望向生活的光亮面

粤读时光，看见生活中的光。

今日唔知点解心情好down，

一啲小事就会胡思乱想，

谂起自己仲有好多好多冇做嘅嘢，

谂起自己工作做得唔够好，

谂起好多好多唔好嘅嘢，

越谂心情就越down。

但系忽然之间我就意识到，

可能我心情down并唔系真系因为我非常唔好，

可能并唔系因为生活唔好，

而系因为身体嘅激素问题，

可能只系因为我需要饮汤同好好休息。

跟住我听久石让嘅菊次郎的夏天，

慢慢心情就变好咗。

人有时真系好奇怪。

耐唔耐就会钻牛角尖，

觉得成个世界都拒绝咗自己，

觉得自己系世界上最惨嘅人，

其实事实通常都唔系咁样。

事实通常冇我哋想象中嘅咁差，

都冇想象中咁好。

发觉自己情绪低落嗰时，

其实我哋可以自己调整好自己嘅心态，

听一首开心嘅歌，

食一啲自己中意嘅嘢，

休息一下，

谂吓生活入面嗰啲令自己开心嘅瞬间，

慢慢咁你就会发现其实生活冇咁差，

就算系处于人生低谷，

亦都可以接受，

一切其实都还可以。

听讲呢个世界上好多人都有抑郁症，

我谂应该系佢哋嘅身体激素出现咗问题，

人喺呢个世界上，

会遇到咁多困难，

有抑郁症又有乜野奇怪喔，

最重要嘅系要学识调整自己嘅心态，

就算系处于人生低谷，

都要努力令自己抬起头，

去睇嗰啲闪光嘅部分，

就算光芒好弱，

其实都可以令一个人温暖起身，

可以揾到面对困难嘅勇气。

我最近喺瑜伽班睇到一个新嘅学生，

佢四十几岁，

佢嚟瑜伽班系为咗减肚腩，

佢对佢嘅印象好深，

唔系因为佢个肚腩好大，

而系每一节课佢都好开心，

做乜嘢都好开心，

做得好会开心，

做得唔好都会哈哈大笑。

其实我好羡慕佢嘅呢种状态，

人生在世，其实冇十全十美，

但系如果有一份唔理面对乜嘢，

都充满阳光嘅心态，

我觉得就算我有一个唔完美嘅人生，

亦都觉得冇乜嘢问题。

本来我哋就有唔开心嘅权利，

耐唔耐有啲唔开心冇乜嘢问题，

只要时时记得要望向光，

就会有勇气继续好好努力。

粤读时光，看见生命中嘅光。