《小王子》23- 小王子回去了 他去找他的玫瑰了

喺水井嘅附近，有一面已经冧咗嘅古老嘅石墙，第二日嘅傍晚，当我做完嘢，准备翻去嗰时，我喺好远嘅地方睇到小王子坐喺石墙上面，两只脚捹嚟捹去，我听到佢话。

你唔记得啦？唔系呢度啊。

肯定有把声答咗佢，因为佢又话。

系啊，冇错啊，时间系啱嘅，但系唔系呢个地方。

我继续行过去石墙嗰度，我睇唔到人影，都听唔到人嘅声音，但系小王子又话。

当然啦，到时你会睇到我留喺沙地上面嘅脚印，你喺嗰度等我就得啦。今晚我会过去嘅啦。我离石墙得二十米咁远，但系仲系乜嘢都睇唔到，沉默咗一阵之后，小王子又话。

你嘅毒液厉唔厉害啊？你应该唔会令我痛苦好耐呱？

我停落嚟，心情非常沉重，但系仲系唔可以理解。

你宜家走啦，我要落嚟啦。

于是我望住墙角，即刻吓咗一跳，嗰度有一条蛇，佢�高头睇住小王子，系嗰种唔使三十秒就可以杀死人嘅黄蛇，我即刻罗出衫袋入面嘅左轮手枪，同时冲过去，但系嗰条蛇听到我嘅声音，佢就滑咗入沙入面，好似一条下降嘅水柱咁样，捐咗入石头嘅缝隙入面，发出少少金属嘅声音。

我冲过去墙嗰度，啱啱好伸手接住咗小王子，佢块面好似雪花咁苍白。

做乜嘢啊？你点解要同蛇讲话啊？

我解开咗佢成日揽喺颈上面嘅金黄色嘅颈巾，我用水去捽佢嘅太阳穴，等佢饮咗啲水，宜家我唔咁问佢问题啦。佢深色凝重咁睇住我，用手抱住我条颈，我觉得佢嘅心跳就好似中咗枪之后垂死挣扎嘅雀仔，佢话。

你终于整翻好你嘅机器，我好开心啊，你可以翻屋企啦。

呃，你点知道㗎？

我啱啱好想话俾佢听，我已经克服咗各种困难，整翻好咗架飞机。佢冇答我嘅问题，而系话。

我，今日我都要翻屋企啦。

跟住，佢好悲伤咁讲，只系路途更加遥远，路上亦都更加艰难。我清楚咁感觉到，有啲不同寻常嘅嘢就要发生，我好似抱细路仔咁样抱住佢，好似佢就快要头下脚上咁样坠入深渊。而我根本就拉唔住佢。佢嘅眼神好严肃，望住好远嘅地方。

我有你俾嘅绵羊，我有一个装绵羊嘅箱，我有一个嘴套。

佢忧伤咁笑。我等咗好耐，我感觉佢嘅身体又慢慢咁有咗活力。

啊，小朋友，你啱先睇起身好似好惊。

佢梗系惊啦。但系佢又轻轻咁笑，今晚我会更加惊。

我再次因为觉得有啲无法挽回嘅嘢要发生而打晒冷震，谂到以后再都听唔到佢嘅笑声，我觉得好难受，对我嚟讲，佢嘅笑声就好似沙漠入面嘅泉水。

小朋友，我想再听吓你嘅笑声。

今年，就够一周年啦。我嘅星球会出现喺我旧年降落地点嘅正上方。

小朋友，呢啲关于蛇、约会同星星嘅古仔，其实都只不过一个噩梦，系唔系啊？

但系佢冇答我嘅问题，佢话。

重要嘅嘢，只眼系睇唔到㗎。

当然啦。

就好似嗰朵花，如果你爱上咗一朵生长喺某个星球上面嘅花，

当你抬起头睇住星空嗰时，你会觉得好甜蜜，好似所有嘅星星都开满咗花咁样。

当然啦。

就好似嗰啲水咁样。你俾我饮水就好似音乐咁美妙，因为滑轮同绳，你仲记唔记得啊？嗰啲水好甘甜。

当然啦。

将来你可以喺夜晚睇吓星空，我嘅星球太细啦，冇办法指俾你睇，咁样更加好，对你嚟讲，我嘅星星只系其中一粒星星。咁样，你会中意睇到所有嘅星星，佢哋会成为你嘅朋友，仲有，我准备要送一份礼物俾你。

