第156集：场景--感觉（12）下集 演绎：麦麦+momo

场景--感觉（12）下集 演绎：麦+mo

导演、编剧、剪辑、后期制作：麦麦

麦麦扮演：麦麦

Mo扮演：旁白、阿伟

。。。。。。。。。。。。。。。。。。。

星期六半夜凌晨4:25分，沙滩周边无人，有微风，有海浪声，喺灯塔嘅二楼，喺浪漫彩灯同心形蜡烛衬托氛围下，阿伟同麦麦拥吻，锡咗一阵，阿伟有D忍唔住，顺势锡佢颈部位置，想再进一步。麦麦觉得好痒，感觉好似缺氧咁，脸都红了，而且觉得成身好热唔舒服，佢轻轻推开阿伟，捂住心口微微喘气。阿伟无出声，轻摸麦麦背部安抚（心捻：忍住忍住，唔好吓亲佢）。过咗一阵，见麦麦放松咗D，阿伟点燃一扎烟花畀麦麦，睇住佢玩。嘴角扬起微笑。

（烟花声，笑声，海浪声。。。）

阿伟：傻猪，攰唔攰啊？过嚟坐下

麦麦：哦。呢度你几时布置架？

阿伟：头先两点几咯

麦麦：吓，你头先氹咗我训教后，跟住过咗嚟呢度布置场地，又返过去房车叫我起身，咁样来来回回，你咪无训过觉咯！

阿伟：我训咗两个钟架，放心啦

（麦麦拿起旋转木马音乐盒打开）

麦麦：我好中意呢首歌，旋律好听。

阿伟：（笑）你中意就好。

麦麦：嗯。呢部动画片都好睇。《天空之城》系一部富有哲理同情感嘅动画电影，佢通过一个充满想象力嘅故事，探讨了人类对美好生活嘅追求，同埋点样面对困境嘅勇气和智慧。

阿伟：（笑）BB，你单纯可爱，以后我陪你睇动画片

麦麦：（笑）系啊，其实我都有嘢送俾你架，不过喺房车度，无带出嚟啊。等阵返去摞俾你啊。

阿伟：你唔使送嘢俾我啦。你就系我最好嘅礼物啦

麦麦：（笑）咦。阿，系啊，我爹地妈咪下个礼拜会返嚟

阿伟：哦。礼拜几返啊？

麦麦：我都唔知啊。本来佢哋呢两日返，见我哋出咗嚟玩就话下个礼拜先返咯。具体边日返，佢哋无同豪仔讲啊

阿伟：傻猪，咁你问下呀，到时我同你一齐去车站接佢哋

麦麦：呃，等豪仔问啦

阿伟：BB，你趁呢个机会多D同佢哋沟通啦，尝试改善下关系啦

麦麦：嗯。你眼唔眼训呀？挨住我博头训一阵

阿伟：唔训啦，而家都5:22分了，太阳应该好快出来啦

麦麦：嗯嗯，我没睇过日出，你呢？

阿伟：我陪朋友睇过一次

麦麦：（失望）哦。朋友！

阿伟：（笑）捻咩啊傻猪，男生嚟架。朋友失恋，我哋几个friend买咗两箱啤酒，半夜三更陪佢上 白云山 饮酒到天光，喺太阳出嚟啯刻，我哋几个陪佢对住山脚大叫发泄，“过去就过去啦，新嘅一日又开始啦。”

麦麦：哦。原来咁阿。。

阿伟：嗯嗯

麦麦：阿。。。。你睇，你睇，太阳出嚟啦！！

早上时间5:54分，从东方的水平线上出现咗一道亮光照在海面上，微风吹起一道道波纹，海边三三两两也有人嚟睇日出，太阳出来嘅一霎那，无数相机拍下呢个美丽又激动人心嘅时刻，海水红起来了，太阳一点一点向上升，当太阳完全升出海平面嘅时候，佢发出嘅光芒很柔和，不刺眼，不强烈，照在人身上，感觉特别温暖。大鹰,悠游自在地翱翔在碧海蓝天之间。。。。。（麦麦：哇，好靓阿）

麦麦拿起手机拍照，同阿伟自拍咗几张，咁靓嘅自然景象，有个咁爱自己嘅男朋友喺旁边，一向唔发朋友圈嘅佢，都忍唔住发咗几张。阿伟拖住麦麦从灯塔二楼落到沙滩，抱住佢转圈拥吻，（两个人开心大笑，）沙滩十几对嚟睇日出嘅情侣纷纷仿效，顿时间，好似变咗“集体婚礼”现场咁，浪漫气氛笼罩住整个沙滩。。。。

阿伟：麦麦，我好爱你阿

麦麦：（笑）我都系啊。感激遇到你

阿伟：抵锡！好啦，而家6点几，我哋食D嘢，跟住返房车训觉啦

麦麦：嗯。我哋上去灯塔执返D嘢先啦。我去洗手间换返件衫

阿伟：唔使换啦，你咁样好靓阿。如果要换，都返房车度先换啦，而家洗手间开始有人拉。

麦麦：哦，我惊琪琪佢哋睇到啊

阿伟：傻猪，使咩惊啊，睇到咪睇到咯。况且，佢哋边有咁早醒，我哋返去训着，佢哋都唔知啦

麦麦：哦，咁好啦。我返去先换