龚伯康 顾竹君-说唱上海

甲：【花鼓调】说上海，唱上海，雄伟的城市光灿灿，侬南码头到北站，从西郊公园道外滩。各条战线捷报传，欢腾浦江热浪翻，社会主义新上海，欣欣向荣映朝晖，映呀映朝晖光辉又灿烂。（表）五月个上海春光明媚，辣辣中心去更是热闹非凡，坐落在西藏路旁个桃园新村，有一家人家屋里正坐着祖孙两个人。现在吃好夜饭，孙女拉牢爷爷，顶规要拿一个问题谈一谈，搿么啥个问题呢？

乙：原来孙女个名字叫芳芳，今朝放学回转来，老师布置了一道课外作业题，上海个今昔侬晓得�。芳芳辣学堂里虽然听老师讲过，但是现在拿作业本翻开要回答倒有点为难了。（白）爷爷，侬看呀。【快乐曲】看看题目很简单，做起来嘛蛮困难，【数板】新上海，我还可以将一番，旧上海，我实在勿晓得哪能办，今年我只有十三岁，解放前我还未曾养出来，【快乐曲】希望爷爷帮助我，开导启发谈一谈。

甲：（白）芳芳，㑚老师迭门题目出得交关好，要晓得今朝个上海，首先就要晓得过去个上海。哦，我想起来了，今朝伲退休工人到文化宫去布置一个展览会，题目就叫今昔上海对比。有一句闲话叫百闻不如一见，我看还是领侬到文化宫去看看展览会吧，看好展览会侬完全明白了。

乙：（白）真个，搿忒好了，爷爷阿拉一道走呀。

甲：（白）走呀。

乙：【沪剧流水板】祖孙两人兴致高，跨出门槛往下跑，只见那西藏路浪真热闹，灯火辉煌景致好，繁荣华丽个上海城，暮色夜景分外娇，祖孙俩越看心里越高兴，勿绝文化宫已经到，已经到。（表）现在芳芳脱爷爷走进文化宫，只见大厅东面写着六个醒目个大字，今昔上海对比，芳芳急忙辣着爷爷轧进参观个人群，按了次序往下看。（白）爷爷，侬看，迭幅画高头草棚棚是啥地方？

甲：（白）迭个地方就叫药水弄。

乙：（白）迭个药水弄哪能迭能样子啊？

甲：【宣卷】提起迭个药水弄，爷爷从头告诉侬，解放前，药水弄是个棚户区，劳动人民最集中，住得都是草棚棚，人人称伊滚里弄，一堆稻柴铺地上，房间里向暗洞洞，天冷房内刮小风，一件夹衣过寒冬，天热房内多毒虫，咬得四肢侪发肿，吃得都是泥浆水，哪有清水入肚中，肮脏环境传疾病，天花麻疹与伤寒，有多少阶级兄弟把命送。（白）旧社会个药水弄真叫点灯灯勿明，走路路勿通。芳芳，侬看伊贝贝画浪画个啥地方，晓得�？

乙：（白）我勿晓得。

甲：（白）迭个就是解放后个药水弄。

乙：（白）喔唷，完全两样了。

甲：【新青年曲】一唱雄鸡天下白，此番阴雨与乌云，现在个药水弄，前后大勿同，一排一排新盖个公房，面貌最新荣，吃得都是自来水，夜里灯火亮畅畅，新开个马路多整齐，两旁个柳树绿葱葱，绿树成荫春意浓。

乙：（白）爷爷，侬讲百闻不如一见，几时有空带我去一次，让我亲自看看现在个药水弄。

甲：（白）好个，准定明朝休息日脚领侬去一趟，好�？

乙：（白）好个，爷爷侬看，迭幅画上画个教堂，旁边立辣一个手拿十字架，身穿黑衣裳个外国女人，迭个是啥地方？

甲：（白）迭个是旧上海徐家汇附近个育婴堂，迭个外国女人就是育婴堂里个嬷嬷。

乙：（白）迭个外国嬷嬷为啥要辣育婴堂？

甲：（白）芳芳旧社会，帝国主义为了侵略我伲中国，达到剥削和掠夺个目的，打着举办慈善事业个幌子，麻痹中国人民，就办了迭个育婴堂。嗨，真是杀人个和尚念佛经啊——假慈悲。【沪剧基本调】帝国主义豺狼肺，怎能有如此好良心，嬷嬷看中生意经，装扮上帝施恩情，其实是口是心非装善人，手段毒辣心肠狠，孤儿们，吃勿饱来穿勿暖，受尽毒打和欺凌，每逢客人来参观，嬷嬷笑脸来相迎，脱孤儿新衣新裤穿上身，上下打扮簇崭新，嬷嬷她慈善声中美名扬，捞到金钱数勿清，孤儿们成了她们的摇钱树，当了她们的牺牲品，牺牲品。

乙：（白）可恨个嬷嬷叫伊滚出中国去。

甲：（白）是呀，上海一解放，党和人民就接管了迭个育婴堂，就出了那些奄奄一息个婴儿。芳芳，你只要想想从前，比比今天，就晓得生长在新社会新上海个儿童是多么幸福啊。芳芳，侬看，伊张画浪画个啥地方？

