粤读时光,看见生命中嘅光。
最近我睇咗一本书,
书入面提到咗安徒生嘅一个故事,
叫《雏菊》。
听过好多大道理,但系都过唔好呢一生,
我有一样嘅问题,
所以我一直探索紧。
呢个故事非常打动我,
所以我想写出嚟。
话唔定你同我有一样嘅触动。
安徒生笔下嘅小雏菊,
积极乐观,
作为一个普通人,
如果我哋都可以有小雏菊嘅生活态度,
应该会更加幸福。
下面就嚟睇下安徒生笔下嘅小雏菊啦。
喺乡间嘅一条大路边,有一座别墅。别墅前面嘅花园种满咗花。花园附近嘅沟,生长住一颗小雏菊。
佢从来都冇谂过佢开出嚟嘅花会好似太阳嘅光环咁靓。佢以为自己就系一朵生长喺草丛入面,可怜卑微嘅花。不过佢成日都好开心,佢将佢嘅头对住太阳,佢睇住太阳,静静咁听百灵鸟喺天空唱歌。
就算今日只系普通嘅一日,小雏菊都觉得好开心。佢觉得百灵鸟唱出咗佢内心嘅感受到嘅一切,所以佢怀住尊敬嘅心情睇住呢只百灵鸟。不过,佢并冇因为自己唔识飞同唔识唱歌就感到悲哀。
小雏菊话:我睇得到、听得到,太阳照住我,风吹住我,我真系好彩。
有啲人嘅开朗系一种自我保护,
有啲人嘅开朗系为咗得到人哋嘅喜欢。
但系小雏菊嘅开朗明艳并唔系为咗得到呢啲。
小雏菊嘅心理,系一种自我满足嘅状态。
呢种系一种可以接纳自己嘅心理。
小雏菊冇压抑乜嘢,亦都冇抱怨乜嘢。
小雏菊同嗰啲怨天尤人嘅人唔一样,
小雏菊因为自我满足,所以佢唔会抱怨。
小雏菊或者觉得,
宜家嘅自己好好。
因为喺呢度,佢可以听到百灵鸟嘅歌声。
小雏菊觉得自己可以生长喺呢度就系一种幸福,
而唔系因为听到百灵鸟嘅歌声之后,
先觉得自己好幸福。
小雏菊系因为自己系自己,所以觉得好幸福。
小雏菊冇牡丹咁靓,
佢生长嘅环境亦都唔系好好,
就好似嗰个一无是处嘅自己。
但系,小雏菊好满足于一无是处嘅自己,
一个人要获得幸福,
点样面对一无是处嘅自己,
呢个先系关键所在。
如果小雏菊因为自己系一朵小雏菊而睇唔起自己,
佢就感慨:边个都唔爱我,
但系如果佢咁抱怨,
佢就会成为一个郁郁寡欢嘅人。
呢个世界上有好多身披锦缎,仲郁郁寡欢嘅人。
花园入面生咗好多嘅名花——佢哋嘅香气越少,就越系装模作样。牡丹尽量扩张,佢想开出大过玫瑰花嘅花,不过佢嘅问题其实唔喺大细。郁金香嘅颜色最靓,佢亦都知道呢个优点,所以佢将条腰挺得好直,咁样大家就可以更加清楚咁睇到佢哋。佢哋一啲都唔在乎外面嘅小雏菊。
呢啲花其实唔可以接受自己,
咁样嘅人先系弱者。
虽然花园入面嘅花都好靓,
不过其实佢哋都过得苦不堪言。
呢啲花唔满足,
佢哋每一朵,
都向人哋展示紧自己。
佢哋开花系为咗得到大家嘅夸奖。
佢哋体会唔到自己嘅价值,
所以佢哋想要身边嘅人嚟肯定自己嘅价值。
呢个就好似一个身家百万嘅人,
听到人哋赞自己有钱嗰时觉得好开心系一样嘅。
不过如果冇人拍佢马屁话你真系犀利,
佢哋就觉得非常难受。
小雏菊成日都睇住花园入面嘅花,佢谂:佢哋咁靓,雀仔一定会飞去佢哋嗰度,谢天谢地,我离佢哋咁近,我先有机会睇到佢哋!不过,百灵鸟并冇飞去牡丹或者玫瑰嗰度,而系停咗喺小雏菊嘅身边。百灵鸟喺小雏菊身边跳舞、唱歌,佢话:呢度嘅草真系柔软,呢朵花真系靓,佢嘅心系金色嘅,佢嘅衫系银色嘅。 小雏菊非常开心。
点解百灵鸟会飞嚟小雏菊嘅身边呢?
肯定系因为小雏菊嘅恬静淡泊。
对于冇拥有过嘅嘢,
佢冇觉得不满,
而且佢非常感恩自己已经拥有嘅嘢。
人同百灵鸟系一样嘅,
身心俱疲嗰时,
想要得到慰藉嗰时,
总系会俾怡然自得嘅人所吸引,
而唔系嗰啲位高权重嘅人人。
接纳自己,可以带嚟巨大嘅能量。
小夜莺唱歌好好听,天鹅姿态优美。
小夜莺有小夜莺嘅好,
天鹅有天鹅嘅好。
但系有啲人,明明系一只天鹅,
就硬系想成为一只夜莺,
而有啲人明明系一只夜莺,
但系就想成为一只天鹅。
咁样嘅人内心唔会安宁。
相信自己,无论系夜莺定系天鹅,
都肯定可以将呢一生过得好好。
人生好唔好,
系一种自我感受,
学识接纳自己,感恩拥有嘅嘢,
我觉得系我目前所知道嘅最有用嘅道理。
粤读时光,看见生命中嘅光。
好喜歡😘
谢谢小草
怎么读的东西有的不在