读写能力致命伤（苏沪古典汉语 文+音）

苏沪古典汉语（两市全境汉语语音古今对应关系规整，局地古汉语平仄、舒促、清浊、尖团格局完整保留）

嘉定菊园老茶坊《嘉定闲话》栏目

嘉定古建与民俗文化研究会 · 陈夏青嘉定语言研究工作室   出品

（声韵调标准）

汉藏语系·汉语言·吴方言·太湖片·苏沪嘉小片·

太仓方言大区·嘉定方言区·华亭方言点

读写能力致命伤

並非所有亇语言全有文字，但是，有能适应现代社会生活亇强大语言全是有文字亇语言，全是有强大书面语亇语言。呒曼文字亇语言，塱现代社会生活中要持续亇生存下去，相当难。同样，有文字亇语言，若然其中一部分分支亇民众不具备使用本地语音读文字亇能力，不具备使用文字记录本地语言亇能力，几乎不可避免亇会畀该语言亇其他分支替换脱。也就是讲，塱现代社会中，听说读写唱想，昰六位一体亇语言能力当中，若假读、写昰两种能力不具备，昰种闲话几乎就等于吃着著致命伤，呆板煞数要死亇啧——佢亇使用人群将逐点逐点亇放弃佢，转用还一种功能完整亇闲话。乃么对于昰种处于放弃中亇功能不完整亇闲话，现在无非就是看啥人胎本好点嘞屏得辰光长点。

以我伲苏州、上海地区为例，本地亇人类语言属于汉语第二大分支——吴语。汉语是有文字、有强大书面语亇语言。当然，古代长期通行亇书面语是文言文，撘各地鲜活亇汉语口语俦是脱节脱亇，平常脚白话还是通俗亇当地口语，啥人若假一嘴亇“之乎者也”是人家只当佢书喥头。不过讲起来老底亇识字人也少，听说讲方圆几里出个个把识字先生也蛮好啧。嗰辰光农业社会，大多数人不识几个字，甚至彻底不识字也不碍亇。像伲恁朝上两三代佷看看看文盲几几许许著嘞？

但是，昰种状况是不适应快速变化发展亇社会亇，必然要发生改变：

1.     必须尽量消灭文盲。

2.     必须行民众普遍掌握一套全国通行亇语音。

3.     必须建立一套全国通行亇贴近口语亇书面语。

第一点，  消灭文盲，可以使用本地亇汉语语音识字，也可以使用选为全国

通用语亇北京语音来识字。

第二点，  掌握全国通行亇语音，某种程度上来讲确立著北京语音亇优先

地位。

第三点，  建立全国通行亇贴近口语亇书面语。昰套书面语既要接近口语，

又要便于全国通行，嗰么自然就最贴近汉语当中最强势亇北方方言亇口语。而昰套全国通行亇书面语又要用一套全国通行亇语音来传授，嗰么又是非北京语音莫属。

昰恁几个因素一叠加，再通过近几十年教育、媒体亇普及撘快速发展，使得基于北京语音、北方方言亇读写能力迅速畀全民掌握並广泛使用，取得压倒性亇绝对优势。尽管使用本地汉语当然也可以读写，但昰两种能力，特别是写亇能力，朆发展起来取得社会性亇地位。塱白话文逐步取代文言文亇过程中，並不是只有北方白话文塱逐步建立撘发展亇，包括苏沪嘞厛江浙地区著塰亇其他户荡也有本地汉语白话文亇实践。但是，最终真正发展壮大，取得广泛社会性地位亇好像基本只有粤语白话文啧。粤语亇坚挺，撘粤语读写能力亇完备是密不可分亇。

反观苏沪等地吴语区亇情况——尽管老早基于本地口语亇白话文实践尝试过，但是后晚来朆继续发展、普及，最终彻底让位于北方白话文。佷看吴语区各地本地民众亇书面表达全是用北方闲话表达亇，完全不晓得哪恁拿自家本地亇汉语完整亇写下来，越加覅话社会性普遍使用啧。乃么读嗫，老一辈还可以对牢北方文本用本地语音读读，但是识字量相当有限，只是局限于伊排常用字，碰着书面字、冷门字也要轧牢。年轻一辈嗫？使用北京语音已经成为压倒性优势，即使部分人还具备一眼用本地语音读亇能力，塱识字量撘流利度上撘北京音俦根本呒能比亇，更何况，碰着亇书面文本还是越加接近北方口语而不是本地口语亇。也就是讲，苏沪地区亇民众，读撘写昰两样至关重要亇语言能力出现著硬伤，而昰种硬伤，是致命性亇，最终亇结果会导致本地汉语亇消亡！

为啥？佷想：民众觉着用北京音字字全好念，用北京音读北方白话文顺得来，外加北文、北音全国通用。但是用本地音嗫？会读亇字就少，用本地音读北方白话文勥得来，外加本地汉语亇文章根本写不来，就算有人写出来也大家看不来，乃么本地亇汉语语音么也至多只有本地小范围通行亇。

北京音已经可以功能完整全方位亇满足自家亇表达需求，佷认为人们还有几许动力保留自家本地汉语亇能力嗫？

佷想想看？现在人们一日天几几许许辰光著垯阅读撘编辑文本？侺阅读辰光看亇是啥个文本？外地文本嗫本地文本？用亇是啥个语音塱读？本地语音嗫外地语音？侺编辑亇是啥个文本？本地文本嗫外地文本？昰个几乎是呒得悬念亇！大家已经普遍每日天全塱用北京语音阅读大量亇北方白话文並以北京语音来思维，编辑大量亇北方白话文本用来互相交流信息，即使塱极力试图留存本地汉语亇圈子里也是昰恁，甚至偏激分子亦如此，打耳光也不肯放弃北京音撘北方白话文，越加覅话最广大本地民众啧！因为昰个是由人们普遍具有亇大范围交流沟通亇硬需求所决定亇。而人亇本性，决定著人们普遍不会得再去吃力啌啌重新建立起本地汉语亇读写能力，因为北音、北文已经完全满足著自家亇需求。

而对于我伲昰坒塱为人类语言资源奔走呼号亇极少数人来讲，如果连当我伲也不具备本真乡音完整亇读写能力，我伲自家首先就有致命伤著塰，就越加覅话引领尽可能多亇人行本地汉语亇使用能力达到北方或者广东昰恁亇基本水平啧！

疁·浏河长江

2018年6月20号  礼拜三

戊戌年  五月初七

嘉定建县800周年