佢又笑咗。

啊，小朋友，小朋友，我中意听到你嘅笑声。

呢个就系我要送俾你嘅礼物，佢就好似我哋饮过水。

啊？

你呢句话系乜嘢意思啊？

星星对唔同嘅人嚟讲，有唔同嘅意义，对旅行嘅人嚟讲，星星系指路嘅向导，对一啲人嚟讲，佢哋系一啲细小嘅光，对学者嚟讲，佢哋系研究课题，对嗰个我撞到嘅生意人嚟讲，佢哋系财富。但系对所有人嚟讲，星星都系沉默嘅，得你嘅星星同人哋嘅唔一样。

啊？你呢句话系乜嘢意思啊？

当你抬头睇住星空嗰时，因为我住喺某一粒星星上面，因为我会喺某粒星星上面笑，所以对你嚟讲，就好似所有嘅星星都笑紧咁样。到时候，你就会有识笑嘅星星。当你嘅悲伤平息咗之后，悲伤肯定会平息㗎。你就会因为识到我而觉得好开心。你永远都系我嘅朋友，你会想陪我一齐笑，有时候，你会因为呢个原因而打开个窗，你嘅朋友会好惊讶咁睇到你睇住个天笑，跟住你会话，系啊，我睇到星星就想笑。佢哋会以为你癫咗。咁样我就整蛊咗你。就好似我俾你唔星星，而系一啲识笑嘅啷啷。今晚，你知道㗎，你唔好嚟啊。

唔好，我唔会离开你㗎。

嗰时，我睇起身会好似好痛苦咁样，有啲似就快要死咁，就好似死咗咁样，你唔好嚟睇，冇呢个必要。

我唔会离开你㗎。

但系佢睇起身好似好担心。

我同你讲呢啲嘢，亦都系因为嗰条蛇，千奇唔好俾佢咬到你，蛇好衰㗎，佢哋会因为好玩就咬人。

我唔会离开你㗎。

但系佢又谂起咗某件事，于是显得好放心。

佢哋再咬第二啖，应该已经冇毒啦。

嗰日夜晚我冇睇到佢动身，佢静静鸡咁走咗，等到我好唔容易追到佢嗰时，佢行得又快又稳，佢只系同我讲，

啊，你嚟咗啊？

佢拉住我只手，但系佢仲系好担心，

你咁样做系唔啱㗎，你会好难过㗎。到时候我睇上去就好似死咗咁样。但系唔系真㗎。

我乜嘢都唔讲，你知道㗎，路途太遥远啦，我冇办法带住呢副躯壳。佢太重啦。

我乜嘢都唔讲，但系佢就好似俾人抛弃咗嘅老树皮，唔好为咗老树皮而伤心。

我乜嘢都唔讲，佢有啲泄气，但系佢又劝解我。

一切都会好起身㗎，你知道㗎。我都会望住星空，所有嘅星星都会变成有滑轮嘅生咗锈嘅水井，所有嘅星星都会倒水俾我饮。

我乜嘢都唔讲，咁样唔系好好玩咩。你将会有五亿个小铃铛，而我将会有五亿个水井。

佢亦都乜嘢都唔讲，因为佢开始喊。

就喺呢度等我自己行埋最后一步啦。

佢坐低，因为佢好惊。

你知唔知啊？我嘅花，我要为佢负责，佢咁脆弱，佢咁天真，佢净系得四条刺可以保护自己。

我都坐低，因为我企唔住。

好啦，就咁样啦。

佢仲系有啲犹豫，跟住企起身，佢迈出咗最后一步，我冇郁。我见到一条黄色嘅闪电从佢只脚掠过，佢纹丝不动咁企咗一阵，佢冇叫，佢慢慢咁冧咗，就好似树俾人斩冧咗咁样，甚至连声音都冇，因为地下全部都系沙。