常州话5

情景对话五：你要去兰陵个哪嗨点啊？

顾：小蔡，你晓则到兰陵去要乘嗲公交车啊？

蔡：顾老师，你弗好开车子去啊，有福弗享，交呒福一样。

顾：来常州介佬长个辰光，城西都朆嗲去过，罪过人的，路一点阿弗熟。

再讲常州公交车介方便，城勒还是乘乘公交车吧。

蔡：兰陵偶熟佬，你要去兰陵个哪嗨点啊？

顾：就勒兰园过头，去交女女报个培训班的。

蔡：兰园啊，方便透佬，有BRT的，B1、B11全好到个。

顾：蛮好，等歇上完常州话课，就去。

蔡：齐巧没事体，偶顺路交你一道去。偶也要去问问过头个数学培训班的。

顾：哪为啊？

蔡：覅去说他咧，偶家儿子个数学是一沓糊涂，介佬下去，覅讲考重点高中咧，普通高中阿考弗上哇。

顾：数学么，偶来帮你家辅导辅导好咧，数学老师现成佬哇。

蔡：个么顶好，先谢谢你啊。

顾：一句话，包勒偶身上。