第117集：场景--误会（9） 演绎：麦麦+MOMO

场景—误会（9）演绎：麦麦+momo
导演、编剧、剪辑、后期制作：麦麦
麦麦扮演：程珊珊
Mo 扮演：陈杰
星期日晚上6:15分，卡卡西餐厅
陈杰：你睇下钟意食咩？
程珊珊：我无所谓啊。你随便点就得啦。
陈杰：嗯嗯，咁我嚟点。
程珊珊：（笑）嗯
陈杰：笑咩？
珊珊：无啊，觉得咁巧囖。舅父打电话畀我话介绍个男仔畀我啯时，我本来唔想去。但惗到你每个礼拜都会去康体中心做义工，就惗住顺便去睇下你囖。惗唔到舅父讲嘅男仔就系你。
陈杰：（笑）我都估唔到发哥嘅外甥女系你。你搵我做咩？
珊珊：呃。你仲有无饮酒啊？你个胃点啊？
陈杰：哦，无嘢啦，我本来都唔系成日饮酒。早排急性胃炎，突然间抽搐好痛，后来敷下热水袋，之后食D热粥就无事啦。
珊珊：你唔好忽视啊，搵个时间去医院照下胃镜，做下检查啦
陈杰：嗯。你今日使唔使返工？
程珊珊：琴晚上夜班，今早收工囖。
陈杰：你哋做医生作息时间咁乱，压力大，点样调节阿
珊珊：听下音乐，睇下D搞笑片囖。我哋科室主任成日都会带D好嘢畀我哋食，所以值夜班无嘢做啯时会食下嘢囖。呢D都系好好嘅减压方式。你呢？
陈杰：哦，咁几好啊。我？打机囖。我做游戏开发嘅，所以会留意下D游戏平台囖
珊珊：哦，等阵食完嘢去睇戏囖。有部新嘅搞笑片啱啱上画吖。
陈杰：呃。我有D工作上嘅嘢要整理下
珊珊：哦。咁下次啦
陈杰：嗯
晚上时间8:45分，喺琪琪屋企食完晚饭之后，阿伟送豪仔、麦麦返去。到咗麦麦屋企楼下，豪仔先上去。呢个时候陈杰返到小区，佢想约麦麦落嚟当面解释琴晚喺佢屋企过夜嘅事，行到麦麦屋企楼下，陈杰亲眼睇到一个男生喺小车入面揽住麦麦锡，而佢认得呢部车。陈杰不由自主握起拳头。等麦麦落车上楼后，陈杰慢慢行过去…。
陈杰：嘿
伟：咦，陈生。落嚟倒垃圾啊？
陈杰：唔系！你而家有无时间，我哋倾下
伟：好啊。上车啊。去返上次琶醍酒吧街
陈杰：你放车啊。上嚟我屋企啊
伟：嗯。好
…………
陈杰：入嚟啊。随便坐
伟：嗯。你呢度唔大但几舒服阿
陈杰：嗯嗯。冰箱有两支生啤，我哋饮
伟：我唔饮啦，等阵仲要开车
陈杰：哦，唔记得添。咁饮茶啦
伟：唔该。上次去上海出差，系机场 同埋“宇飞公司”碰到沈生，讲好翻嚟广州约，一直都无时间。
陈杰：你出差同女朋友一齐去？
伟：系啊
陈杰：你哋有无去边度玩？
伟：去咗上海迪士尼
陈杰：（苦笑）佢一定好开心吧。佢咁钟意卡通人物。
伟：嗯。你点知！
陈杰：无。好多女仔都钟意。
伟：阿，系啊。听我哋主管May姐讲，沈生想搵我哋公司合作游戏开发喔。
陈杰：系，我哋有呢个意向，我哋下星期搵日去你哋公司倾下具体条款，好多细节需要协调细化，，沈生呢两日要去东莞出差，所以等佢返嚟再定时间
伟：好啊。到时你直接联络我啊，我哋主管休假
陈杰：好。哎，上次你咪提过我前女友嘅，琴晚我哋同学结婚，佢做姊妹，我做兄弟，成班朋友聚埋一齐，我哋好似返翻以前读书啯时咁。
伟：（笑）友情系最纯洁嘅，喺学校一齐寄宿，打闹，追女仔…呢D时光真系特别难忘。出咗嚟社会做嘢，人际关系就复杂好多啦
陈杰：系。因为我出国之后同佢分开咗，我觉得好唔值，我屋企…哎，我控制唔到。我仲没放低佢。但佢而家已经有男朋友了，如果系你，你会点做？
伟：我？其实关键睇个女仔态度同埋佢对你现时嘅感觉囖
陈杰：佢D性格唔识拒绝人，但其实佢未必搞得清楚自己感觉。人对佢好，佢亦对人好，但呢个系咪爱，佢真系唔清楚。
伟：我唔知呢个系你一厢情愿咁样惗，定系你前女友真系咁样。不过呢，解铃还须系铃人，无论佢对你钟唔钟意，都要佢亲口同你讲，你先会释怀。
陈杰：嗯。琴晚佢喺我屋企过夜，其实我好想同佢讲……
伟：点解佢会喺你屋企过夜？
陈杰：哎，一言难尽……嗱，畀你睇下佢做姊妹嘅相
阿伟接过陈杰手机翻动几张照片，睇到照片中嘅麦麦，仲有美雪，个心慢慢下沉…