李青-吃汤包

苏州吃点心蛮多个，有一趟我到点心店去吃点心看见一桩笑话，哪能事体呢。上海有两个小青年，一男一女，两家头辣店里吃汤包，喊了一眼点心，两个人辣谈爱情，坐辣端端正正辣吃。来了两个北方人也来辣吃，北方人吃包子大口大口吃个，没想到苏州个汤包里向有包汤个，一咬迭个汤沾了一个小青年个西装浪向一塌糊涂。两个北方人老难为情个，“对不起，对不起。”拿出一条绢头帮伊揩了，小姑娘老难为情个，男小顽坐辣一边勿响。两个山东帮伊揩了，男小顽讲了，“不要紧，不要紧，没关系，你就吃了一个，还有七个还没吃，你等会一起来吧。”