粤读时光 42 ：不自信的解药

粤读时光，看见生命中嘅光。

唔够自信，

系大多数人嘅通病。

好耐之前我曾经喺一个YouTube视频睇过，

一个人如果想变得自信，

就要努力成为自己想成为嘅人，

亦即系努力实现自己嘅梦想，

一个人系唔会无缘无故变得自信嘅。

自信需要有一个基础，

需要有一个坚实嘅基础。

需要一个你认同嘅嘢，

当你得到咗你认同嘅嘢之后，

你自然而然就会变得更加自信。

呢个你认同嘅嘢可以喺事业嘅成功，

可以系俊朗嘅外貌，

可以系优秀嘅成绩，

亦都可以系获得一个证书。

人嘅自信心并唔会喺好短嘅时间之内就从好低变得好高，

唔会咁样，

自信心嘅养成就好似能力嘅培养咁样，

喺慢慢慢慢咁提高嘅。

有时候你觉得人哋睇唔起你，

其实极有可能系你自己睇唔起自己，

因为自信心好低，

所以就觉得人哋睇唔起你。

我听过咁样一句话，

其实呢个世界根本就冇人在乎你，

大多数人都只系在乎自己，

所以人哋冇睇唔起你，

佢哋根本就冇留意你。

所以你印象中嘅人哋睇唔起你，

其实系因为自己唔自信，

又太敏感。

我以前好敏感，

不过自从我俾心机做自己啲嘢，

后来发觉自己原来能力还唔错嗰时，

我就开始变得冇咁敏感，

冇咁在乎人哋嘅睇法。

当自己能力提高嗰时，

自信心真系会得到提高㗎。

所以不自信嘅解药系乜嘢？

系提高自己嘅能力。

乜嘢能力？

你重视嘅嗰啲能力。

如果你重视赚钱嘅能力，

咁你就俾心机去赚钱，

如果你重视外表，

咁你就努力改善外表，

如果你觉得买楼买车好重要，

咁你就用尽办法去买楼买车。

有时候甚至考一个证书，

或者系成功减肥，

都可以大大咁提高我哋嘅自信。

系唔系因为外表得到改善？

肯定有呢个方面嘅原因。

但系其实我觉得最大嘅原因系你知道你掂，

你喺得嘅，

你获得咗成就感。

有句话系，

钱并唔系万能嘅，

喺成就感呢方面，

钱真系买唔翻嚟，

但系成就感对每一个人嚟讲都好重要，

佢可以令一个人觉得好爽，

觉得自己好犀利，

产生一种发自内心嘅自豪感。

我系掂嘅！

想获得成就感，

并唔系靠俾钱就得，

唔系你俾钱减肥班，

你就可以即刻减肥，

而系要坚持、努力，

坚持同努力好辛苦，

但系当你翻转头再睇呢一切嗰时，

你就会觉得一切都值得，

你觉得自己好犀利，

咁攰咁辛苦自己都捱到过嚟。

你就会发觉之前觉得好困难嘅嘢，

宜家嚟睇其实都冇乜难。

原来所有嘅苦难都只不过系一只推自己向前嘅手，

佢并唔系嚟折磨自己嘅，

而系一把雕琢自己嘅锤仔。

宜家有个词好热，

叫躺平，

广东话系训直，

训直就系减少欲望，

喺现有水平下好好生活。

其实训直唔见得系一种好嘅生活态度。

减少欲望系好嘅，

真所谓欲壑难填。

但系放弃努力真系唔见得自己会开心。

放弃努力咁你就好难获得成就感啦。

放弃努力你就好难见到更加优秀嘅自己啦。

如果你睇到另一个过住你梦想中生活嘅人嗰时，

你应该心入面仲系会觉得好难受。

所以我还系觉得人应该为自己渴望嘅嘢去奋斗。

正所谓你唔逼一下自己，

你都唔知原来自己咁优秀。

粤读时光，看见生命中嘅光。