潘前卫 舒悦-非诚勿游

乙：侬好侬好。

甲：长远没碰头了。

乙：国庆节迭两天哪能没看到侬了。

甲：我陪我伲阿娘到海南岛去白相了。

乙：搿蛮好了。

甲：好啥了，白相白出一包气，畀人家斩了一刀。

乙：迭个是哪能一桩事体了？

甲：我来讲畀侬听，国庆节前头，我伲屋里迭只信箱里塞了一张广告纸头，高头写了，国庆期间，本公司旅游社举行优惠活动，凡是六十岁以上个老人去海南岛，原价一千七百五十块，现在只要四百九十九块。

乙：四百九十九块，几天几夜？

甲：五天四夜，还加双飞，吃住包脱，还讲畀我伲住三星级宾馆。

乙：还双飞，搿格算个。

甲：我阿娘没去过海南岛，也没乘过飞机了，齐巧国庆放假我也有辰光，就陪我伲阿娘去了。

乙：侬又勿是六十岁。

甲：让我伲阿娘一个头去我勿放心个，所以我出一千七百五十块。

乙：搿么好去了。

甲：侬晓得伊拉旅行社叫我伲几点钟集合？

乙：几点钟？

甲：半夜里两点钟了。

乙：半夜里两点钟？

甲：作孽啊，两个老伯伯老妈妈迭个辰光最要睏觉个辰光被叫仔去，讲飞机是早浪向四点起飞。

乙：哪能有迭个辰光个飞机？

甲：四百九十九只有迭个辰光个飞机。

乙：迭个叫红眼飞机，价钿便宜。

甲：人家飞机高头侪发面包，饭了啥个，迭只飞机上发啥个物事侬晓得�？

乙：啥个物事？

甲：每人一只烘山芋。

乙：哪能发迭个物事了。

甲：伊拉讲个老年人吃迭个物事对肠胃好个，叫粗粮。

乙：四百九十九块，有迭个物事吃也蛮好。

甲：后来迭个飞机降落了，一般性飞机侪是平稳降落，迭只飞机勿晓得啥人开个，降落个辰光地浪向弹三弹。

乙：搿要命了。

甲：迭个真真要了命了，飞机浪侪是老人啊，有两个心脏勿好个，伊飞机弹一弹，伊心脏跳一跳。等到飞机三弹下来，有两个老伯伯老妈妈直接送医院去了。

乙：迭个是心脏病发做了。

甲：飞机高头下来，一部汽车来接我伲，一路高头拿我伲接到宾馆。

乙：迭个宾馆住宿好�？

甲：我想三星级了。我陪我伲阿娘车子浪下来一看，迭只宾馆门口头有两只石狮子。

乙：门口头花圈有�？

甲：有个。

乙：迭个是墓地呀。

甲：是个呀。

乙：墓地侪辣辣郊区。

甲：是辣辣郊区呀。

乙：哪能畀乃住迭种地方了？

甲：后来搞清爽了，勿是跌个地方，是隔壁散心宾馆。

乙：哪能散心宾馆。

甲：是散散心个宾馆。

乙：迭个三星宾馆。

甲：跑进去一看，把我伲住十二个人一只房间。

乙：个搿哪能住法呢？

甲：伊来辣辣房间里向摆六只上下铺个床。

乙：叫老伯伯老妈妈爬上爬落。

甲：搿没办法个，四百九十九只有迭个待遇。到仔第二日，伊拉叫我伲游泳衣带好，到海滩浪去白相了。

乙：搿蛮好了。

甲：好啥了，车子拿我伲开到沙滩，问我伲收钞票了。

乙：哪能要收钞票了？

甲：伊拉讲个，迭只项目了勿包括了四百九十九里向了。

乙：辣辣敲竹杠了。

甲：有两个老伯伯老妈妈勿肯出钞票了，要回宾馆去，伊拉讲勿来事个。

乙：搿哪能办了？

甲：勿付铜钿就等辣辣车子浪向。我一看个哪能来事了，付了钞票。

乙：迭能介好让㑚进去了。

甲：我伲进去一看，啥个沙滩，人挤人，迭个海水黑的来像墨水，伊拉讲个，迭个是太阳光反射。

乙：还太阳光反射，我晓得个太阳光反射出来个海水侪是蓝个，勿可能是黑个。

