第九十七课
第一节:上海话顺口溜“老”“头”“子”(24)
放依一码 放码头
死磨硬缠 有缠头
期待希望 是望头
懒于走访 懒脚头
大票找另 叫找头
折叠被子 摊被头
冤家路窄 是对头
第二节: 上海话助词(43)语气助词 提醒,警告
提醒,警告:个 噢 鷝 咸 唻 仔 呀 (了噢/ 篕 个噢 个鷝 个咸 个呀)
“个”、“个噢”、“个鷝”、“个咸”、“个呀”都带“确实”味。“篕”是“了噢”的合音,带“起事”义。“鷝”带有戏警味。
伊并呒没去咸! / 侬要听闲话咸!
侬可以回去唻! / 搿只脚忒大唻! / 搿桩事体呒没办法唻! 我末还要去做气功唻! /
我明明看见个,还要赖唻! / 只怕还有一块呒没拿来唻!
勿要吃坏脱仔! / 当心坐断脱仔!
侬应该去呀! / 告诉伊拉娘呀!
我来篕! / 落雨篕! / 要出事体篕! / 我出去篕! / 饭熟篕! / 客人来篕! / 戏已经开场篕!
本生应该侬去个噢! / 晓得个噢! / 要敲坏脱个噢! / 勿好勿去个噢! / 水开个噢!
本来应该侬去个鷝! / 千载难逢辣一道个鷝! / 烫个鷝!
勿是搿能做个咸! / 侬应该去个咸!
勿好吃香烟个呀! / 侬勿可以勿去个呀!
第三节:上海话里动物句子(2)
老虫做亲——“老虫”就是老鼠。搿种动物日里向一般勿大出来活动个,葛末到仔夜里向,就侪是伊拉个市面了。“老虫做亲”,通常就是指深更半夜个辰光忙煞。
老虎脚爪——巴掌打人老结棍个,叫请侬吃“老虎脚爪”。不过,还有一种传统早点,也叫“老虎脚爪”,因为伊个外形有眼像老虎个脚爪。
鸡狗鸡狗——当象声词来讲,就好比“叽咯叽咯”,而十二生肖当中,据说“鸡”和“狗”是“相冲”个,鸡狗碰垃一道就“鸡狗鸡狗”搞勿清爽哉!
蚊子结——“蚊子结”专门用来指一种邪气细小个接头,譬如,垃拉纺织厂里纱线、毛线打结头侪是用“蚊子结”个,搿种接头,勿但接头个外形细小,外加交关牢靠,勿会松脱个。
鸡爪疯——侬看看鸡个爪子,永远捏勿起拳头来,一个人个手,假使手节头侪像鸡个爪子一样撑开来,抖抖索索个,啊是标标准准个戆大啦?
第四节:普通话搭仔上海话爆笑翻译(6)
普通话:你们不是从小一起长大的么?又打架了?
上海话:乃勿是册裤兄弟嘛?又对拷拉?
普通话:不要捣乱,我很忙,你要懂事。
上海话:覅掏浆糊,我忙的来双脚跳,侬懂事体眼好勿。
普通话:您帮我看看这东西,我不懂行。
上海话:侬脱我把把关,我生怕吃药。
第五节:上海话讲笑话
埃日,辣辣北京鸟巢门口,一个年轻人坐辣一边,一只拆污拆勿出个面孔。警察过来问:“小青年,侬难道呒没买到今朝滚石三十周年演唱会个票?”
年轻人摇了摇头,拿出了两张票,警察一看,邪气奇怪,问伊哪能勿进去,年轻人讲:“我本来想约一个偷偷叫欢喜了老长辰光个女同学,打电话拨她,女同学问是啥演唱会,结果我刚刚讲了一个字,手机就呒没电了……”
警察一听,奇怪个问:“侬讲了个啥字?”
“滚—”
第六节:小说弄堂上海词汇(30)
别转身:转身
憨脱:傻掉,不知如何是好
拆屁:放屁
迭排里:这类,这种。我煞场化碰到迭排里人过啦。
吊带: 被带
看西洋镜:看热闹
现世:难为情,丢脸
毕毕静:非常安静
硬档:实在,过硬,可靠。反义词:软档,有把柄
呀呀乌:胡来
板:肯定
埭dha:次。搿电影我看了两埭。普拼dai
斜垛du里:普拼:多。斜的方向。呒没想到斜垛里蹿出一只狗
排头排脚:从头到脚
已学
的把里是什么意思
阿拉顶呱呱 回复 @1386640msqg: 迭排里=这种,这类