第113集：场景--误会（5）演绎：麦麦+momo

场景—误会（5）演绎：麦麦+momo
导演、编剧、剪辑、后期制作：麦麦
麦麦扮演：麦麦、美雪、豪仔
Mo 扮演：阿伟、旁白
...................................
星期日早上8：10分，麦麦喺陈杰屋企训醒，头嗡嗡痛，佢望住房间摆设，唔知呢度系边度，睇到自己仲着住琴晚嘅紫色姊妹裙，大脑停滞发呆。佢喺床上起身，突然，麦麦睇到床头柜上摆住陈杰同父母嘅合照，再望向房间正中间墙上，挂住用“乐高”积木拼成，镶边框架合成嘅麦麦同陈杰头像“合照”。麦麦猛得坐起身，惊叫咗一声：啊！！ 佢连鞋都无着就冲出房间，见到陈杰喺大厅嘅沙发训觉，麦麦入房拿起外套同斜挎包，放轻脚步快速离开陈杰屋企。麦麦拿出手机，见到有10几个没接来电同微信语音，阿伟、豪仔、美雪都打过畀佢。麦麦打电话畀美雪。
麦麦：喂喂，小美！
美雪：（哈欠）做咩啊麦麦？咩事咁紧张啊。
麦麦：我…我琴晚喺陈杰屋企啊！我唔知点解，唔知点解会喺佢屋企啊！
美雪：佢琴晚车你翻去见你训咗，应该系唔想吵醒你吧。
麦麦：我…我一D都唔记得啦。
美雪：佢无对你做咩吧？你而家喺边啊？
麦麦：无挂，我唔知啊。我而家行紧返自己屋企。
美雪：无事，你唔使咁紧张，佢唔敢乱嚟嘅。你手同脸仲痕唔痕啊？
麦麦：我都唔记得咗顾手脸啦，好似仲有少少痕，我个头有好痛
美雪：你记得饮多D水，稀释体内酒精啊
麦麦：哦，知道啦
美雪：好啦，你快D返去休息啦。
麦麦：哦，我…
美雪：阿，系呀。差D唔记得同你讲，琴晚阿伟打过电话畀我，佢以为你琴晚喺我屋企训架，你唔使咁老实咩都同佢讲，费事产生误会啦
麦麦：但系……
美雪：你咪惗咁多啦。训醒再讲啦，我都继续训啦。你小心D啦
麦麦：哦，拜拜
美雪：嗯，拜拜
麦麦返到屋企，豪仔啱啱准备出门。
豪仔：咦，家姐，你翻嚟啦
麦麦：豪仔，你去边啊？
豪仔：我约咗同学打篮球啊。家姐，你琴晚去咗美雪姐屋企训啊？
麦麦：呃…我…
豪仔：琴晚琪琪哥打过电话搵你，你无接电话，佢就打畀我啦。佢搵唔到你会好担心呀，你打返电话畀佢没啊？
麦麦：哦，我知道。我等阵打畀佢。
豪仔：嘿，家姐，你块脸做咩有一粒粒嘅？
麦麦：哦，无事，可能有D过敏
豪仔：你饮酒啊？
麦麦：系，饮咗少少，而家个头有D痛。
豪仔：你搽D风油喺太阳穴呀。你等阵食D过敏药喔。
麦麦：知道啦。你打球带多件衫去换啊，饮多D水
豪仔：哦。我带咗啦。家姐，等阵打完球，我去搵琪琪。
麦麦：嗯嗯。嘿，豪仔，发咗个红包畀你，你带琪琪去食嘢，行下街啦。唔好去书店啦
豪仔：哦，书店有饮食区，啯度都有嘢食啊
麦麦：或者你哋可以去玩”密室逃脱”，好似好多学生都去玩，琪琪应该钟意玩D益智游戏
豪仔：哦，但我唔系好钟意囖。
麦麦：嗯，你自己睇住啦。学识迁就下女仔
豪仔：哦。咁我出去啦。
麦麦打电话畀阿伟
麦麦：喂，阿伟
伟：（笑）BB猪，训醒了？我都唔敢打畀你，惊吵住你
麦麦：对唔住啊，我琴晚训咗……
伟：知道啦，你而家喺美雪屋企系咪？我过紧嚟啦，就快到佢楼下啦
麦麦：阿，，唔系啊。我返咗自己屋企啦。而家准备冲凉
伟：哦，好啊。你去冲啊。
麦麦：嗯嗯。我将屋企锁匙放喺门口嘅牛奶箱里面，你上嚟自己开门啊
伟：豪仔呢？佢唔系屋企咩？
麦麦：佢啱啱出咗去啦。
伟：哦，好啊。我去“张记”买早餐畀你，你冲完出嚟就有得食
麦麦：哦，唔该。咁我去冲凉先啦
伟：好，咁等阵我自己上去。