甲：两个老伯伯老妈妈年纪大了，文化水平勿高个，被伊拉三嘘两嘘以为真个是反射了，跳下去游泳了。

乙：哎呀。

甲：过脱一些，导游讲好走了，有两个老伯伯老妈妈跑上来侪像乌贼鱼一样墨墨黑。还有两个跑勿上来了。

乙：哪能呢？

甲：裤子被海水氽脱了。

乙：哪能会个？

甲：原来，有两个老伯伯老妈妈伊拉个游泳裤游泳衣讲啥个勿合格，勿好去游泳个。

乙：哪能会的勿合格的呢？

甲：伊拉噱侬个，讲勿合格好买伊拉个物事。

乙：老伯伯老妈妈啊上当�？

甲：哪能勿上当呢，两个老伯伯老妈妈真个到伊拉个店里去买了，跑进去一看，喔唷，阿娘个，一条游泳裤要两百五十块。

乙：价钿贵只好买了，否则勿能下去游泳了。

甲：诶，巧了，旁边有人了喊游泳裤一条只要十块。两个老伯伯老妈妈一看，迭个价钿便宜个，买了。

乙：哦，原来是买个便宜货，同志们，下趟便宜货勿要去买，便宜没好货，好货勿便宜。后事来迭眼老伯伯老妈妈哪能上来个？

甲：伊拉只好出两百五十块每人买仔一条浴巾了。

乙：迭个趁机辣辣敲竹杠吗。

甲：迭个也是没办法啊。

乙：夜饭有�？

甲：夜饭有个，吃海鲜。

乙：海鲜结棍了。

甲：四只海鲜。

乙：全部海鲜。

甲：只有壳，没肉个。

乙：哪能侪是壳个。

甲：侬壳侪是海里个，侬吸吸伊，迭个就叫海鲜。

乙：汤总归有只了？

甲：迭个汤我伲屋咯也有个啦，紫菜汤。

乙：还算海鲜了。

甲：第二天，导游讲了带我伲去卖特色个物事地方去。

乙：卖土特产商店去，迭个也要个。

甲：我想热带水果也蛮好，椰子了，菠萝，买点回去畀我伲阿爸姆妈吃吃。

乙：侬到蛮有孝心个。

甲：到仔伊面，迭爿店交关大，跑进去一看，没菠萝，也没椰子。

乙：搿么侪是啥个物事了？

甲：翡翠，玛瑙，玉了个东西。

乙：侪是卖迭种物事。

甲：看看了。

乙：价钿贵�？

甲：有个营业员对我讲了，迭块玉好个，能够有病治病，无病防身，只要三十六万。今朝看㑚侪是老年人，打一折叫我买。

乙：侬买�？

甲：勿买。后来迭爿店个经理来了，拿我伲带到一间房间里，讲迭个玉哪能好哪能好，还送畀我伲每人一块价值一百块个小个玉。

乙：哪能会的白送畀㑚呢？

甲：是个呀，有两个老伯伯老妈妈听了迭个经理讲玉好吗，想想白拿人家物事勿好意思就再买了几样物事。

乙：迭个是被伊噱进个。

甲：还是有人勿买个，我脱仔我伲阿娘就没买。

乙：勿买就跑路好了。

甲：勿好跑路。

乙：啥体了？

甲：伊拉拿买物事统统赶到车子浪向，畀伊拉吹空调。勿买物事个统统等了店里，拿铁门关起来。

乙：要死快了，铁门也拉起来了。

甲：铁门来起来到算了，伊拉拿空调也关脱了，侬晓得个国庆节个天气，上海还可以，迭个海南岛热的来。

乙：是个呀。

甲：伊拉讲，勿买物事就勿好出去。

乙：硬上个。

甲：迭个辰光我看见有一算小来兮个窗，想到孙徐春有只沪剧叫《为你打开一扇门》，我就唱了。

乙：胃口好了。

甲：侬来看一看，侬来望一望，迭勿是牢监的牢监，老头老太聚一堂。啥人勿肯买，侬休想跑。啥人头皮强，当心吃耳光。

乙：后事来哪能了？

甲：后是来我打报警电话，警察来救我伲了。

乙：总算还好。

甲：勿好了，有两个老伯伯老妈妈昏倒了地浪向了。

乙：迭个是热昏脱了。

甲：所也讲，奉劝大家，便宜个物事勿要去搨，小区个信箱里个广告勿要去相信。

乙：的确。