顶呱呱上海话基础课程(9)

第一节：进行体，存续体，完成体，经历体

(1)进行体：
表示事情正在进行，用辣、辣辣、辣嗨，辣盖 + 动词形式
侬现在辣辣做啥？
我辣辣打电脑。
侬个朋友近来辣嗨忙点啥？侬看，伊辣辣来了。
娜搿歇侪辣辣忙啥个事体？
使用范围比普通话大，比如：天一日日辣嗨冷下来了。

(2)存续体：
表示动作结束后，其状态还在延续或存在着，用 动词 + 辣、辣辣、辣嗨，辣盖，
有的句子相当于普通话的 动词 + 着”、动词 + 在那儿”的意思。有的有“在里面”的意思，

写字台高头一叠专业书里混辣嗨几本卡通书 = 书桌上一叠专业书里有几本卡通书混在里面。
茶壶里再冲点水辣嗨 = 茶壶里再冲点水在里面。
我搿歇正好忙辣嗨，呒没辰光搓麻将。
侬混辣里向做啥？我辣混日脚呀，混辣里向日脚好过呀。
我辣嗨掼垃圾，隔壁老王搭我讲：侬哪能拿垃圾掼辣辣搿搭？

(3)有的只表示“现状”的语气
要等伊吃好是有一歇辣嗨唻！= 要等它吃好啊，有一点时间啦！

亻那看，伊拉书房里倒收作得清清爽爽辣嗨 = 你们看，他们书房里倒收拾得很清洁哪。
喏，足球踢得正好紧张辣嗨 = 看，足球踢得正紧张呢。
啥人空辣嗨，可以去帮帮忙。
我忙辣嗨，抽勿开身。

(4)有的表示“程度高”
正房里向家生倒勿推扳辣嗨！= 正房里的家具倒不差的哩！
一套红木家生要十几万洋钿辣嗨！= 一套红木家具要十几万元呢！

(5)完成体：表示事情已经完成或实现，用动词 + 了
我买了小菜，烧好了饭，等我儿子来吃饭。
已经等了半个钟头了。

老派用 动词+仔
我儿子跟仔小王买碟片去了 = 我儿子跟着小王买碟片去了。

上海话表示完成，还用 动词 + 过
侬饭吃过了哇？
我还呒没吃过。
侬今朝下去锻炼过哇？

(5)经历体：表示有过某种经历，动词 + 过歇 或 动词 + 过
侬生鱼片吃过歇哇？
阿拉两年前吃过一趟。

我辣嗨吃饭，我饭吃好辣。我辣嗨忙。我忙辣嗨，呒没空过来。我吃过饭了。我吃仔饭过来个。搿顿饭到吃脱交关钞票辣嗨。

第二节：代词
别个：别的
搿个，迭个：这个。“个”相当普通话“的”和“地”。埃个，伊个：那个 
搿些，搿眼，迭眼，迭些：这些
埃些，埃眼，伊些，伊眼：那些
搿眼物事我勿好畀侬，别个我侪可以。
搿腔我老忙个，搿眼事体娜帮我做脱，好伐？

第三节：副词
辣末，末结、压末：最后 
本生：本来 
刚刚：刚才  
辣末离开个人请拿门锁脱。
我本生勿想来个，是伊硬劲要我来个。
我刚刚走脱，伊就回来勒，结果阿拉两个人呒没碰到。

第四节：生活词语
死蟹一只：一筹莫展，无可挽回；疲惫不能动弹）。乃末死蟹一只，车子钥匙畀我落脱勒。
七荤八素：头昏脑胀，晕头转向，糊里糊涂。搿腔我忙勒七荤八素，天天加班
烂糊三鲜汤：做事胡来，不负责任，搞得乱七八糟。好好一桩事体，拨侬弄得勒是烂糊三鲜汤
搿能样子：这样子。侬搿能样子做事体勿来三个.
作兴：或许。作兴人家小姑娘欢喜侬勿好意思讲呢？
大亨郎头：大人物，亨，来自hundred音译，原指有百万家产这。大（du）亨郎头；大（du）亨。伊辣埃个辰光是上海滩个大亨郎头
花露水：花样，花头，名堂，好处。伊迭排人勿会有啥花露水个。
蛮：当师傅末花露水也蛮浓，学员马屁也拍得蛮紧，三日两头有酒水吃。
三日两头：三天两天。侬三日两头辣辣外头，到底辣嗨忙啥个事体啊？
像煞：好像。哦呦，派头大睐，像煞伊是江北大亨。侬像煞是福尔摩斯个爷一样，样样晓得。伊看到伊阿爸像煞是老鼠碰到猫，拔腿就逃。

第五节：上海话俚语
☆请侬吃辣火（货）酱
　　上海人一般是不吃辣的，一点点微辣都受不了。请你“吃辣火（货）酱”，就是给你点颜色看看。
小赤佬侬勿听闲话对伐？看样子我要畀侬吃眼辣火（货）酱。

第六节: 上海话童谣
落雨喽，打烊喽，小叭啦子开会喽，廿四路电车打弯喽，人民警察逃特喽。

癞蛤巴跳

热水瓶爆
癞蛤巴跳