《小王子》21-无论是房子、星星还是沙 漠，它们都是因为某种看不见的东西而美丽！

宜家系我嘅飞机喺沙漠失事嘅第八日，喺我听呢个商人嘅古仔嗰时，我饮埋咗最后一滴水。

哎呀，你讲嘅呢啲古仔好感人，但系我仲未整翻好我架飞机。我已经冇水饮啦，哎，如果我都可以慢慢咁行去一个有泉水嘅地方，我实会好开心㗎。

我嘅狐狸朋友，

哎，小朋友，唔好再提乜嘢狐狸啦...

点解啊？

因为我哋好快就会渴死。

佢并冇明我嘅意思。佢话

就算就快要死，可以识到新嘅朋友都系一件好好嘅事，我好开心自己可以同狐狸成为咗朋友。

哎，佢一啲都唔知宜家有几咁危险。佢从来都唔会肚饿，亦都唔会颈渴。佢只系需要一啲阳光。

但系佢睇住我，睇穿咗我嘅谂法。

我都好颈渴，我哋去揾水井啦。

我无可奈何咁耸吓膊头，喺一个一望无际嘅沙漠入面，漫无目的咁揾水井系好荒唐嘅，但系我哋仲系出发咗。我哋默默咁行咗几个钟头，跟住夜幕降临，好多星星开始出现，我望住佢哋，就好似发梦咁样，恍恍惚惚。因为我颈渴到有啲发烧。小王子嘅话喺我嘅脑入面回荡。

哎，你都会觉得颈渴嘅咩？

但系佢冇答我嘅问题。

佢只系话，水对心灵都系有益㗎。

我唔知道呢句话有乜嘢意思，但系我乜嘢都冇讲。我知道，最好唔好问佢问题。佢有啲攰，所以佢坐低，我坐喺佢隔离，一阵之后佢话，呢啲星星好靓啊，因为有一朵我哋睇唔到嘅花。

我话，梗系啦。跟住默默咁睇住月光下面高低起伏嘅沙地。

沙漠都好靓。

佢又话。的确系咁。我一直都好中意沙漠，我哋坐喺沙丘上面，我哋乜都睇唔到，乜嘢都听唔到，不过喺安静中有某啲嘢发紧光。

沙漠咁靓，系因为喺某个地方隐藏咗水井。

我忽然领悟到嗰啲沙地上面神秘光芒意味住乜嘢，我惊奇到不得了。

我细个嗰时，我住喺一间老屋，听讲嗰间屋下面埋咗啲宝藏，当然啦，边个都揾到呢啲宝藏，或者根本就冇人揾过，但系佢就为嗰间屋增添咗神奇嘅魅力。我间屋有一个秘密，埋藏喺佢嘅心灵深处。

嗯，系啊，无论系屋、星星还系沙漠，佢哋都系因为某种睇唔到嘅嘢而变得好靓。

我好开心，你嘅睇法同我嘅狐狸朋友嘅系一样嘅。

小王子训着咗。

于是我抱住佢继续行，我好感动，我觉得我抱住嘅系一件脆弱嘅宝贝，我觉得地球上面冇比佢更加脆弱嘅嘢。我喺月光下面睇住佢苍白嘅额头，紧闭住嘅眼，仲有喺空中飘扬嘅卷发，我心入面谂，我睇到嘅只系一个躯壳，最重要嘅嘢，只眼系睇唔到㗎。我睇到佢擘开咗个嘴，好似笑紧咁样。我又谂，呢个沉睡嘅小王子最打动我嘅系佢对一朵花嘅忠诚，就算系佢训着嗰时，嗰朵玫瑰花都好似灯火咁样喺佢嘅心入面闪耀。我觉得佢变得更加脆弱，灯火需要得到好好嘅保护，因为一阵风就可以吹熄佢。我不停咁行，黎明嗰时，我终于揾到咗水井。