二五 阿要到哪面去荡荡

学习苏州的游玩地名

词语：
基本词语：南门、南浩街、怡园、藕园、艺圃、双塔、环绣山庄、北寺塔、玄妙观、城隍庙、报国寺、木渎、灵岩山、金鸡湖、湖滨大道、博览中心、上方山、石湖、东山、西山、光福、香雪海、邓射山、司徒庙、天平山、钵孟泉、白云泉、高义园、穹隆山、上真观、朱买臣读书台，孙武苑、宁邦寺、二茅峰、大茅峰、百丈泉、虹饮山房、严家花园、古松园、榜眼府邸、石家饭店、甪直、保圣寺、沈宅、万盛米行。
拓展词语：荡荡、道教、祭、土地菩萨、佛教、展览、带埭、风光、梅花、上海、赶下来、桃花、清奇古怪、柏树、船餐、湖鲜、杨梅、枇杷、遗憾、怪石、清泉、红枫、“三绝”、石头、封建、时代、大臣、朝见、皇帝、附笏、竖直、“万笏朝天”、山腰、泉水、甘醇清冽、相传、茶圣、陆羽、品评、范仲淹、后代、枫树、橘红、着末、枯脱、过程、祠堂、祖浪、坟地、范氏、后人、体会、追思怀旧、公路、石子、铺成、直通、山坳坳、野草、没脱、现代化、便利、爬山、乐趣、古镇、乾隆皇帝、江南、由于、必到、主人、䰾肺汤、名气、弗妨、吃吃看、首批、全国、重点、文物、保护、建于、南北朝、梁朝、罗 、塑像、唐朝、作品、珍贵、保存、着实、沿街河棚、古民居、乡土、萝卜干、尝。
对话：
甲：哀个双休日，阿要到哪面去荡荡？
（这个双休日，是不是到哪儿去逛逛？）
乙：到哪面去荡？差弗多葛地方荡过哉，呒啥好荡葛。
（到哪儿去逛？差不多的地方都逛过了，没什么好逛的。）
甲：荡过哉就弗好再荡咂？就去荡荡白相相呀，弗然葛闲话，哀两日天纳亨过，事体吾惢做舒齐哉，终弗见得亦蹲脱仔勒格屋里向看电视吧？
（逛过了就不能再逛啦？就去逛逛玩玩，不然的话，这两天怎么过，事儿我都做完了，总不见得又待在家里看电视吧？）
乙：搿你讲到哪面去？勁亦是去南门、观前街、石路、南浩街买物事。
（那你说到哪儿去？不要又是去南门、观前街、石路、南浩街买东西。）
甲：弗去弯面，呒啥物事要买葛。伲去小一点葛园林，像怡园、藕园、艺圃、双塔、环绣山庄啥葛。要弗到烧香葛地方去烧香，像西园、北寺塔、玄妙观、城隍庙、报国寺、木渎、灵岩山，阿好？
（不去那里，没什么东西要买的。我们去小一点的园林，像怡阅、藕园、艺圃、双塔、环绣山庄什么的。要不到烧香的地方去烧香，像西园、北寺塔、玄妙观、城隍庙、报国寺、水渎、灵岩山，好吗？）
乙：烂烧香要弗灵葛，玄妙观是道教，城隍庙是祭土地菩萨侅，其他惢是佛教，倷匣真葛会缠葛。
（乱烧香要不灵的，玄妙观是道教，城隍庙是祭土地菩萨的，其他都是佛教，你也真的会搞的。）
甲：那么纳亨？再到金鸡湖湖滨大道去走走，要弗到湖对过葛博览中心去看展览。
（那么怎样？再到金鸡湖湖滨大道去走走，或者到湖对面的博览中心去看展览。）
乙：湖滨大道去过带埭哉，有点讨厌哉，展览匣呒不啥好看葛，弗去。
（湖滨大道去过多次了，有点厌烦了，展览也没什么好看的，不去。）
甲：要弗哀场，伲再走远点，到上方山去看石湖，到东山西山去看看太湖风光，再弗来到光福去看香雪海，听讲邓尉山葛梅花开得好看得弗得了，上海人匣赶下来看唻。
（要不这样，我们再走远些，到上方山去看石湖，到东山西山去看看太湖风光，再不行到光福去看香雪海，听说邓尉山的梅花开得好看得不得了，上海人也赶下来看呢。）
乙：欸，现在齐巧是梅花开葛日脚，说弗准桃花匣开哉，正好去看花，再讲司徒庙里葛清、奇、古、怪四棵柏树吾匣长远 看哉，对葛，伲就去光福，中浪向还好到太湖边浪向去吃船餐，尝尝湖鲜。就实梗还 到吃杨梅、枇杷葛日脚，有点遗憾，弗然葛闲话就好到东山西山去哉。
（是啊，现在正好是梅花开的时候啊，说不定桃花也开了，正好去看花，再说司徒庙里的清、奇、古、怪四棵柏树我也很久没看了，对的，我们就去光福中午还可以到太湖边上去吃船餐，尝尝湖鲜。就这还没到吃杨梅、枇杷的日子，有点遗憾，不然的话就可以到东山西山去了。）

