一个夜晚嘅景色一样，但系我再次画咗佢出嚟，系为咗令你留低深刻嘅印象，呢度就系小王子出现又消失嘅地方，请你仔细咁睇吓，请你记住呢个地方，因为将来你可能会去非洲嘅沙漠旅行，假如你咁啱路过呢度，我求吓你，唔好行得咁快，请你喺嗰粒星星下面停留一阵。

假如有一个细路仔向你行过嚟，假如佢笑紧，假如佢有金色嘅卷发，假如佢从来都唔答你嘅问题，你应该好容易估到佢系边个，到时候，请你帮吓我，唔好再等我咁悲伤，请你快啲写信俾我，话俾我听，佢翻咗嚟。