十九 昨日吃力得弗得了

谈论自我感受

词语：
基本词语：恢复、浑淘淘、硬劲、饱、口福、欣赏、腰酸背痛、痒、哭笑弗得、弗底讲、激动、作孽、冻、热昏、汗滋滋、暴冷暴热、苦头、冷暖、生病天。
拓展词语：双休日、大扫除、忙、结婚、傧相、花、陪、酒水、新官人、敬酒、户头、踃、算得、新房、本生、啥人、艺术、吹牛山、“马大嫂”、头皮、拣菜、臂膊、揵、继续、好好 、歇歇、贼胚、刺毛虫（花）、行着过、倒钩、毒、带年、音信、内地、弗得了、要好、年数、碰头、肯定、讲弗光、青海、下放、家小、家乡、熟视人、添、来弗及、弗挡风水、身浪向。
对话：
甲：哀个双休日过得纳亨，阿蛮开心？
（这个双休日过得怎么样，挺愉快吧？）
乙：开心倒蛮开心，就是忒吃力哉，特别是礼拜六，一日天吃力得弗得了。
（愉快倒挺愉快，就是太累了，特别是星期六，一整天累得不得了。）
甲：纳亨呀，阿是亦到外头去白相嘎？
（怎么了，是不是又到外面去玩啦？）
乙：弗是葛，一个小朋友结婚，要吾去做傧相。礼拜六搿日仔搭大清老早就陪唔倷去打扮，吾顺便匣剃剃头，接下来去买花，亦陪唔僚照应亲眷朋友，僚讲阿吃力弗吃力？特别是勒嗨酒水台浪，陪仔新官人一桌一桌葛敬酒：碰着几个户头还勒嗨踃，呒么办法多吃仔几杯；吾算得会吃酒哉吧，还是被俚笃弄得了浑淘淘葛。到仔夜里向还要闹新房，等转去回到自家屋里向已经要两点钟格哉，真葛是动匣弗想动，吃力煞脱吾哉，到今朝匣还勓恢复过来唻。僚纳亨？
（不是的，一个年轻朋友结婚，要我去做傧相。星期六那天一大清早就去陪他去打扮，我顺便也理理发，接着去买花，又陪他照应亲戚朋友，你说累不累？特别是在酒席宴上，陪着新郎倌一桌一桌地敬酒；碰上几个家伙还在闹腾，没办法多喝了几杯；我算是能喝酒了吧，还是被他们搞得晕乎乎的。到了晚上还要闹洞房，等回到自己家已经快两点钟了，真是动也不想动，累死我了，到今天还没恢复过来呢。你怎么样？）
甲：覅去讲俚，吾弗单单吃力，外加亦是格忙。
（甭提它了，我不但累，而且又是忙。）
乙：纳亨，倷终弗见得比吾还要吃力勒嗨畹？阿是亦是大扫除？
（怎么，你总不至于比我还要累吧？是不是又是大扫除？）
甲：大扫除倒匣大扫除，本生是蛮轻松葛，呒不事体，吾想阿好稍微写意点。啥人晓得伲老公葛几个朋友，平常一直听伲老公讲：吾烧葛小菜好吃。昨日仔搭硬劲要到伲屋里向来，讲是要欣赏欣赏吾烧葛小菜，饱饱口福。倷听听俚笃讲得鞠化好听，阿有艺术性？
（大扫除倒也没大扫除，本来是挺轻松的，没有事情，我想是否可以略微舒服些。谁知道我丈夫的几个朋友，平时总听我丈夫说我烧的菜好吃。昨天非要到我家来，说是要欣赏欣赏我烧的菜，饱饱口福。你听听他们说得多好听，多有艺术性？）
乙：蛮好碗，搿倷齐巧好露一手哉碗。
（挺好啊，那你正好可以露一手啦。）
甲：那么好哉碗，牛山吹出去哉，呒不办法，吾只好硬仔头皮做“马大嫂”哉畹。其他弗算，小菜就买仔一大堆，搦匣搦弗动。转来亦是拣菜亦是汏，烧好弄好，就到中浪向哉。等到吃好仔修作干净，已经到仔下半日三点多哉，弄得吾腰酸背痛，到今朝臂膊还揵弗起勒嗨。
（这下好了，牛皮吹出去了，没办法，我只好硬着头皮做“马大嫂”了。其他不算，菜就买了一大堆，拿也拿不动。回来又是择菜又是洗，烧好弄好，就到中午了。等到吃完收拾干净，已经到了下午三点多了，搞得我腰酸背痛，到今天胳膊还抬不起来呢。）
乙：搿是蛮吃力葛哉。现在惢晓得，自家弄仔来请客吃饭是最吃力葛事体，倷是要好好较歇歇格哉。
（那是挺累的了。现在都知道，自己搞着来请客吃饭是最累的事情，你是要好好地休息休息了。）
甲：哪搭噢，俚笃搿帮贼胚讲吾烧得忒好吃哉，夜里向还要继续勒嗨伲屋里向吃，倷讲阿有说头。
（哪儿啊，他们这帮家伙说我烧得太好吃了，晚上还要继续在我家里吃，你还有什么好说的。）
乙：啊！真家伙，搿票户头匣真葛缠得落侅。
（啊！真是的，这帮家伙也真的做得出来。）

测试参考标准：
（一）
甲：刚刚勒嗨山浪向走被刺毛虫刺仔一记，难过煞哉。
乙：阿是葛？喔唷，吾匣行着歇过侅，搿真葛蛮难过葛，弄得哭笑弗得。
甲：弗碰唔倷么有点痒，碰碰唔么亦有点痛，弗晓得纳亨弄再好。
乙：呒么办法，刺是有倒钩、有毒葛，只好让唔倷去唏哉，过两日天就会好葛。
（二）
甲：搿日仔搭碰着黄阿二，吾弗底讲会碰着唔倷葛，带年哉，一眼眼音信匣呒不，只晓得唔倷到内地去哉。
乙：激动得不得了哉晼，读书葛辰光係的唔倷搿场要好，亦是哀场点年数勓碰头，肯定闲话匣讲弗光畹。哎，唔僚到哪搭点去嘎？
甲：到仔青海，下放去葛，苦头吃足，日脚难过，到现在还是一千子，家小匣呒不。
乙：作孽，还是转来仔葛好，毕竟是家乡，终归有点熟视人。
（三）
甲：现在冷得蛮结棍迦，添衣裳匣来弗及，冷得吾啊。
乙：弗单单温度底，外加外头风亦是葛大，係着哀点衣裳么，根本匣弗挡风水葛碗。
甲：就是呀，昨日还热得热昏，着一件衬衫还嫌比热，身浪向一脚汗滋滋葛。啥人晓得今朝冷空气会来，衣裳匣多着。
乙：暴冷暴热，搿就是生病天，还是要多当心点冷暖。