广播专辑 弄堂茄山胡256 叫一声“张家姆妈”

叫一声“张家姆妈” 
 
畸笔叟 
 

　　在上海弄堂里生活过个人，从小到大侪有一门必修课：叫人。这门功课至少要分成两个阶段，先是叫不叫，再是哪恁叫。一般来讲，死活不肯叫个小囡最不讨人欢喜；不肯主动叫，大人关照了再勉强叫个小囡勉强及格；叫得不大情愿个小囡算是马马虎虎；主动叫，叫得刮啦松脆个小囡顶讨人欢喜。我叫人从小就是上品，亲眷淘里、邻舍隔壁侪讲我乖。其实，我只是有点贱罢了，觉得叫叫人家蛮好白相个。

　　哪恁叫，里向个讲究就多了。从小到大，也是有层次有变化个。

　　一开始是不分自家人人家人，同辈一律叫哥哥姐姐，大一辈一律叫叔叔阿姨，再大一辈一律叫阿爷阿娘外公外婆。年纪稍大，就要分了。自家人里，除脱同辈依然不分，大一辈不但要分出伯伯娘娘舅舅婶婶姑父姨父，还要分大小，比如：小娘舅、二娘娘，当然还有大姨妈。到此为止，上海弄堂里个叫法与各地农村并无差异，因为侪是熟人社会。

　　不过，弄堂里个小囡终究要从熟人社会慢慢走进陌生人社会。因此，上海弄堂里个小囡再大一点，叫人就要更加细分化了。

　　一种是跟着大人叫。这种叫法仅限于父辈较熟个友邻之间，比如：父亲叫他月笙哥，你就叫他月笙爷叔（或月笙阿叔）；母亲叫她桂生姐，你就叫她桂生阿姨（或桂生嬷嬷）。另一种是跟着小人叫。这种叫法就更普遍了，且不论辈分，你这么叫，你父母也这么叫，你外公外婆也这么叫。当然，还是在互有来往、歇弗歇要打交道个邻里之间，比如：大头阿爸、大头姆妈、军军外公、军军外婆。

　　至于见了这次未必有下次个陌生人，叫法自然不同。

　　弄堂里对陌生人个叫法大致分三种：一种与住处有关；一种与籍贯有关；一种与姓氏有关。

　　与住处有关个有：九间头爷叔、皋兰路阿姨、三层楼老太、烟纸店老爹、弄堂口小皮匠等。后来，经过上海独脚戏演绎，又有了客堂间阿奶、西厢房娘舅、亭子间嫂嫂、三层阁好婆等等。与籍贯有关个有：老山东、小绍兴、老宁波、小苏北等等。有趣个是，其中有些陌生人渐渐变成了熟人，叫法却始终不变。为啥？叫惯了呀！还有一种叫法与姓氏有关。这种叫法涵盖一切陌生人，也最具有距离感，比如：张家姆妈、李家伯伯。

　　当然，上海滩上还有所谓更上“档次”个叫法。比较西式个叫先生、女士、小姐、太太。比较传统个叫张公、李老、王兄；上一辈叫老太爷、老太太；小一辈则为公子小姐。传统叫法里也有叫先生个，一般只对医生和教师。我外公生前辣弄堂里被很罕见地叫做“金先生”，就因为他以前辣宁波乡下做过小学校长。

　　当习惯熟人社会个人突然进入陌生人社会，肯定会缺乏安全感。于是，在叫法上就容易沿用原来熟人社会那一套，如：哥啊、姐啊、叔啊、姨啊。然而，人们终究还是要融入上海这个陌生人社会，所以，“套近乎”个叫法看似是种亲近，其实是一种抵触。

　　介许多叫法里，我以为最上海、最具现代城市文明气息个叫法，还是一声“张家姆妈”。

　　上海是中国现代城市文明发育得最早个地方之一，也就最早遭遇文化冲突、最早开始文化融合。就叫法来说，各种传统个、西方个、天南海北个叫法全部聚集到弄堂里面，必然产生碰撞和磨合，最后，那些过时、地域色彩过浓个叫法都被边缘化了。只有“张家姆妈”这样既有距离感又不乏亲切个叫法越来越被认同。

　　可惜，弄堂叫法个融合过程尚未完成就被打断了。后来，1970年代流行叫“同志”，1980年代流行叫“师傅”，1990年代流行叫“老板”，21世纪流行叫“老师”。

　　令人意外个是，如今熟人社会那套“哥啊、姐啊、叔啊、姨啊”等甜得发腻个叫法又在市面上活跃起来。在这种时候，我多么希望当我拐进一条幸存个石库门弄堂时，能从后门灶披间里传出一声邪气有味道个“张家姆妈”啊。