广播专辑 弄堂茄山胡686 弹硌路与老照片

弹硌路与老照片


姚一鸣 


 戊戌年春，电视台打算拍一部《周家桥》记录片，想要采访几个老居民。我是上世纪六十年代出生嗰，应该不算老，但祖辈侪住辣搿搭，算是土生土长，几年来又写过一点与周家桥有关个文章，因此有幸参与。


 有一位九十高龄个徐老伯一道接受采访，伊1952年搬来周家桥地区，先是住辣长宁路1488弄，后来搬到玉屏南路520弄。徐老伯做过厨师，当过工人，后来辣纺织厂担任保卫科长。退休以后徐老伯积极参加社区文娱活动，还以现时代老年生活为素材自编自演上海说唱。


 采访搿天，徐老伯带来一张老照片，照片浪是一群小囡辣旧弄堂里合影，背后是一排破旧厂房。搿张照片里有徐老伯个四个子女，还有邻居搭仔亲眷个小囡，至于照片具体是啥辰光拍嗰，徐老伯已经记勿清了，只记得是听说就要整修马路了，他特地从单位借了一台照相机，想留下一段记忆。徐老伯讲：“后来弹硌路就没有了，侪铺成了水泥路。”辣弹硌路消失前，有勿少居民拿小囡聚起来拍照留念。


 弹硌路由卵石、块石拼接而成，透气性、渗水性好，且勿容易溅水、硌脚，建筑成本也勿高，是老有上海特色个一种路面。到上世纪五十年代中期，上海个烂泥路大多侪改建成弹硌路，最多辰光有六七百条。勿过弹硌路对脚踏车勿大友好。辣弹硌路浪骑脚踏车邪气颠簸，假使有人坐辣脚踏车个书包架上，一段路走下来，屁股就像被打了一顿，被戏称为“吃弹簧屁股”。改革开放以后，上海城市建设日新月异，弹咯路侪铺成了柏油马路。


 有段辰光，辣徐家汇个老街等地还可以看到弹咯路，现在已经基本看勿到了。只有一部分新建景点，还会故意铺一段弹咯路。有次到上海近郊个新场古镇，看到了一长段弹硌路，恍惚感到时光倒流，感觉邪气亲切。


 现在马路变宽了，也变平整了，更利于交通，老照片浪个弹硌路并勿是让人简单个怀旧。就像九十高龄个徐老伯讲嗰：四十年弹指一挥间，变化真是太大了！