第120集：场景--同居（2） 演绎：麦麦+MOMO

场景--同居（2）演绎：麦麦+momo
导演、编剧、剪辑、后期制作：麦麦
麦麦扮演：CC
Mo 扮演：阿伟、阿聪
……………………..
星期一落班时间6:15分，阿伟落嚟25楼直入麦麦办公室，锡咗佢一啖，就同CC、阿聪去车库拿车啦。
CC：唔好意思，阿伟，搞到你送唔到麦麦返去
伟：（笑）讲呢D。你原本惗住几时搬架？
CC：本来月中20号先到期架。我提前1个月同房东讲唔续租，佢就即刻放租啦。有几个租客上嚟睇楼，好快就有人租啦。新租客周末就搬入嚟，咁我呢两日咪要搬走囖。
伟：哦，我哋天河啯边咁好租呀！咁你呢几日嘅房租点计啊？
CC：房东份人都算均真，佢话本来我係可以住到20号嘅，噉而家提前叫我走，所以呢几日就唔收我钱囖。
伟：嗯嗯。你搬去边啊？搬去天河区？
聪：唔系。海珠区啊。佢搬嚟同我住（笑）
伟：哇，你哋进展得咁快啊！开始都唔够1个月就同居啦
CC：咩同居姐，我哋系合租啊，我租佢间房啊，我会畀租金架！
聪：其实你都可以唔畀（租金）架，我无所谓架
CC：我有所谓啊！我一定要畀啊，仲要约法三章啊，你唔好管制我咁多啊，如果唔系，我随时搬走架！
聪：得得得，你话事，你话点就点。
伟：（笑）几好啊。你哋24小时都可以见面，形影不离
聪：（笑）阿伟，唔使羡慕我哋喔，你同麦麦都得架。
CC：系囖。你每日从天河到海珠送麦麦到越秀区返工，回程又系咁，不如你哋干脆喺同一个区或者喺公司附近租屋啦
伟：呃，麦麦要照顾细佬，可能....
CC：哎，佢细佬应该好快都升高中啦，咁大个仔，唔使人照顾啦。
聪：呢个根本就唔系主要问题，主要系麦麦嘅性格比较传统。佢应该就唔会婚前同居囖。
CC：黄思聪，你作死啊！对麦麦咁了解，你仲钟意佢啊！！
聪：痴线架你，讲咩啊！麦麦嘅性格好似白纸咁，唔使深入了解都一目了然啦！
伟：系啊。阿聪都讲得无错，麦麦应该唔会同意
聪：嗱，咪系囖。唔系净得我讲阿！
CC：老老实实，阿伟你自己点惗先？如果你想，我哋可以帮你架！
伟：（笑）唔使啦。顺其自然啦。
聪：你咪帮倒忙啊。感情系两个人嘅事，旁人最好唔好加插咁多啦
CC：嘿，阿伟，前面直接开入小区，车唔使放停车场啦。我哋好快落嚟，等阵我同门口保安讲声就得啦。
伟：哦，好。
C：嘿，入嚟啊。喂，我有几个即食面啊，搞两个你哋食住先啦
伟：我唔食啦。聪，你饿唔饿？
聪：我都唔要啦。
CC：咁我整自己啦。
聪：喂，你就系得呢几袋嘢炸？厕所D洗头水同化妆品，你都唔要啦？
CC：我用埋呢几日就唔要啦
聪：你衣柜仲有一半衫喔，仲有D连吊牌都没拆，全新喔！
CC：唔要啦唔要啦。好老土啊。
聪：你咁浪费架！你唔中意又买？
CC：哎，你唔好咁多嘢讲得唔得啊。帮我搬呢个储物柜呀
伟：等我嚟啊。
CC：唔该晒阿伟。
伟：你仲有咩要搬啊？
CC：无啦。就系呢个柜同几袋衫裤。
聪：伟，我同你一齐抬个柜，放喺你部车后座度先啦。等阵我再上嚟拿几袋衫。
CC：阿伟，你部车放唔放得落啊？
伟：呃...可能有D掹，应该得挂。
聪：CC，你有无块大D无用嘅布阿？
CC：拿嚟做咩啊？嗱，呢块大毛巾得唔得啊？
聪：可以可以啊，呢块够大。拿嚟包住你个柜四角，尽量唔好整花阿伟部车囖。
CC：嘻嘻，咁细心，抵锡（亲）
聪：（笑）锡埋呢边
伟：（笑）好啦。聪，我哋将几袋衫放入柜里面一齐抬落去啦
CC：我帮你哋按住电梯阿。畀两袋我拿啦。
聪：你按电梯就得啦，唔使你拿啦，亦都唔使跟我哋落去啦
CC：咁辛苦晒两位啦。听晚请你哋食饭！
聪：你唔好成日食泡面啦。我返到屋企畀信息你
CC：得啦得啦。慢慢开车啊。辛苦晒阿伟
伟：无事。拜拜