09张鉴庭：暴落难

繁华富地上海滩，该家当个朋友多得交交关。

俚笃该仔家当恁写意，汽车格去，汽车格来，

住宅洋房有十几间，小花园面浪拿青草摊。

不过穷人多得无其数，才想到上海来发洋财。

倒说弄弄憋脚勒浪暴落难。

浦东人暴落难，卖卖黄瓜落苏搭鸡毛菜。

俚笃家子婆弄头弄脑一声喊。”长锭要伐长锭。”

南京人暴落难，蹲拉马路边浪，摆一付清真教门个牛肉摊。

句容人暴落难，蹲拉混堂里扦脚带擦背。”钎脚”

常州人暴落难，蹲拉城隍庙里摆一付酒酿摊，

“藕家个酒酿好老喂。”

无锡人暴落难，挑一付油豆腐线粉担，

苏州人暴落难，蹲拉书场里，卖卖五香豆

黄连头勒甘草梅，俚笃家子婆，

等到十二点敲过噶一眼眼，蹲拉汇乐里门前见人喊，

“桂花赤豆汤，白糖莲心粥。”

十伢湖州人暴落难，卖卖麻酥糖勒大头菜，

俚笃家子婆十二月里到上海，搭别人家拿丝棉翻。

绍兴人暴落难，蹲拉城隍庙里背仔一只篮，

“兰花要伐要兰花。”到下晚昼，弄头弄脑收收纸锭灰。

江北人，暴露难，一到上海摊，

先拿个黄包车子拉，上海个拉车子交关难，

红灯要停，绿灯好拉过来，还有大转弯搭小转弯，

奈大转弯倘然拉仔小转弯，

辣里个妈妈，今朝安南巡捕挢照会，

俚笃家子婆卖卖向日葵。

常熟人暴露难，马路边上背子一只篮，

"豆先生能跑沟来，老板娘能来么哉"

阿要卖马桶豁洗搭水磨筷。

甘露、荡口人暴落难，大清老早拿把铁车子来推，

蹲拉弄堂口头一声喊，"喔哎"三层楼上快点拎下来。

落难个朋友叫无其数，我一时浪唱不尽许多暴落难难，请听众原谅一眼眼。