第121集：场景--同居（3） 演绎：麦+MO

场景--同居（3）    演绎：麦麦+momo

导演、编剧、剪辑、后期制作：麦麦

麦麦扮演：麦麦

Mo扮演：阿伟

星期一晚上8：05分，阿伟将CC嘅嘢搬到阿聪屋企后，阿聪想留阿伟食饭，阿伟婉拒。佢打电话畀麦麦。

伟：喂，麦麦，我啱送阿聪返到屋企，你喺度做紧咩啊？

麦：我啱洗完碗，准备落楼下倒垃圾。

伟：咁我而家过嚟搵你，你等阵陪我食嘢啊

麦：哦，咁我喺楼下等你呀

伟：好啊。我好快，15分钟左右

麦：慢慢啦，唔使急

伟：嗯。等阵见

麦麦喺小区长凳坐低等阿伟，呢个时候，陈杰喺超市买完嘢入小区见到麦麦

陈杰：麦麦

麦麦：Hi  

陈杰：你酒精过敏无事了吧？

麦麦：呃，我无事啦。

陈杰：对唔住啊，啯晚见你训着咗，我唔想吵醒你，所以...

麦麦：嗯，我知了。你买咁多嘢嘅...

陈杰：系阿，屋企无晒日用品，所以咪落超市买D嘢囖

麦麦：哦

陈杰：你点解坐喺度嘅？

麦麦：我...我等紧男朋友，佢嚟紧

陈杰：麦麦，你对佢......你真系钟意佢？

麦麦：嗯。我钟意佢！佢对我好好。

陈杰：麦麦，我哋...我哋真系无可能？

麦麦：陈杰，喺你走咗之后，我有无数个夜晚惗起你，会忍唔住喊。因为你几乎失联，我唔知点解你会突然间话走就走。

陈杰：对唔住啊，我知道我嘅不辞而别对你造成伤害，喺我离开你之后，其实我大病咗一场，我痛不欲生，我每日喺脑入面想象我哋重逢嘅场景，我构思咗一万次，彩排咗一万次。我无时无刻都想快D返嚟，我想返到你身边。

麦麦：哎，过咗去唔好再讲啦。陈杰，多谢你一直对我咁好，多谢你喺我最美好嘅年华里出现。我哋都曾经过，但喺时间嘅穿梭中，一切都成为咗永恒！

陈杰：麦麦，点解你唔可以畀多次机会我。点解啯D奋不顾身去爱嘅人，到最后都成为人哋嘅爱人，点解啊！！

麦麦：陈杰，你唔好咁啦。我知道你好爱我，但我都好希望你可以祝福我。

陈杰：（叹气）麦麦，对唔住啊。我目前暂时做唔到！无论我哋最后生疏到咩样，曾经对你嘅好都系真嘅，希望你无后悔认识我，亦希望你真系快乐过，就算终有一散，都唔好辜负相遇。如果可以返到以前，我会选择唔认识你，唔系我后悔，系我唔可以面对而家嘅结局。好攰，我上去先啦。

麦麦：陈杰......

陈杰同麦麦激动讲嘢嘅时候，阿伟已经到咗，虽然佢听唔到两人对话，但喺车厢中睇到佢哋讲嘢嘅表情，阿伟已经估到大概。佢之所以无出现，系因为佢哋两个人嘅事，应该佢哋两个处理同面对，阿伟亦相信麦麦。陈杰走后，阿伟嚟到麦麦面前。麦麦一见到阿伟就忍唔住揽住佢。   

麦麦：阿伟

  伟：做咩啊，傻猪。

麦麦：我...我头先...处理咗一D事，我觉得自己大个咗，勇敢咗，我敢面对一D事同人啦。但我可能处理得唔系咁好。

伟：（笑）嗯嗯，你而家好叻架，你要相信自己。

麦麦：阿伟，你觉得男女朋友之间分开咗，仲可以做朋友吗？

  伟：呃，咁要睇分手原因吧。

麦麦：哦。我希望可以。

伟：有D嘢需要时间冲淡，如果对方没完全放低你，其实好难当你系普通朋友架。

麦麦：嗯。你点解唔问我头先做咩嘅?

  伟：傻猪，你想讲，我就听，你唔讲，我唔会问，我相信你嘅处事能力。    

麦麦好感动，忍唔住垫高脚尖主动锡阿伟。阿伟觉得佢真系好善良，好可爱，更加爱佢了。

  伟：（笑）等阵再锡过，陪我去食嘢先，我好肚饿阿

麦麦：（笑）好啊。你帮CC搬晒D嘢啦

  伟：嗯，搞掂啦。佢唔系好多嘢搬炸。你估佢搬去边？

麦麦：唔知啊，公司附近？

  伟：唔系。

麦麦：又系天河区啊？

伟：（笑）佢搬去阿聪屋企呀

麦麦：阿，佢哋咁快就同居啊！

  伟：（笑）麦麦，不如我哋都.....

麦麦：呃...你又话肚饿，我哋快D去食嘢啦

  伟：喂，我没讲完，你唔好行咁快啊...

麦麦：（笑）