第九十八课：词缀“AA叫”

第九十八课：词缀：……AA叫

AA地意思

好好叫

1：好好的（地）：

l  上课好好叫，覅开小差。

l  我跟侬好好叫讲，侬勿听，得伐？阿是要我光火侬再会得识相。

l  侬脱我好好叫，勿要乱动。

2：表程度：更加

l侬现在勿好好叫读书，下趟侬好好叫要苦了。

l伊好好叫比侬潇洒！伊好好叫比侬有钞票唻！

慢慢叫

l慢慢叫，覅急，辰光还来得及。

l侬慢慢叫再来，我还有事体要寻侬（待一会儿）

l侬寻啥人？伊来嗨开会，侬慢慢叫再来。（待一会儿）

轻轻叫：

l里厢来嗨开会，奈讲话轻轻叫好伐？

辣辣叫：狠狠地

l小明来嗨学堂里跟同学打相打，畀老师告状，回来畀伊拉娘辣辣叫训了一顿

毛毛叫：大约

l搿眼物事毛毛叫有三斤

眼眼叫碰着眼眼叫：碰巧、巧的不得了：巧上加巧，多用在不巧的、意外的场合

l今朝老师没有拖堂，也没布置作业，小明想快点回去和同学一起在家里打游戏，啥人晓得，眼眼叫碰着眼眼叫，伊拉爷今朝也提早回来了，小明白开心了一场。

实实叫：实实在在

l现在的肉，（鸡、番茄等）实实叫没老早好吃，

l我到新单位实实叫不止葛眼距离了，路高头要调好几部车子了

l今朝用忒个钞票实实叫不止葛眼。

静静叫：

l奈让我一家头静静叫休息一歇好伐？今朝衰瘏了一天。

扣扣叫：

伊到公司上班，辰光总归老是扣扣叫

定定叫：

l侬定定叫做功课，覅心勿定（心神不宁）

省省叫：

l搿眼钞票要省省叫用，下趟要用钞票个地方交关唻。