第152集：場景--感覺(9) 演繹：麥+mo+言+布

场景--感觉(9) 演绎：麦+mo+言+布
导演、编剧、剪辑、后期制作：麦麦
Mo扮演：旁白、陈杰、阿伟
言 扮演：肥强
麦麦扮演：麦麦、豪仔、琪琪
布布扮演：徐老师
。。。。。。。。。。。。。
星期五下午2：36分，陈杰喺办公室啱同国外两位旧同事开完线上会议，呢段时间为咗赶“江门仙游公司”游戏工程进度，陈杰日夜颠倒，睡眠严重不足，顿时感觉头晕眼花，趴咗喺书枱啱想闭目休息下，肥强敲门入嚟
（敲门）
陈杰：（哈欠）入嚟
肥强：嗱，冲咗杯咖啡俾你
陈杰：（疲倦应答）嗯，唔该。你同曾小姐倾掂啦？
肥强：没啊。啯条女咩都唔识，又扮晒嘢。有佢讲无我讲。有钱大晒咩，都唔想做佢生意
陈杰：（有气无力）嗯
肥强：喂，你唔舒服啊？你个样睇落好攰好唔精神喔
陈杰：嗯，有D头晕
肥强：哎，呢段时间你都无停过，见你几晚都喺公司沙发训，肯定休息唔好啦
陈杰：无计啊，好多资料，程序软件都喺公司电脑，而且同加拿大啯边D同事有时差，相隔12个钟，佢哋做完嘅数据，要等我呢边测试，及时反馈再改良，所以时间肯定要（迁）就佢哋
肥强：辛苦你啦。而家加拿大啯边都快凌晨三点，佢哋都训啦。你早D返去抖下啦。我而家车你返去啊
陈杰：（有气无力）唔使啦，我自己打车。你忙你嘅嘢
肥强：你睇你，有气无力咁，嚟啦。顺便拿埋你台电脑主机啦，唔使成日心挂挂，你喺屋企训好D，喺屋企办公啦，有咩需要我配合嘅，随时同我讲
陈杰：嗯，咁好啦。嘿，拿埋会议室啯台测试机
肥强：嗯，仲有咩要拿啊
陈杰：暂时没捻到，应该差唔多
肥强：辛苦D搞埋呢单嘢，我放你两个礼拜大假
陈杰：嗯，到时再讲
时间下午6:35分，琪琪，豪仔同几个同学喺沙滩啱游完水，返营地冲凉换衫。麦麦，阿伟，同徐老师一家人喺房车室外大露台烧烤，整定D嘢食等佢哋
阿伟：麦麦，帮我拿多几只鸡翼过嚟啊
麦麦：哦。蜜糖够唔够啊，要唔要拿啊
阿伟：要啊。我哋有无买鱿鱼阿
麦麦：有啊，白色啯包啊
阿伟：白色？喺边啊
麦麦：呢度啊。嗱，等我嚟整啊
阿伟：唔洗啦，我嚟。冬菇好香啊，BB，试下够唔够味（吹气）嗱，睇热啊，阿。。（喂食）
麦麦：阿。。。
阿伟：点啊，好唔好没啊
麦麦：嗯，稍微咸咗D
阿伟：咁我放少D胡椒粉
麦麦：嗯嗯。徐老师，你啯边要唔要涂蜜糖啊
徐老师：哦，要啊
麦麦：嗱，俾你啊
徐老师：好，唔该。哇，你哋买咗咁多食材嚟，好丰富喔
麦麦：系啊。各样买D，样样都试下囖（笑）
徐老师：哎，话咁快就三年啦，佢哋毕业啦
麦麦：系啊，多谢徐老师呢几年嘅辛苦教导，豪仔好中意徐老师你啊
徐老师：哦，我做分内事姐。豪仔一直成绩都好好，而且好成熟生性，我都好中意佢。佢而家考到理想高中，新环境，新开始，希望佢继续努力啦。
豪仔：徐老师，你放心啦，我会架
徐老师：嗯嗯。我过返去烧嘢先啦，晏D去露天广场啯边集中啊
豪仔：哦，好啊。
麦麦：冲完凉啦。肚唔肚饿啊？烧咗D嘢啊，你食住先
豪仔：唔该家姐，我等埋琪琪先。哥哥，你抖下，等我嚟烧啊
阿伟：唔使，我嚟啊。你去叫你D同学仔过来食啊
豪仔：哦，好啊
琪琪：哇，好香啊。好肚饿啊，我要食鸡翼
阿伟：等埋豪仔佢哋先啦
麦麦：你做运动游完水，肯定肚饿啦，唔使等啦。呐，琪琪，你食先啦
琪琪：嘻嘻，唔该麦麦姐。唔，好好味啊，大佬原来你烧嘢食咁正呀。烧多D呀，我仲要啊
阿伟：你自己烧啊，留返D畀豪仔啊，我哋都没食啊。
琪琪：嘻嘻，你有情饮水饱啦，使鬼食咩
阿伟：行开啊你