《小王子》19- 重要的东西眼睛是看不见的

就喺呢个时候，狐狸出现咗。
你好。你好。小王子好有礼貌咁答。佢转身，但系乜嘢都睇唔到。我喺呢度，喺苹果树下便。你系边个啊？你好靓啊！我系狐狸。同我玩啊，我觉得好唔开心啊。我唔可以同你玩，我冇经过驯化。哈，对唔住啊。

谂咗一阵之后，佢又问。驯化系乜嘢意思啊？你唔系呢度嘅人，你揾紧乜嘢啊？我揾紧人类，驯化系乜嘢意思啊？人啊，佢哋有枪，佢哋识打猎，好乞人憎。佢哋都养鸡，呢个系佢哋唯一嘅好处。你系唔系揾紧鸡啊？唔系啊，我揾紧嘅系朋友。驯化系乜嘢意思啊？好多人都唔记得咗佢嘅意思啦。佢嘅意思系创造关系。创造关系？系啊，对我嚟讲，你只不过系一个细路仔，同其他细路仔冇乜嘢区别，我唔需要你，你亦都唔需要我。对你嚟讲，我都只不过系一只狐狸，同其他狐狸冇乜嘢唔同。但系如果你驯化咗我，咁我哋就会互相需要，你对我嚟讲系独一无二嘅，我对你嚟讲亦都系独一无二嘅。我有啲明啦。有一朵花，我相信佢已经驯化咗我。咁系有可能嘅，呢个地球上乜嘢事都有。哦，佢唔系喺地球上便㗎。哦，系唔系喺其他嘅星球上便啊？系啊。嗰个星球上便有冇猎人啊？冇啊。咁太好啦。咁有冇鸡啊？冇啊。哎，呢个世界就系冇完美嘅事。但系佢又讲翻啱先嘅嘢。我嘅生活好单调，我捉鸡，人类捉我，所有嘅鸡都系一样嘅，所有人类亦都系一样嘅，我已经觉得有啲无聊，但系如果你驯化咗我，咁我嘅生活就会开心好多，我就可以认到一种与众不同嘅脚步声，其他人嘅脚步声会令我匿埋喺地下，而你嘅脚步声就好似歌仔咁好听，会令我喺个窿度行出嚟。仲有，你睇下，你睇唔睇得到嗰片麦田啊，我唔食面包，小麦对我嚟讲冇用，麦田唔会令我谂起乜嘢，呢件事真系令人觉得好扫兴，但系你嘅头发系金色嘅，所以你驯化我系一件非常美好嘅事，小麦都系金色㗎，到时候，佢会令我谂起你，我中意听风吹过小麦嘅声音。狐狸一直望住小王子，请你，请你驯化我啦。冇问题，但系我唔系好得闲，我仲要去识好多朋友，仲有好多嘢要了解。你只系可以了解嗰啲你驯化咗嘅嘢，人类根本就冇时间了解其他嘅嘢。佢哋想要乜嘢都会去铺头买，但系铺头唔卖朋友，所以人类就再都识唔到朋友啦，如果你想揾一个朋友，请你驯化我啦。咁我应该点样做啊？
你要非常有耐心。首先你要喺离我有啲远嘅地方坐低，就好似咁样，坐喺草地上便。我会偷偷噉睇你，你唔好讲嘢，语言系误解嘅根源。但系你每日都要坐得离我近一啲。第二日，小王子又翻咗嚟。你每日最好喺一样嘅时间嚟。例如，如果你固定喺下昼四点嚟，咁到咗三点，我就会觉得好开心，时间越接近，我就越开心，到咗四点，我会觉得罗罗孪，我已经发现咗幸福嘅代价。但系如果你每日喺唔同嘅时间嚟，咁我就唔知道我应该喺乜嘢时候开始期待你嘅到来，我哋需要一个仪式。仪式系乜嘢啊？好多人亦都唔记得咗呢件事咯。佢可以令某一日同其他日子唔一样，某一个时刻同其他时刻唔一样。例如，嗰啲猎人就有一个仪式，一到咗星期四，佢哋就同村里面嘅女仔跳舞，所以星期四系非常美好嘅一日，我可以去葡萄园散步，但系如果猎人唔喺固定嘅一日跳舞，咁所有嘅时间都系一样嘅，咁我就冇假期啦。于是乎，小王子驯化咗狐狸，一转眼就到咗分别嘅时候。我一定会喊㗎。咁就系你嘅错啦，我唔希望你唔开心㗎。但系你想我驯化你。系啊，系咁样啊。噉你仲喊？哎，系啊。所以你一啲好处都得唔到。我得到咗好处，因为小麦嘅颜色。再去睇下嗰啲玫瑰花啦，到时候，你就会明白你嘅玫瑰系独一无二嘅，然后再翻黎同我讲再见，我会送一个秘密俾你做礼物。小王子又去睇嗰啲玫瑰花。你哋同我嘅玫瑰花根本就唔似，你哋宜家乜嘢都唔系。冇人驯化你哋，你哋都冇驯化任何人。你哋同之前嘅狐狸一样，佢原来只系一只普通嘅狐狸，同其他狐狸冇乜嘢唔同，但系我同佢做咗朋友，宜家佢系全世界独一无二嘅。嗰啲玫瑰听咗之后，觉得好唔舒服。你哋好靓，但系都好空虚，唔会有人会为你哋去死，当然，一般人会觉得我嘅玫瑰花同你哋差唔多，但系佢俾你哋全部加埋仲要重要，因为我帮佢淋过水，因为我帮佢冚过玻璃罩，因为我帮佢挡过风，因为我帮佢消灭过虫，但系仲留咗两三条虫，咁佢哋就可以变成蝴蝶，因为我听过佢嘅抱怨，我同佢倾计，甚至，我仲听过佢嘅沉默。因为佢系我嘅玫瑰花。佢翻去揾狐狸。再见！再见！呢个系我嘅秘密，佢好简单，啲嘢要用个心先可以睇清楚，重要嘅嘢只眼系睇唔到㗎。重要嘅嘢只眼系睇唔到㗎。小王子重复咗一次嚟记住呢句话。系你为你嘅玫瑰付出嘅时间，令到你嘅玫瑰变得咁重要。系你为你嘅玫瑰付出嘅时间。小王子跟住佢讲，嚟记住呢句话。人类已经唔记得咗呢个真理啦，但系你千奇唔好唔记得啊，你要永远为你驯化嘅嘢负责，你要为你嘅玫瑰负责。我要为我嘅玫瑰负责。小王子跟住讲，嚟记住呢句话。

欢迎关注微信公众号“我要学广东话”，最新音频会先在微信公众号更新哦。