第114集：场景--误会(6) 演绎：麦+mo+言

场景—误会（6）演绎：麦+mo+言
导演、编剧、剪辑、后期制作：麦麦
麦麦扮演：麦麦、美雪、豪仔
Mo 扮演：阿伟、陈杰
言 扮演：肥强
..............................
星期日上午9点，阿伟买咗早餐自己开门入到麦麦屋企，喺度摆紧餐具，麦麦啱啱冲凉洗头出嚟
伟：（笑）BB猪，食早餐啦。有你最钟意嘅布拉肠同沙茶酱。
麦：（笑）哦。唔该。你食先啦，我去吹干D头发先
伟：过嚟啊，我帮你吹。
麦：（笑）哦
伟：咦，你块脸做咩啊？一粒粒嘅
麦麦耷低头，用手挡住脸
伟：你只手都有啊！点解会咁嘅？
麦：呃…因为琴晚同学斟咗D酒，而我有酒精过敏，所以……
伟：哎，你只傻猪，咁你而家觉得点啊？
麦：琴晚觉得好“痕”，而家好好多啦。不过，个头仲有少少痛
伟：快吹干头发。我同你去睇医生。
麦：唔使啦。真系无事。之前买过D止痒药膏，等阵搽下就得啦
伟：嗯。你呀，你要学识拒绝人，唔好咩都觉得唔好意思，知唔知啊！
麦：哦，知道啦。
伟：正傻猪。等阵食完嘢再训一阵。琴日你做姊妹好唔好玩啊？
麦：（笑）好玩呀。睇住美雪玩班兄弟好搞笑。佢仲惗咗好多游戏，玩到班兄弟叫“救命”。佢好犀利呀，帮我哋姊妹每人争取到2千八百蚊开门利是。
伟：（笑）哈哈，咁劲啊。咁以后我哋结婚，美雪唔好做姊妹啦，请佢饮喜酒就算啦。你睇人玩得咁开心。咁你自己呢？
麦：我啊，无啊。咪睇住佢哋玩囖。
伟：我可以想象到啯个画面。你其实系想一齐玩嘅，不过，可能人多，你会放唔开囖。
麦：系啊，我最怕个个都望住晒，我会觉得好唔自然。
伟：（笑）傻猪！咁第日我哋结婚，都系一班亲朋戚友，三姑六婆，仲会起哄叫我哋锡锡喔，咁你点算先？
麦：（笑）咦，唔要啊。
伟：咁一系好似阿Ken咁，旅游结婚囖。我哋可以去多几个地方玩。
麦：嘻嘻，好啊。
伟：（笑）你睇你几贪玩。你想去边度玩？
麦：（笑）边度都唔去啊。边个话要嫁畀你喔。
伟：（笑）我有办法令到你讲“我愿意”。
阿伟二话不说抱起麦麦入房间，情不自禁想锡佢。
（麦：放低我，我好肚饿
伟：嘻嘻，我畀你咬）
……………………………………
星期日上午10点，陈杰开车到肥强屋企楼下，打电话畀佢
陈杰：喂，我喺你楼下。落嚟拿返部车。
肥强：（哈欠）哎，你使咩专程开返部车嚟喔，听日开返公司就系啦。
陈杰：你唔系听朝一早要开车去“东莞”咩？
肥强：（哈欠）系喔，我都唔记得咗啦。咁你开入停车场，自己上嚟啊
陈杰：我唔上啦。你落嚟拿返条车匙啊
肥强：你上嚟啦，我头重脚轻，起唔倒身啊！
（陈杰上到肥强屋企）
陈杰：哇，你搞咩啊？琴晚饮咗几多啊？
肥强：哎，沈贤华婚礼结束后，同咗“周公”、“芹菜”佢哋几个继续下场，去咗唱K囖，啯两条友喺咁沟酒饮，饮到「劏左」，我都唔知自己点样返嚟嘅。你呢？你琴晚送麦麦返去之后点啊？
陈杰：佢…佢琴晚喺我屋企训。
肥强：哇，掂喔，靓仔。同你嘅女神挞返着啦。我同美雪都觉得麦麦没放低你啦，喂，你要多谢沈贤华，一场婚礼帮咗你唔少喔。
陈杰：咪误会啊，唔系你想象中咁样。佢酒精过敏，我想照顾下佢。
肥强：嘻嘻，照下照下就旧情复炽架啦。你哋琴晚有无……?
陈杰：惗咩啊你！我训厅啊！佢今朝一早就走咗啦。想问下佢 训醒有无觉得好D，佢都只系回复“无事”两个字炸。
肥强：阿，有无搞错啊你，咁好机会都唔识把握。
陈杰：你继续训啦。我走了
肥强：训咩姐，都畀你搞醒晒啦。你有咩搞啊，我陪你啦。
陈杰：唔使啦。我去下养老院探公公婆婆。