第123集：场景--同居（5） 演绎：麦+MO

场景--同居（5） 演绎：麦麦+momo
导演、编剧、剪辑、后期制作：麦麦
麦麦扮演：琪琪、伟妈、程珊珊、麦麦、CC
Mo 扮演：阿伟、陈杰
星期二晚上10点50分，阿伟返到屋企
琪琪：大佬，翻嚟啦。
伟：嗯。
琪琪：同麦麦姐去咗边啊？咁夜先返
伟：多事啦你。妈咪呢？
琪琪：妈咪喺阳台晾紧衫呀
伟：你唔帮下手，而家放暑假，应该帮手做下家务吧
琪琪：我有啊。头先啱啱拖完地阿。
伟：嗯
琪琪：嘿，大佬，我今日查咗录取结果啦
伟：点啊，边间学校啊？
琪琪：五中啊。
伟：豪仔呢？
琪琪：佢就梗系执信中学啦
伟：嗯，几好啊。你哋都算如愿以偿。几时去报到啊？
琪琪：我哋净系查咗录取结果炸，都没收到录取通知书。到时以通知书为准囖。
伟：嗯。到时提前同我讲。我同你一齐去学校注册啦
琪琪：好啊。
妈咪：阿伟，返嚟啦
伟：妈咪，晾完衫啦，辛苦晒啊。
妈咪：唔辛苦。阿伟，婆婆海珠区啯间屋下个月到期啦，租客唔再续租啦。喺租客搬走之前，你睇下几时方便同我一齐上去婆婆间屋截下水电煤气嘅数，睇下屋企嘅电器，家具，排水管之类有无问题，如果无咩大问题，我就退押金畀租客啦。
伟：好啊。租客几时搬？
妈咪：间屋下个月一号到期，佢哋已经陆续搬紧走啦。喺呢个月底前，我哋约佢交接啦
伟：嗯嗯。今日周二25号，或者约佢周六29号囖
妈咪：好，咁我听日同租客讲声。我顺便去中介放盘。
伟：妈咪，放盘唔使咁急。等租客走咗，我哋执下间屋先啦。
妈咪：好。咁你快去冲凉啦
伟：哦，妈咪都你早D休息。晚安
妈咪：嗯，晚安。
星期三下午4:37分，程珊珊打电话畀陈杰
程珊珊：喂，哈喽
陈杰：程医生？
程珊珊：叫我珊珊啊。你忙唔忙啊？
陈杰：一般啦。点啊？
程珊珊：你几点收工架？
陈杰：通常6点几走囖
程珊珊：我今日6点半收工啊。你可唔可以过嚟接我啊？
陈杰：呃......有咩事啊？
程珊珊：你嚟到先讲啊
陈杰：嗯。咁我喺医院边个门等你啊？
程珊珊：喺西南门啊。即系对住“移动通信”啯个门啊
陈杰：哦 ，我知喺边度
程珊珊：你到咗畀信息我啊
陈杰：好
程珊珊：系咁啦，今晚见
陈杰：拜拜
星期三下午5：18分，公司25楼茶水间里
麦：CC，你冲紧咩啊？咁香嘅
CC：麦麦，嗱畀包你冲嚟试下
麦：咩嚟架？
CC：红枣燕麦粥呀
麦：呢D唔系当早餐食咩？而家五点食，你等阵仲使食晚饭
CC：食唔食都得。如果肚饿咪晏D叫外卖囖
麦：你搬屋D嘢搞掂晒啦？
CC：仲有零零碎碎一袋半袋囖，啯晚阿伟同聪哥哥基本都帮我搬晒啦
麦：CC，你咁快就搬去同聪哥哥住啦！
CC：我呢边2个女仔走咗，屋租负担重，又咁啱到期，搬去同聪哥哥合租囖，我会畀房租架
麦：哦，但系话嗮都男女共处一室喔，唔系咁方便吧
CC：我无咩所谓啊。只要唔好管制约束我，唔好啰啰嗦嗦就得啦。而且晾佢都唔敢乱来啦
麦：（笑）咁又系。聪哥哥应该几惊你嘅
CC：（笑）佢惊我咬佢啊。麦麦，咁你呢？
麦：我？我咩啊？
CC：你同阿伟啊，你哋都开始咗一段时间啦，打算几时结婚啊？
麦：呃....我哋唔系好耐炸。结婚，无咁快吧？
CC：咁你有无惗过试婚啊，即系同居啊
麦：同居？
CC：系啊。相处好同住难。因为每个人生活习惯同日常嘅生活细节都有好大差异，唔系一味迁就你就得，要慢慢磨合同适应对方嘅节奏，所以同居系最能体现出两个人适唔适合嘅。
麦：呃......