第127集：场景--同居（9） 演绎：麦+mo+言

场景--同居（9）演绎：麦麦+momo+言
导演、编剧、剪辑、后期制作：麦麦
麦麦扮演：麦麦、CC
Mo 扮演：阿伟、阿聪、陈杰
言 扮演：肥强
…………
星期五中午12:35分，阿聪，阿伟，麦麦，CC一行四人喺公司楼下商场五楼食水煮鱼
伟：麦麦，嗱，我撇开晒D辣椒，用水冲咗一下，应该无咁辣，你试下
麦：哦，唔该
C：麦麦，食水煮鱼唔辣唔好食架。你唔食得辣就唔使就我啦
麦：（笑）你中意就得啦。而且你哋3个都可以食辣，我可以食其他嘢呀嘛。
聪：你霸道呀嘛，个个都就晒你啦！
C：哼，你无份食啊！麦麦，你唔食得辣，点解你中意食酸菜鱼嘅？其实酸菜鱼都辣啊
麦：酸菜鱼无水煮鱼咁辣，酸菜鱼微辣，啱食啯时其实我都唔系好得，食咗几片之后啯嘴麻晒，咁咪照食囖
伟：（笑）佢又中意食又怕辣，每次都系一边食，一边饮冻嘢嚟解辣
C：（笑）麦麦不嬲都又傻又可爱啦，系咪啊阿伟
伟：（笑）嗯
C：嘿，唔好讲咁多，我以茶代酒多谢你哋，多谢麦麦平时工作上对我好多便利同帮助，多谢阿伟帮我搬屋。先饮为敬
聪：喂，咁我呢？你唔多谢下我！
C：你就唔使讲啦。呢餐我请，多谢三位大神
伟：（笑）咁我哋唔客气啦。阿聪，第日每日都可以同CC一齐返工啦
聪：（笑）有我叫佢起身，保证佢拿全勤奖
C：唔使你叫，我自己调闹钟。我D起床气好劲架，你唔好惹我啊！
聪：哈，你呀！喂，阿伟，咁你哋呢？
C：系囖。麦麦，阿伟每日一早到你楼下接你，不如你哋都考虑下--合租呀（笑）
伟：（笑）我无所谓啊
C：阿伟，你快D嗱嗱啉安排啦。唔通要女仔主动咩
麦：咦，CC你咪玩啦。食嘢啦
聪：（笑）唔好讲啦。你睇麦麦块脸都红晒啦。
伟：（笑）嘿，麦麦，我等阵晏昼3点几要开会，收工啯时你上嚟搵我啊
麦：哦。你慢慢开，我或者喺25楼等你，费事阻住你做嘢
伟：唔会，到时你上嚟啦。啯个时间应该差唔多开完啦
麦：哦。
星期五下午3:50分，肥强同陈杰嚟到阿伟办公室
（敲门）
肥强：嘿，梁生
伟： Hi，沈生，陈生，你哋嚟啦。叫我阿伟得啦
肥强：系啊。唔好意思啊，啱啱准备出门，有个长途电话打嚟，倾咗大半个钟，搞到迟晒大到。
伟：哦，唔紧要。我哋去会议室倾啊。跟我嚟呢边啊
肥强：哦，好。哇，你哋呢度有超市，有健身室，仲有个大露台，落地玻璃一览无遗，好舒服喔。
伟：系啊。超市系对外经营嘅。一个礼拜有两日设有下午茶时间，其他公司D员工都会上嚟露台坐下，饮下嘢，倾下计。
陈杰：呢层成层都系你哋公司架？
伟：哦，唔系。25楼全层先系我哋公司嘅，好多部门都喺25楼。26楼得半层，只有三个部门。
陈杰：哦。
肥强：上次嚟啯时都无留意咁好环境喔！你哋呢度几钱租金啊？
伟：呃，我都唔系好清楚。租金应该财务部先知。沈生，你对呢度有兴趣啊？
肥强：中意啊。梗系中意啦。呢边视野好，设施完善。我头先去洗手间，睇到过道右侧有间“吉屋”，所以想问下囖
伟：或者你等阵落19楼嘅大厦物业公司了解下
肥强：好。咁我哋倾完正经嘢先。
（走路，开门，坐下）
伟：两位请坐啊。嘿，陈生，坐呢边啦，唔会阻住你睇幻灯片
陈杰：好，叫我陈杰得啦
肥强：系囖，你哋私下都接触过几次，唔使咁见外啦。你都叫我阿强得啦。啯次研讨会之后，同你哋部门总监May姐通过两次电话，我哋一直都有合作意向，不过各有各忙，都无时间再坐低落嚟倾埋D细节，一直拖到而家。
伟：系啊。我有听May姐讲过，佢最近有D私人事要处理而家休假。佢交代咗我跟进。上次交流会，我哋讲过：唔同客户对象制定嘅平台主流语言唔同，我按照贵公司提供嘅资料，针对唔同年龄层嘅客户，做咗一份详细嘅分析报告。我哋一齐嚟睇下幻灯片。