091 优孟衣冠 （沪语）

“优孟衣冠”

楚庄王辰光，相国孙叔敖是为官清正，深孚众望，但是伊死脱之后，屋里厢个人却穷得嗒嗒滴，无以为生。当时楚国有一个知名个乐舞谐戏也就是表演滑稽戏个演员孟，晓得迭桩事体之后，很为相国身后个凄凉境遇抱勿平。

一日，楚庄王四十大寿，王宫里厢大开筵席庆贺。照例呢，勒开筵个辰光安排了乐舞谐戏。正当庄王搭群臣欢乐畅饮个辰光，演员当中走出一个人来。这个人满面愁容慢慢教走向庄王，举起斟满个酒杯，向庄王敬酒祝寿。庄王抬头一看，勿禁大吃一惊。啊呀，伊勿是别人，正是已经过世个孙叔敖。庄王豪扫用颤抖个手挪酒杯接牢，问伊:“侬，侬，侬哪能死而复生了呀?”伊个人笑着说:“大王，小人勿是已故个相国，是优孟呀!”庄王揩了揩眼睛，定神看了看，然后讲:“啊！真是扮得象，我还以为孙爱卿复生了呢!”说完叹了一口气，感伤个对孟讲:“孙爱卿死脱之后，我常庄想起伊，侬既然捺伊扮得嘎像，搿么侬就留勒我个身边。假使侬愿意，侬就担当伊生前个职务吧!”迭个辰光，优孟豪扫跪在地上，流着眼泪讲:“大王，侬晓得现在相国屋里厢个凄凉情景吗?相国屋里厢里个妻儿老小如今穷得住呒住个，吃呒吃个，伊个两个年幼个公子被迫上山砍柴，以卖柴板糊口过活。像相国迭能一个为楚国今日个强大立下汗马功劳个重臣，身后落得迭能凄凉，讲起来真是令人寒心啊！因此，大王虽然恩赐我相位，但是我宁愿自尽于大王个面前，也勿能从命！”说完还唱了一首极其悲凉个曲子。孟个迭番闲话，使勒酒色中过糊涂日脚个楚庄王吃了一惊，伊顿脚道:“啊，还有跌能个事体啊?我哪能一眼眼也勿晓得呢?”说完便吩咐左右侍从，马上把孙叔敖个两个儿子寻得来，并对孟说:“我现在明白侬个心意了，侬下去吧！我会得拨孙爱卿个子弟一块封地，让伊拉过安稳个日脚。”

迭个传说就是历来所讲个“优孟衣冠”。