《小王子》16- 地球可不是一个普通的星球

所以小王子去嘅第七个星球就系地球，

地球并唔系一个普通嘅星球，

呢度有一百一十二位国王，当然，包括咗非洲嘅国王，

七千个地理学家，九十万个做生意嘅人，七百五十万个中意饮酒嘅人，三亿一百一十万个虚荣嘅人，

亦即系话，大概有二十亿个大人。

为咗令你对地球嘅大细有一个概念，我咁样同你讲啦，喺电灯发明出嚟之前，六大洲需要维持一支四十六万二千五百一十一个人嘅大部队嚟管理路灯。

如果喺好远嘅地方睇，呢个景象睇起身会好壮观。

呢个部队嘅行动就好似芭蕾舞剧咁样整理有序。

首先出场嘅系新西兰同澳大利亚嘅点灯人，佢哋点着咗路灯之后就去咗训觉，

跟住跳住登场嘅系中国同西伯利亚嘅点灯人，

好快佢哋亦都退到幕后。

跟住系俄罗斯同印度嘅点灯人。

跟住系非洲同欧洲嘅。

再跟住，系南美洲嘅。

最后，系北美洲嘅。

佢哋轮流出现，绝对唔会出错。

呢个系相当壮观嘅场面，

只系得喺北极点灯嘅人，同佢喺南极电灯嘅同事，可以过住散漫逍遥嘅生活。因为佢哋每年只系需要做两次嘢。

欢迎关注微信公众号“我要学广东话”，最新音频会先在微信公众号更新哦。