乙：（白）迭个是上海市少年宫。

甲：（白）侬去过�？

乙：（白）去过，我还辣少年宫过夏令营。

甲：（白）搿么芳芳，讲起少年宫，爷爷要听侬来介绍了。

乙：（白）爷爷侬听好，【夜夜游】走进少年宫，心里乐开怀，草地毛茸茸，好像绿地毯，大理石个房子一间间，建筑高大多雄伟，西面是影剧场，西面大厅钢琴弹，活动项目多纷丽，音乐文艺舞蹈班，乒乓室里银球飞，阅览室里图书翻，科学讲解来展开，还有阶级教育展览会，外国朋友来参观，翘起大拇指前称赞，只要提少年宫，小朋友都喜爱，都喜爱。（白）爷爷，侬喜爱�？

甲：（白）喜爱个，喜爱个。芳芳有机会带爷爷到少年宫去参观参观。喔唷，芳芳，伲看得忒慢了，快点跟上去。跟上去。

乙：（白）爷爷，侬看迭幅画高头哪能又有外国人啊？

甲：（白）迭个是上海个旧码头，解放前流传这迭能一首歌谣，洋人买办包工头，三只老虎盘码头，个个赛过活阎王，吃人勿肯吐骨头，帝国主义勿仅划分租界，还霸持了上海个码头，伊拉手后头还养着一群走狗，伊拉随心所欲个欺压阿拉码头工人，真是毒透毒透。

乙：（白）爷爷，我听侬讲，侬也当过码头工人啊？

甲：（白）旧社会，爷爷穷，没办法过日脚，只好出卖劳动力当码头工人啊。【苏武牧羊】解放前，码头工人像一条牛，弯着腰来低着头，个子小两脚抖，曲辱身子步步走，一日三餐难糊口，最最可恶包公头，投靠洋人当走狗，鞭子拿在手，要打要骂不停休，穷人个冤仇向谁诉，眼泪往肚里留。（白）一九四九年五月二十八号一声春雷上海得解放，伲穷人从此出了头。芳芳侬看伊贝贝浪画个是上海个新码头是哪能样子啊？

乙：（白）爷爷侬看，【吴江歌】解放后新码头，欣欣向荣景色秀，中国巨轮一艘艘，鳞次栉比进码头，吊杆飞舞现代化，机械操作揿电钮，欢乐歌声传四方，捷报声中凯歌奏，新上海，新码头，港口相连五大洲，客轮货船进货港，南北交通是枢纽，感谢中国共产党，丰功伟绩盖千秋。（白）爷爷，我晓得，解放前个旧码头我已经看勿着了，搿么侬几时带我去看看新个港口，好�？

甲：（白）好个，迭能明朝带侬参观药水弄以后，再领侬到外滩去兜一兜，好�？

乙：（白）好个，爷爷，阿拉快点跟上去。

甲：（白）跟上去，跟上去，芳芳侬看，伊张画浪画个是啥地方？

乙：（白）迭个是人民广场，人民公园，阿拉老师讲过个，过去是跑马厅，对�？

甲：（白）对个，对个， 侬晓得跑马厅里过去做啥个事体啊？

乙：（白）跑马厅就是跑马个。

甲：（白）搿个跑马厅是啥人开个，侬晓得�？

乙：（白）爷爷，我要听侬讲。

甲：（白）爷爷来告诉侬，【小鼓调】跑马厅，跑马厅，马来跑，赛马都是搞通宵，跑马票是到处销，赌场老板是吸血鬼，搜刮民脂和民膏，都少人倾家荡产把死路找，投河自杀去上吊。（白）可是解放后。

乙：（白）解放后，爷爷，我晓得个，侬看，【寻车子】跑马厅变面貌，现在是公园广场和大道，先看那人民公园很热闹，游客们川流不息真勿少，那边是退休工人广播操，搿边是假山边浪拍小照，小河边浪静悄悄，假山顶浪风景好，公园处处呈新貌，人人心里乐淘淘。再看那人民广场多雄伟，人民广场人民造，一条大道多宽广，两旁顿时半天高，到夜里，九十六盏公灯照，广场通明传光耀，广场中心新大楼，巍然屹立红旗飘，上海人民志气豪，敢叫天地换新貌。

甲：（白）芳芳侬真是讲得鸭子下水——呱呱叫。芳芳，今朝伲展览会看得差勿多了，现在㑚脱侬出个迭门题目，侬好回答了�？

乙：（白）我能回答了，今朝我勿但看到了上海个今天，也看到了上海个昨天，而且我还懂得了一个道理。

甲：（白）啥个道理？

乙：（白）只有社会主义才能救中国，只有社会主义才能使上海有迭能样子翻天覆地个变化。

甲：（白）对啊。【苏赋调】社会主指方向，四个坚持勿能忘，党的引导记心上，长征路上不断跑，齐心协力搞四化，把祖国建设得更富强，新上海，新景象，新风尚，新思想，共守江山万年长。