广播专辑 弄堂茄山胡676 从弄堂泔水缸想到的

从弄堂泔水缸想到的  
  
杨保飞  


　　前几天辣小区里散步，看到小区物业安排个人辣辣翻小区个垃圾桶，整理出来个纸箱、塑料瓶侪分门别类用三轮车运走。不由得想到小辰光弄堂里个泔水缸。


　　我记得埃个辰光周围个弄堂里侪会有一只专门用来收集淘米泔水个大缸。每天早晚侪会有人踏仔三轮车来收取缸里个泔水，据说是拿去喂猪，可以节约粮食。


　　姆妈平常淘米个辰光，会先用面盆拿第一潽、第二潽淘米泔水积起来倒进搿只大缸。第三潽淘米水比较清，姆妈就用来汏菜，一点勿浪费。至于择菜剩下个烂菜叶和饭后剩下个泔水也会收集起来倒进搿只大缸。弄堂里其他人家也是搿能做嗰。


　　埃个辰光，大家侪节俭成风，自觉收集泔水，勿厌其烦。如今生活环境极大改善，物资供应极大丰富，但新时代对阿拉有新要求，比如主动做好垃圾分类、文明遛狗等等，侪是新时代城市人应该具备个基本素质。