《小王子》17- 在人群中你也会感到寂寞的

人要显得聪明，有时候就会讲啲大话。

讲到点灯嘅人嗰时，我并唔系好诚实。

我可能会俾嗰啲唔了解我哋嘅星球嘅人留低错误嘅印象。

其实人类喺地球上面占据嘅空间系非常细嘅。

假如住喺地球上面嘅二十亿人，一齐好逼咁企埋一齐，就好似参加公共聚会咁样，咁一个长二十英里，宽二十英里嘅广场就可以轻轻松松咁容纳晒佢哋。

太平洋最细嘅岛亦都装得晒所有人类。

当然啦，咁样嘅话大人系唔会相信嘅。

佢哋以为自己占据咗好多空间，佢哋幻想自己就好似猴面包树咁重要。

你可以建议佢哋自己亲自去计吓。

佢哋崇拜数字，佢哋会开心咁去计。

但系你唔好嘥时间去做呢件无聊嘅事，咁样嘅事一啲意义都冇。

请相信我。

到咗地球之后，小王子觉得好意外。

因为佢睇唔到一个人，佢有啲担心自己嚟错咗星球。

呢个时候，有一个白色嘅圆环从沙地上面移动过嚟。

晚上好。

晚上好。

我宜家降落喺边个星球啊？

地球。

呢度系非洲。

哦，地球上面冇人咩？

呢度系沙漠，沙漠入面冇人。

地球好大，小王子坐石上面，抬起头望住个天。

我谂紧，星星咁光，系唔系为咗等每一个人始终有一日可以翻去自己嘅星球啊？

你睇吓我嘅星球，佢就喺我哋嘅头顶。但系佢太远啦。

佢好靓。你点解要嚟呢度啊？

我同一朵花夹唔嚟。

哈？

佢哋沉默咗一阵。

人喺边度啊？喺沙漠入面我觉得有啲孤单。

喺人群入面你都系会觉得孤单嘅。

小王子好仔细咁睇咗佢好耐。

嗯，你真系一只好奇怪嘅动物啊。同一只手指差唔多咁大。

但系我比国王嘅手指仲要犀利。

哈哈，你边有冇咁犀利喔。你连脚都冇。

你甚至都去唔到旅行。

我可以送你去好远嘅地方，比你要坐船先去到嘅地方仲远。

佢盘上咗小王子只脚眼，睇起身就好似一个金色嘅脚环。

无论边个俾我掂到，都会俾我送翻去佢嚟嘅地方。但系，你好纯洁，又系从一粒星星嗰度嚟嘅。

小王子冇出声。

我觉得你有啲可怜。喺呢个坚硬嘅地球上，你会显得好脆弱，如果将来你好挂住屋企，我可以帮你，我可以...

好啊，我明白你嘅意思。但系点解你讲嘅嘢硬系好似谜语咁嘅？

因为我有全部嘅谜底。蛇话。

佢哋又沉默咗落黎。

欢迎关注微信公众号“我要学广东话”，最新音频会先在微信公众号更新哦。