第125集：场景--同居（7） 演绎：麦+MO+言

场景--同居（7）演绎：麦麦+momo+言
导演、编剧、剪辑、后期制作：麦麦
麦麦扮演：CC
Mo 扮演：聪
言 扮演：肥强
………………
星期四早上9点40分，陈杰嚟到肥强办公室
（电话中）
肥强：哦系系系，多谢晒李生。我哋尽快修改协议，发去你邮箱，你睇过如果无咩问题，就约时间签合同啦。
肥强：好嘅好嘅，系咁先。保持联系。拜拜
陈杰：你同李生讲电话？
肥强：系啊，啯条友好鬼麻烦架，要求多多，合同改嚟改去，迟迟唔肯落实。
陈杰：咁而家呢，倾掂没？
肥强：改埋呢版畀佢囖。再唔掂都唔想睬佢啦。烦到死
陈杰：喺咁架啦。客户系上帝。
肥强：喂，你过嚟搵我有事啊？
陈杰：阿，系啊。差D唔记得。约咗梁琛伟听日晏昼3点去佢公司倾条款喔。
肥强：听日晏昼阿，应该好快搞掂吧？
陈杰：做咩啊，你听日有事阿？咁使唔使改时间啊
肥强：哦，唔使。呢单嘢都拖咗好耐啦，快D嗱嗱啉搞掂佢。
陈杰：好。喂，琴晚10点左右见到你喺我屋企附近开车经过，搞咩啊？
肥强：噢。。我同美雪食饭睇戏，跟住车佢返屋企囖
陈杰： 你同美雪？
肥强：系啊，我收工去接佢。
陈杰：唔怪知你咁准时走啦。
肥强：（笑）我而家追紧佢啊。
陈杰：（笑）真架！
肥强：系啊。我钟意佢性格。以前读书啯时，如果佢唔系钟意你嘅话，我都追咗佢啦。
陈杰：（笑）咁你哋而家？
肥强：没开始啊。佢话一直当我系兄弟，暂时没适应同我切换关系喔。
陈杰：（笑）加油啦。顺其自然，唔好操之过急
肥强：放心啦。我会畀时间佢嘅。反正我哋都识咗咁多年，唔争在啦。
陈杰：嗯嗯。听日周五你系约咗美雪吧？
肥强：系啊。佢想买个三层柜装杂物喔，约咗佢收工去家私店睇下囖。
陈杰：哦。如果收工时间没倾完你走先囖。
肥强：嗯。到时睇下啦。应该都差唔多时间
星期四中午12:15分，阿聪同CC喺茶餐厅食lunch
聪：喂，你睇下食咩
C：是但啦。你帮我点啦
聪：咁我点个肉饼饭啦
C：唔，我唔食肉饼
聪：冬菇云耳蒸鸡
C：唔，唔食云耳
聪：咁海南鸡饭啦
C：唔，我唔食鸡啊！
聪：哎，样样都唔食，你自己睇菜牌点啦
C：我想食番茄蛋或者九王炒蛋
聪：（有D不耐烦）咁即系边样啊
C：叉烧滑蛋饭啦
聪：你条友，百足咁多心。要唔要汤啊
C：要啊
聪：饮咩啊？哎，都系等我嚟拣啦，如果唔系都唔知几时有得食。
C：整多碗芒果西米露呀，我想食啊
聪：嗯。得啦，点好啦
C：嘿，听晚我约咗房东交房啊。你陪我啊
聪：仲使你讲咩，肯定啦。我系你边个啊
C：嘻嘻，么么哒。
聪：（笑）系咪有个男朋友好爽呢
C：系啊系啊。爽死啦，得没！喂，你帮我接返佢啯台洗衣机嘅管啊，仲有喺杂物房嘅消毒碗柜放返去原来位置呀。
聪：好。今晚落班我过去帮你再睇下有咩执。按返房屋原摆设交收，听晚现场收返D押金囖。
C：嗯。
聪：听晚搞掂，我哋就一齐返屋企，嘻嘻
C：喂，你趁我没搬入去之前惗清楚啊
聪：惗咩啊？
C：我同你D生活习惯相差好大架。到时你肯定样样都睇唔惯我。其实话时话，你中意我D咩姐
聪：中意咪中意囖，要理由咩？咁你又中意我咩
C：（笑）我有话过中意你咩
聪：哈，你呀！你唔觉得我哋性格互补咩
C：觉啊。我似男人，你似女人囖
聪：哼！到时慢慢炮制你，等你见识下咩叫男人
C：你试下，睇我咬唔咬死你！
聪：咁恶死，剥晒你排牙！
C：（笑）聪哥哥，你过嚟呀
聪：做咩啊
C：嚟，锡啖
聪：嘻嘻。（用力咬）啊！！！痴线架！好痛啊！！
C：哼，死没！！等你够胆炮制我！！