《沙三少之情挑銀姐》新馬師曾 鐘麗容 附曲詞

撰曲：吳一嘯

沙三少（沙安伯）——新馬師曾

銀姐——鐘麗容

三少：【叫白】銀姐，銀姐我想得你好辛苦啊銀姐，快啲入嚟陪住我啦，銀姐

銀姐：【白】就嚟啦，

三少：【白】救命啊，就嚟死啦！

銀姐：【白】煲好藥至得㗎嘛

三少：【笑白】嘻嘻，就嚟死啦！得咗！得咗【乙反戀檀】我在梦里尤唤叫，诈病又诈得妙，痴心一片我为爱娇，我为她种情苗，愿化同命鸟，乐也逍遥，我诈病又诈得妙，需知三少痴缠为爱阿娇，心爱慕用计挑，盼她今晚赴约蓝桥，佢美艳俏妙，我相思朝晚思量夺占阿娇，我想计划，用意表，与她身葬情潮，爱她廿寸腰，盼她慰寂寥，痴心愿长互照，实觉相思难疗，【白】哎呀！银姐，我好辛苦呀！你快点入来服待下我啦！

銀姐：【應白】哎吔！嚟啦！（小羅相思，銀姐捧藥上唱）【西皮】又听少爷唤叫，我应完又试眼眉挑，他叫完又叫我心儿焦，郎為了贪色笑，晚晚捱通宵，他真厌尖，几时得到第二朝，三少爷晓诈娇，声声呻找心药疗，我明知他意表。【入介白】唉吔！三少，

三少：【白】咁耐㗎！病死人㗎！亞銀，快啲同我揼揼骨啦，我週身唔舒服

銀姐：【白】碗药都啱饮架啦！飲完佢至揼骨好嘛？

三少：【白】啲藥咁苦我唔飲

銀姐：【白】哎吔！唔饮點得嘅呢，飲咗就好嘅喇

三少：【白】咁啊，除非我要你灌我啦

銀姐：【白】唉吔，唔得嘅，俾人睇見好乜好意思㗎

三少：【白】唓，而家兩公婆見鬼，有邊個睇到啫，唔怕喇。（禿唱起【龍飛鳳舞引子】嚟啦！

銀姐：（序）嚟啦！（序）

三少：【白】聽下把聲就肉緊啦！

銀姐：何必偏要學詐嬌，

三少：求嬌將我盡照料

銀姐：你何必監我又灌藥

三少：為因你細心將我護照。【二王下句】你睇我成身發緊燒，你睇我心肝卜卜跳，我覺得陣寒陣熱，真正係痛苦難描，你對我服侍殷勤情非少，睇下病倒五顏六色，至有求你灌藥，醫療，我亦知過分要求，幸勿視作心存，話我不肖。

銀姐：【口古】三少雖然係啫，如果三少奶知道點算啫，梗係責罰我嘅啵，嗰陣我水洗都唔清，而且罪名不少

三少：【口古】唓，佢係杉木靈牌啫嘛，只要三少喜歡，點到佢干涉呢，好心你咪咁扭擰刁喬

銀姐：【白】咁啊！又好啦【海棠春】沙三少，你做人膽大招搖，真冤孽，你存心輕佻，暗里情挑阿嬌，我被情絲繞。

三少：今晚夜飽餐秀色，想博亂欲擁蜂腰，癡郎得照料，惟盼渡藍橋。

銀姐：【白】三少，唔冷唔熱，碗藥都啱飲嘅囉乖乖飲咗佢啦。【柳搖金】饮左少爷就退烧，包保得奇效啊，还望你，即刻饮去毋用治疗，【序白】就饮就好，唔过明朝早

三少：【序白】你灌我啦【唱】请看我病情好紧要，望娇用心灌药来照料

銀姐：【序白】哎吔点灌唧咁丑

三少：你毋用怕，含药灌我病能消【序白】嘴对嘴咪得囉

銀姐：怕你娇妻见，嗰阵时不得了啰

三少：【序白】闩埋门边个见啊

銀姐：哦！原来你成晚用情挑，居心真难料

三少：我忙力抱，狠狠一吻何劳借药疗

銀姐：（一才羞介白）唉吔，我唔制啊，監硬錫人面珠㖞，我真係唔制啊

三少：（俏皮白）當堂病都冇嗮囉。【禿唱起醉頭陀】騙得伊人一吻真高超，寧舍香甜真係俏。【序白】一吻治相思，真香艷囉

銀姐：【序白】憎鬼死你啊三少【唱】你頑皮精乖又詐嬌，飛擒大咬仲呱呱叫。【序白】求人灌藥為名，錫人面珠為實，多唔制啊

三少：（大笑介白）哈哈哈，唔出噱頭又點索倒你呢【唱】你夠風騷，夠嬌嬈，我愛你情深要慰寂寥。【序白】我好愛你㗎銀，你知否三少心事？

銀姐：【序白】我真係唔制啊【唱】我有夫君，枉你種情苗，你家有賢妻咪咁無聊。

（先鋒鈸欲下介）

三少：（食住先鋒鈸攔介白）咪行住【長花下句】我為你一見已情牽，暗被情絲繞，愛你月貌花容人窈窕，相逢恨晚逐情潮，你好比彩鳳隨鴉，辜負你青春年少，你應享榮華富貴，不應為人庸婦我暗憐嬌，花吐艷，蝶憐香，我幾番勸你仳離，改嫁呢個多情三少。

銀姐：【白】唉吔，三少【哪個不多情】芳心早已付于三少，春宵里暗比翼同渡鵲橋，甜言和蜜語將愛表，

三少：我情堅金石，我為戀嬌嬈

銀姐：你戒就戒輕佻

三少：我愛就愛阿嬌

銀姐：郎熱情相邀

三少：把佢芳心挑逗了

銀姐：【羞白】唉吔，唔得呢三少，俾人知道點算啫

三少：【白】唔怕，天大事情有三少負責，你放心啦！

銀姐：【花半句】我笑滅銀燈羞解丁香帶

三少：【花半句】我未曾真個已魂銷

《哪個不多情》姚敏作曲（一說：侯湘 作曲）