第112集：场景—误会（4）演绎：麦+mo

场景—误会（4）演绎：麦+mo
导演、编剧、剪辑、后期制作：麦麦
麦麦扮演：麦麦、美雪、琪琪、豪仔
Mo 扮演：陈杰、阿伟
.....................................
星期六晚上10点，陈杰车麦麦到佢哋小区门口，车倒后镜睇到麦麦喺后座位置训着咗。佢犹豫一阵，直接将车开到佢屋企楼下放好。陈杰缓慢地抱起熟睡嘅麦麦返去自己屋企。佢好轻手将麦麦放到床上，帮佢盖好薄被。佢用暖毛巾帮麦麦敷脸。麦麦平时好容易醒，可能系饮咗酒，佢眯埋眼郁咗一下，转身继续训，陈杰一直望住佢，忍唔住好想锡佢。呢个时候，麦麦电话响，来电显示“伟（先生）”。同时间，陈杰电话也响起，美雪打畀佢。

美雪：喂，陈杰，你送咗麦麦返去了吧。佢而家点啊？
陈杰：佢训咗了，佢而家喺我屋企
美雪：麦麦喺你屋企训咗！！陈杰，你……
陈杰：喂，你唔好误会啊。我见佢头先喺车训着咗，唔想吵醒佢，而且我想照顾佢…
美雪：嗯，我明白了。佢脸上，手上嘅红点有无好D啊？
陈杰：好D啦，颜色淡咗，我而家用热毛巾敷紧佢手臂。
美雪：好，咁你照顾好佢。你控制住自己阿！你明我讲咩架！有咩畀电话我。
陈杰：嗯
美雪：你都早D休息。拜拜
陈杰：拜拜
阿伟打咗几次电话畀麦麦无接，转打畀豪仔
伟：喂，豪仔
豪仔：喂，哥哥
伟：你家姐翻到屋企没？我打畀佢几次都无听电话
豪仔：家姐没返啊。可能佢手机调咗震动，听唔到挂。哥哥，你唔使担心啦。佢应该返紧嚟。
伟：好。我等阵再打畀佢。
豪仔：嘿，哥哥，琪琪训咗没啊？
伟：没啊，佢睇紧电视
豪仔：哦，咁我打电话畀佢
伟：唔使啦，我叫佢嚟听电话，你等阵。（大声叫）琪琪…电话
琪琪：边个啊？做咩打你电话搵我嘅？
伟：豪仔。嗱…
琪琪：喂，你做咩打畀我哥嘅？
豪仔：唔系啊。系哥哥打畀我搵家姐呀。你睇紧咩电视呀？
琪琪：综艺节目囖。麦麦姐唔系屋企咩？
豪仔：嗯，佢没返嚟啊。琪琪，听日你有咩搞啊？
琪琪：无啊，训醒先算啦。
豪仔：哦，咁我约同学打篮球先啦。你训醒畀电话我啦。
琪琪：嗯，听日电联啦
豪仔：好啊，你唔好睇咁夜啦，晚安
琪琪：得啦。拜拜
（挂电话）
琪琪：大佬，嗱，畀返个电话你。嘿，麦麦姐今晚去咗边啊？
伟：佢同学结婚，佢去咗做姊妹。
琪琪：而家都11点囖喔，佢咁夜都仲没翻到屋企？
伟：嗯。你唔好睇啦，快去训觉
琪琪：睇埋呢度啦，就快做完啦。好搞笑啊，哈哈
伟：笑细声D啦，唔好吵住妈咪训觉。最迟11点半好关电视啦
琪琪：系啦，知啦
阿伟入自己房间，行嚟行去，坐立不安，佢打电话畀美雪
伟：喂，美雪
美雪：喂，边个？
伟：阿伟
美雪：（哈欠）阿伟，咩事啊？
伟：你训咗啦？你哋而家喺边？
美雪：屋企囖。
伟：麦麦呢？而家佢同你一齐呀？我头先打畀豪仔，佢好似仲没返到屋企喔。
美雪：呃…佢…佢训咗啦。今日好攰啊。
伟：哦，我见佢无听电话，又没返屋企，仲以为有D咩事添。
美雪：呃…应该无事挂
伟：咩啊？听唔清楚你讲咩？
美雪：哦，无嘢无嘢。你…你唔使担心啦
伟：好，佢同你一齐我就放心啦。咁唔好吵醒佢啦。听朝我再去搵佢，你都早D休息啦。唔好意思，吵醒你。
美雪：哦，无事，晚安。
美雪发咗一条信息畀陈杰，同佢讲，麦麦男朋友搵过佢，发完就继续训觉了。陈杰睇到信息之后，心情好复杂。佢喺书枱柜筒拿出一个精美嘅礼品盒，将里面嘅戒指，轻轻地戴喺麦麦左手无名指上，将麦麦只手慢慢放到自己嘴角锡咗一啖，细声讲：哎，如果我当年无走，你而家应该系我老婆了。（遗憾）