第122集：场景--同居（4） 演绎：麦+MO+言

场景--同居（4）演绎：麦麦+momo+言
导演、编剧、剪辑、后期制作：麦麦
麦麦扮演：豪仔、琪琪
Mo 扮演：陈杰
言 扮演：肥强
………………
星期二早上10点20分，豪仔打电话畀琪琪
豪仔：喂，琪琪
琪琪：（哈欠）点啊？
豪仔：十点几啦，你仲没起床啊！
琪琪：没啊。七点几起身去完厕所之后训返囖
豪仔：嘿，成绩出咗嚟啦。你查咗没阿？
琪琪：没啊。你呢？
豪仔：我头先喺教育机构官网上查咗录取结果啦
琪琪：哦，你读边间啊？执信中学？
豪仔：嗯嗯。你快D查下啦
琪琪：我唔敢睇啊，一系你帮我查啊
豪仔：哦，咁畀你身份证号码我阿
琪琪：你而家喺边啊？等阵有咩搞？
豪仔：屋企囖。无嘢搞啊
琪琪：咁不如你过嚟搵我啊。见面再帮我查录取结果阿
豪仔：哦，好啊，咁你快D起床啦。
琪琪：得啦得啦，而家起身啦。
豪仔：我去你屋企定系边度等你啊？
琪琪：呃...去M记等啦
豪仔：好阿，咁等阵见。
琪琪：嗯。系咁啦
星期二下午2点10分，陈杰办公室中
（敲门）
陈杰：入嚟阿
肥强：喂，忙紧咩？
陈杰：咦，你返嚟啦。你唔系听日先返咩？
肥强：哎，东莞啯班厂家话晚上落酒吧饮酒喔，你知我最惊啯D嘈喧巴闭，V V嗡嗡嘅地方啦。所以搞掂咪咋咋临返嚟囖。
陈杰：哦。倾成点啊，顺利吗
肥强：OK啦。服务合同都签咗啦。你睇下抽个时间过去帮佢哋培训下喔。
陈杰：好。我搞掂咗黄工啯个项目架啦，阵间安排下
肥强：黄工啯边仲没搞掂啊？进度做咩咁慢架
陈杰：客户公司资金紧缺，迟迟都唔拨款过嚟，咪搁置咗一排囖。不过，琴日王梦通知收到尾款，而家跟埋D收尾囖。
肥强：啱啦，按合同办事，收钱做嘢。阿，系呀。上次交流会之后，我哋一直都没去同May姐啯边倾合作细节条款。一系东莞啯边叫大师兄去培训，你搞掂黄工单嘢之后，就同我去搵May姐倾啦。好无
陈杰：OK。听梁生讲，佢哋嘅技术部总监May姐好似休假喔。到时直接联系梁琛伟啦。
肥强：好啊。你有无佢微信呀，到时落实时间同我讲声
陈杰：嗯嗯。
肥强：喂，沈贤华上次结婚D相，佢发咗过嚟啊。我转畀你呀。
陈杰拿起手机睇住D相发牛痘
肥强：你睇下你同麦麦影呢张，话好似你哋结婚咁啊。不过，我同美雪都唔差呀，我哋都几衬啊。哈哈。喂，做咩啊你？
陈杰：哎，我同麦麦返唔到转头啦
肥强：点会阿，啯晚唔喺几好咩，见你哋有讲有笑，我见兄弟玩游戏啯时，麦麦仲护住你，叫美雪唔好玩，放你过下一关。
陈杰：哎，我原本都以为佢没放低我，系我高估咗自己......我知道佢男朋友系边个啦。
肥强：边个啊？你识架？
陈杰：梁琛伟
肥强：啊，唔系挂！你哋两个真系“同道中人”喔。职业同专业已经相似啦，连中意嘅女神都系同一人呀。你哋系咪亲兄弟啊！麦麦都算专一喔，中意男生嘅类型一样嘅，或者麦麦当啯个阿伟系你嘅替身呢。咁佢知唔知麦麦系你嘅前女友啊？
陈杰：哎，唔讲啦。等我搞掂手头D嘢，我会约佢时间去倾下合同细节啦。
肥强：如果你唔想见到佢嘅话，我自己去同佢倾囖。
陈杰：唔使。我会公私分明。
肥强：好啦。我好鬼肚饿阿，中午饭都没食，我去食D嘢先！
陈杰：喂，你去边度食啊？等阵帮我买份西多士啊
肥强：做咩啊，你平时都唔兴下午茶架，中午食唔饱啊？
陈杰：头先畀王梦抓咗去食饭，无咩点食嘢。
肥强：（笑）哈哈，王梦对你“虎视眈眈”，你对住佢都饱啦。唔使食啦。
陈杰：行开啦你！快去食饭啦。2点半啦。
肥强：咁我去M记买个包畀你
陈杰：好