看见生活中的光 18

欢迎关注我的微信公众号“我要学广东话”

早晨，你今日点啊？

今日我买嘢嗰时，忽然谂起我之前睇过嘅一个节目，“粉雄救兵”。

喺呢个节目有四个男人，佢哋会帮一个人改善佢嘅生活。最近呢四个人去咗日本，佢哋帮一个临终护士改善咗佢嘅生活。我好中意呢一集，呢个护士付出所有嘅爱去爱其他人，但系佢唔记得左爱自己，所以呢四个男人要帮呢个护士学识爱自己。佢哋喺日本仲帮一个冇自信嘅漫画家重新建立自信。呢个节目真系好有爱。

但系最打动我嘅系，呢四个男人都系同性恋，佢哋做呢个节目嘅原因系为咗改变大家对同性恋嘅消极睇法，佢哋唔想其他人觉得佢哋都系奇怪嘅人。佢哋想令社会知道同性恋都系健康嘅人，佢哋都可以为社会做出贡献。

我冇喺现实生活中撞到过同性恋，但系我有同性恋嘅外国学生，佢哋好俾心机学中文，有礼貌，我唔觉得佢哋系坏人。

同性恋人系社会中嘅弱势群体，佢哋喺社会生活会遇到俾普通人更加大嘅困难，工作、生活、恋爱都充满咗困难。但系佢哋又系好有勇气嘅人，因为如果你宣布自己系同性恋人，等于同呢个世界嘅一般规则抗衡，等于为自己拣咗一条充满咗困难嘅路。但系为咗忠于自己嘅内心，佢哋选择咗勇敢。

呢个社会有好多偏见，肤色嘅偏见，性别嘅偏见，工作嘅偏见，年龄嘅偏见，面对偏见，我哋有两个选择，一系顺从社会嘅潮流，二系顺从自己嘅内心。我始终觉得，做人应该顺从自己嘅内心，听自己内心嘅声音，因为如果你唔听自己嘅声音，你慢慢咁就会失去自己，就算你拥有咗好多平常人应该拥有嘅嘢，你嘅内心依然会觉得唔满足。而听从自己嘅声音，一般你嘅生活会变得困难重重，因为你做嘅嘢会同其他人唔同，但系只要你慢慢克服呢啲困难，你就会发现你越嚟越坚定，你拥有嘅一切都系自己想要嘅。

几年之前，有个朋友同我讲，做一件事并唔系因为容易，容易嘅事通常冇乜嘢价值，做一件事系因为呢件事有价值，有价值事通常都唔容易做。

呢个四个男人想消除社会对同性恋嘅偏见，呢件事真系好唔容易，但系好有价值。其他嘅人会因为佢哋做咗呢件事而生活得更好。

最后我写低我琴日遇到嘅小幸福：

我每日食粉卷，通常佢哋会加豉油，但系今日阿叔见到我想帮我加猪脚汁，阿叔真系好人；

卖菜嘅阿姨好俾心机招呼客人，佢系一个好俾心机做生意嘅人；

今日剪咗头发，剪咗之后觉得神清气爽；

我好中意今日嘅瑜伽老师，佢好识照顾同引导学生，系一个好好嘅老师；

今日嘅天气好暖好舒服啊。

唔知你琴日过得点呢？欢迎喺留言同我分享，我哋听日再见，拜拜！