测试参考标准：
（一）
甲：到天平山白相，就是去看怪石、清泉、红枫搿“三绝”。山浪葛石头就像封建时代大臣勒嗨朝廷浪，朝见皇帝辰光搦葛附笏一样竖直葛，人称“万笏朝天”。
乙：山腰浪向有一眼泉水，叫钵孟泉，亦叫白云泉，泉水甘醇清冽，常年弗干，相传茶圣陆羽品评为“吴中第一水”。
甲：最值得一看葛，还是范仲淹葛后代从福建带来葛。种勒嗨哀搭摊点葛枫树，到仔秋天，枫叶慢慢较变红，当中经过仔鞠化种颜色，由青颜色变成黄颜色、再变成橙色、红颜色、紫颜色，着末再枯脱，哀个颜色转变葛过程好让人想着交关物事得了。
乙：还有范仲淹葛祠堂得仔范氏后人住葛高义园，范家祖浪葛坟地匣可以去看看，体会一记追思怀旧葛感觉，匣蛮好葛。
（二）
甲：昨日到穹隆山去仔一逮，看见山浪开仔弗少公路，乘仔汽车哪面匣惢好到，实头蛮便当葛。
乙：老底仔北面有条蛮大葛山路，用小石子铺成葛，上山好直通上真观，过山坳坳望南下山就是朱买臣读书台的仔孙武苑哉；要是从山坳坳望西走就可以到宁邦寺、二茅峰、大茅峰哉。
甲：上山葛小路有带条得了，东南西北有，僚讲葛搿条路往西一点还有一条石子铺好葛路，一直通到百丈泉的宁邦寺，现在哀条路已经被野草没脱哉。
乙：是葛，上山乘汽车，山路呒么人走哉，纳亨会弗没脱，哎！
呒么人走哉，匣就呒么路哉，现代化拨人带来仔便利，但不过匣少脱仔弗少爬山白相葛乐趣，蛮作孽葛。
（三）
甲：苏州边浪向有两个古镇值得去白相相。一个是木渎，搿是乾隆皇帝六趟下江南到过葛地方，听讲唔係夜里向就住勒嗨灵岩山浪，日里向，就勒嗨镇浪向葛虹饮山房白相，由于欢喜哀支房子，据说还送仔只靠背拨仔房子葛主人。
乙：除仔哀个白相葛地方，还有严家花园、古松园、榜眼府邸，匣是弗错葛去处。另外还有石家饭店葛一道菜叫䰾肺汤，匣蛮有特色葛，勒嗨当地蛮有名气，弗妨去吃吃看。
甲：再有一个是角直，镇浪向有一个首批就是全国重点文物保护单位葛保圣寺，建于南北朝葛梁朝，到现在已经有1500多年葛历史哉。里向九尊罗汉塑像是唐朝葛作品，特别珍贵，因为是用烂泥做葛，保存到现在着实弗容易。
乙：沿街河棚的仔沈宅、万盛米行搿点古民居匣值得看看，还有角直萝卜干匣好买一眼尝尝，味道蛮有特色葛。