第155集：場景--感覺（12）上集 演繹：麥麥+momo

场景--感觉（12）上集
演绎：麦+mo
导演、编剧、剪辑、后期制作：麦麦
麦麦扮演：麦麦
Mo扮演：旁白、阿伟
。。。。。。。。。。。。。
星期六半夜凌晨3:30分，阿伟发信息畀麦麦，麦麦手机震动。麦麦好醒训，佢怕震醒琪琪，马上按住部手机。睇咗一眼信息，轻轻转身， 慢慢起床。阿伟已经起身，坐喺小餐台等佢。阿伟背起大背囊，轻手轻脚打开房车门，拖住麦麦往沙滩方向走去。
阿伟：BB，嗱，着件外套啊，有D凉意
麦麦：哦。咁你呢
阿伟：我唔冻。BB，我哋行去啯边果个 高灯塔 咯
麦麦：哦。好啊（哈欠）
阿伟：你系咪好眼训啊
麦麦：嗯，有少少
阿伟：上嚟啊，我背你
麦麦：仲咩要背我啊，我又唔系唔行得。而且你背住个大背囊
阿伟：背囊我可以打斜背。你喺我背脊度训一阵
麦麦：唔使啦，我好重架
阿伟：（笑）你都叫好重啊！唔使怕丑拉。而家沙滩又无人
麦麦：呃，你做咩背咁大个背囊嘅
阿伟：（笑）到时你就知。嚟啊，乖，快D上嚟
麦麦：哦，你攰就放我落嚟啦
阿伟：嗯。得啦。
麦麦喺阿伟背脊训着咗。阿伟行到灯塔下面，慢慢放低大背囊喺地上，佢无叫醒麦麦，直到4:15分麦麦醒了。（重叠位 麦麦：（哈欠）阿伟：BB，你醒了？ 麦麦：嗯，你背我咁耐啊，肯定好攰啦，辛苦晒啊。阿伟：（温柔）我唔辛苦）阿伟先轻轻放佢落地，佢全身麻痹，手酸脚痛。麦麦帮阿伟按摩肩膀手臂，阿伟喺麦麦额头锡咗一啖，
然后拖住麦麦嚟到灯塔旁边嘅洗手间门口，打开背囊，拿咗条黑白拼色百褶吊带连身长裙出嚟，递俾麦麦
阿伟：呐，BB，送俾你啊。
麦麦：阿，吊带长裙啊
阿伟：（笑）中唔中意啊
麦麦：中意，但好似。。好似有D性感咯
阿伟：唔会呀，你入去洗手间换俾我睇啊
麦麦：吓！而家！而家换？
阿伟：系啊。本来捻住今晚俾你，等你听日先着（穿）嘅，但听日琪琪，豪仔佢哋喺度，你应该都唔会着，咁趁佢哋而家唔喺度，你着俾我睇啊。（笑）
麦麦：呃，唔好啦，我....
阿伟：呐，泳衣同长裙，二选一，着俾我睇，你拣。
麦麦：咦。。。
阿伟：（笑）嚟啊BB，乖啊。一系我帮你。。。
麦麦：呃，唔使唔使。。
阿伟：（笑）我喺度等你，有咩事大声叫我
麦麦：哦
喺麦麦入洗手间换裙嘅时间，阿伟将事先准备好嘅蜡烛系灯塔二楼围成心形点燃，仲有大气球同彩灯，小餐台都系提前踩点准备嘅。佢喺洗手间快速换咗件恤衫企喺门口等麦麦。
当麦麦着住长裙行出来啯刻，阿伟目不转睛咁望住佢。
麦麦好唔自然咁用左手捂住心口位置，右手提起长裙，傻傻咁企定，好似唔识郁（动）咁。阿伟手中拿住一个精美礼盒，打开礼盒，系 一套石榴石耳环，手链，颈链嘅首饰，佢帮麦麦戴上。（重叠）阿伟：BB，你好靓啊！）麦麦头耷得好低，完全唔敢望阿伟，个心跳得好快。
阿伟笑住拖住麦麦只手，上咗灯塔二楼位置。当麦麦睇到蜡烛，气球，彩灯闪烁嘅布置环境时，忍唔住伸手触摸，开心到忘记自己着住“性感”长裙。阿伟喺背包中拿出一只“大米妮老鼠”公仔，仲有一个旋转木马形状嘅音乐盒俾麦麦
阿伟：BB，送俾你
麦麦：哇，你送咁多嘢俾我啊。怪唔知你拿咁大个书包啦。
阿伟：（笑）仲有嘢啊，你想唔想要啊
麦麦：仲有！你变咗有个百宝袋嘅哆啦A梦呀（笑）。
阿伟喺背包拿咗一堆“仙女棒”“火箭桶”“滴滴轮”等烟花出嚟，点燃两根“仙女棒”后递畀麦麦
阿伟：登登登。。。。
麦麦：（笑）哇，烟花啊，你准备咗咁多嘢嘅？
阿伟：（笑）我好早之前就已经买定啦。头先喺沙滩都有好多人放烟花，本来就想拿出嚟畀你玩，不过捻住今晚先。嘻嘻，BB，中唔中意啊？
麦麦：（笑）中意，好靓啊。
阿伟：你记唔记得我哋喺上海迪士尼嘅晚上呀
麦麦：梗系记得啦。城堡好大好靓，整个童话氛围好浓郁，晚上烟花璀璨，好震撼，好浪漫啊。仲有，我好中意玩机动游戏
阿伟：哈哈。傻猪，啯次见你玩得好癫，同你平时状态完全唔同，你俾我嘅反差感好大，好似个细路女咁。
麦麦垫高脚尖揽住阿伟，主动锡佢。喺佢耳边讲：多谢你啊，自从识咗你之后，我觉得开心咗好多啊。阿伟甜笑，揽得麦麦好紧，捧着她个头锡佢。