第153集：場景--感覺（10） 演繹：麥+mo+布+言

场景--感觉（10）演绎：麦+mo+言+布
导演、编剧、剪辑、后期制作：麦麦
麦麦扮演：驻场歌手、女同学、豪仔、麦麦
Mo扮演：旁白、C同学、阿伟
言 扮演：A同学
布布扮演：徐老师
…………
星期五晚上7:45分，食完晚饭，阿伟背着背囊，拖住麦麦，同琪琪，豪仔，几个同学仔，徐老师一家，一行人浩浩荡荡嚟到露营地B区嘅露天娱乐广场。广场正中间有个超大屏幕，正在播放周星驰经典电影。广场左边系无边际大沙滩，佢哋下午就系喺呢片沙滩游玩嬉戏。广场右边系“浓情假日”酒吧，每晚8点钟会有驻场歌手现场唱歌。佢哋喺离酒吧不远的沙滩场地围成一圈，铺垫子盘地而坐。徐老师带头讲话
徐老师：喺呢个月色咁靓嘅夜晚，我哋相聚喺呢度。我同大家讲几句肺腑之言。相遇相聚系情嘅开始，相分相离唔系情嘅结束，同窗几年嘅共同奋斗，凝聚咗无数美好瞬间，都被载入我哋青春嘅史册里。情谊，唔会因为各奔东西而消失；情重，唔会因为毕业而减轻；情浓，唔会因为距离拉远而淡薄；祝福，唔会因为天涯海角而减少。成长俾成功更重要，努力比梦想更现实，老师祝愿你哋，快乐拥抱明天！
一众同学鼓掌，纷纷起身围住徐老师。呢个时候露天酒吧音乐响起，熟悉嘅旋律在沙滩环绕，台上驻场歌手对着他们挥手，原来徐老师提前叫她先生在后台点歌，凭歌寄意送俾毕业班嘅同学仔。
A同学:徐老师，你保重呀。我哋唔舍得你啊。
老师：嗯嗯，你哋都系。
女同学：系啊系啊，真系好唔舍得你啊
老师：得闲记得多D返学校探我
徐老师，我哋一定会返嚟探你架。。老师：好好好
C同学：徐老师听唔到你闹我，我周身唔自在啊！我第日发咗达，唔会忘记你架！老师：哈哈，咁祝你早D发达啦
豪仔：徐老师，多谢你用自己生命之光，照亮我哋人生嘅旅途，能遇到一位你咁样嘅老师，我哋真系好幸运。多谢你，徐老师
老师：豪仔，你继续努力啦，你会前途无量啊
A同学：徐老师，我要同你影相呀，影多D啊老师：好好好，大家一齐嚟
徐老师感动喊了，麦麦见到咁浓厚嘅师生情景氛围，回忆返校园时光，都忍唔住喊了。阿伟轻轻揽下麦麦肩膀，帮佢擦去眼角泪水，喺佢耳边细声讲：傻猪，我哋过果边行下咯（麦：嗯嗯）
阿伟拖住麦麦手，沿住沙滩踏沙踏水，行咗一阵，麦麦拉住阿伟行到海边前十几步企定，大小海浪将佢哋裤脚打湿，听住海浪声，微风吹拂，麦麦慢慢咪埋眼睛，阿伟从后面揽住佢。佢哋两个都无讲野，任由浪花拍打，就咁样企咗10分钟。阿伟将麦麦慢慢转过嚟，双手托起头部锡佢，佢感觉到麦麦身体有D僵硬，且微微打震，阿伟轻轻抚摸佢秀发，就听到麦麦：“哈慈，哈慈”（打喷嚏）
阿伟：BB，你冻啊？
麦麦：嗯，有少少
阿伟：好啦，好啦，唔好浸水啦。你裤脚都湿晒啦，容易冻亲。我带咗毛巾，帮你抹干。
麦麦：唔使啦，我自己嚟啦
阿伟：（假装生气）有个大大男朋友喺度，你都唔识“利用”，你话你系咪傻猪
麦麦：（笑）你先傻啊
阿伟：咁你中唔中意我傻
麦麦：（甜笑）傻瓜
阿伟喺背包度拿出毛巾，踎低帮麦麦抹干双脚，自己随意抹咗下，随即拿出张大垫铺好，拉住麦麦坐低。阿伟揽住麦麦，手轻轻扫佢背脊
阿伟：傻猪，你仲冻唔冻啊？
麦麦：唔冻啦
阿伟：（笑）头先没锡够，我哋继续锡锡咯
麦麦：咦。。唔要
阿伟：你饿唔饿啊？晚餐见你食好少嘢，我烧俾你，你又夹晒俾琪琪，只衰妹又唔客气喔，多多益善咁
麦麦：（笑）原来琪琪咁中意食鱿鱼同鸡翼，下次我买多D整俾佢食
阿伟：咁我呢，你整咩俾我食啊
麦麦：你中意咩，想食咩阿？
阿伟：（笑）我中意你，我想“食”咗你
麦麦：（笑）咦。。阿，系呀，你哋准备几时搬去婆婆度啊
阿伟：其实随时都可以搬，不过，妈咪话要拣个吉日先喔，反正喺琪琪开学前搬咯。
麦麦：哦哦。有咩要我帮手就出声啦
阿伟：我哋搬过去后，你多D上嚟我屋企就得啦。
麦麦：哦。好啊
阿伟：BB，我今晚好想揽住你训啊，但琪琪只衰妹喺度，睇嚟都几难。我哋而家早D返去冲凉休息，今晚等琪琪豪仔佢哋训着，我哋再出嚟啊，听朝睇日出咯
麦麦：呃，琪琪会唔会好醒训架，我惊我一郁佢就醒啦
阿伟：唔怕，你踢佢都唔醒。你调震机，今晚我叫你
麦麦：哦