周柏春 钱程 小翁双杰 杨一笑 周丹伶-三个“戅大”

男骗子：我心里埋藏着小秘密，我不想告诉你，那不是一般的小事情，把你囥进去，我心里埋藏着小秘密，我不想告诉你……

女骗子：瞎唱点啥。

男骗子：苗头轧下来哪能？

女骗子：我去看过了头等舱，二等舱侪忒闹猛了，勿来三个，甲板浪向倒是蛮冷清个。

男骗子：就伊面。

女骗子：到辰光来个狸猫换太子，物事来带�？

男骗子：吃饭家什哪能好勿带来，看见�，金光锃亮，经过我个加工像真个金币一样。

女骗子：想得出个，巧克力当金币，侬当人家侪是瞎子啊？

男骗子：万一眼火好，会上当。

孙子：爷爷，侬眼火勿好，走路当心点。

爷爷：眼光勿好，眼光人家是1.5，3.6了.

孙子：爷爷老开心个，当心眼。

男骗子：以前上当个侪是瞎子啊？

女骗子：上两趟侪靠我呀，撬边撬得好。

男骗子：我做功好，装戆大装得来比戆大还要戆。

女骗子：我撬边好。

男骗子：我装戆装得好。

女骗子：撬边好。

男骗子：勿要争了，反正我吴力，侬马丽，阿拉两家头搭档乌里买里，喊伊拉糊里糊涂。

爷爷：我也侬勿懂呀，现在�头缩颈，像猫头鹰那样子。

孙子：爷爷：迭个只是侬教我个。

爷爷：哪能我教侬个呢？

孙子：我一上电车侬就教我了，拿我只头往下头揿。

爷爷：迭个勿是了，侬迭个人生得交关促掐了，稍微高一眼眼就要买车票了。

孙子：怪勿得我上迭个浦江游览船侬拼命拿我往下头揿。

爷爷：现在做人应该勤俭节约。

男骗子：现在市面浪缺西多得勿得了，看见钞票再聪明个人也会变戆大。

女骗子：搿搭环境哪能啊？

男骗子：蛮好啊。

女骗子：就辣此地。

男骗子&女骗子：来个乌里买里斩戆大。

爷爷：戆大，侬现在头好抬起来了。

孙子：抬勿起来了呀。

爷爷：哪能抬勿起来了。

孙子：装法装法装僵脱了，现在抬勿起来了，仍旧落下来了。

爷爷：好个，好个，侬所幸头低下来�。

孙子：做啥？

爷爷：寻寻看阿有啥物事可以拾拾。

孙子：真啊，一副眼镜。叔叔，搿副眼镜阿是侬落脱啊？

叔叔：是我个，谢谢。

孙子：这是我应该做的，叔叔再见。爷爷，一副眼镜我换畀人家了。

爷爷：戆大，我齐巧要买副太阳眼镜。

孙子：搿么我陪侬去买好了。

爷爷：好了勿要烦了，我也要寻寻看了，搿得风水蛮好，阿有啥物事落脱。

孙子：爷爷，侬专门贪小便宜。

爷爷：最好有只把钻戒了啥。

孙子：想得出个。

男骗子：缺西来了。

女骗子：侬装戆，我撬边。

男骗子：看我功夫。

孙子：爷爷，侬辣捉蹔�啊？

爷爷：像只蝈蜢一样，刚刚一副眼镜畀侬撬脱，我真个搞勿懂啊，侬真个戆大啊。

孙子：阿拉老师讲过个，拾到物事要还畀人家个，阿拉要学习雷锋，做一个革命的带头兵。

爷爷：乃完结，一对戆大，有希望了。

男骗子：啥人戆大，侬自己戆大，再骂我戆大到派出所去，告侬，赔偿名誉损失。

爷爷：请侬让开好�？

男骗子：勿让。

爷爷：现在电视台《大舞台》辣辣发七喜呀。

男骗子：你当我缺西啊，我七喜勿吃个，我要吃榔头。

爷爷：搿么我来放音乐，伲来跳舞来�？

男骗子：侬讲闲话我听见个，爷叔，我晓得个侬看中迭快金币。

爷爷：是我落脱个呀。

男骗子：侬讲啥物事？

孙子：勿是爷爷落脱个。

爷爷：小鬼，侬辣搞啥物事。

男骗子：勿是侬落脱个，阿拉去交公。

孙子：交公了。

爷爷：阿拉脱侬两家头分，阿是两分之一。

男骗子：两分之一分，勿来三个，三个人了，一人三分之一。

爷爷：好个，三分之一，三分之一。

男骗子：我去拿把刀。

爷爷：拿刀来做啥事体？

男骗子：拿伊一劈三呀。

爷爷：迭个金币呀，侬当伊巧克力啊。

男骗子：戆大，戆大，戆了一塌糊涂，哪能弄法呢？

爷爷：搿能样子我畀五十块洋钿畀侬，好�？

男骗子：朋友，帮帮忙啊，迭个物事老值铜钿个，五十块，勿来三个。

爷爷：一百？

男骗子：勿来三个。

爷爷：二百？

男骗子：勿来三个。

爷爷：二百五？

男骗子：好，二百五就二百五。

爷爷：二百五畀侬。

男骗子：五百块。

爷爷：侬讲二百五呀？

男骗子：侬二百五，伊二百五加起来五百块。

爷爷：伊，我又勿认得伊个，搞来。

孙子：爷爷，我是侬孙子呀。

爷爷：侬一歇歇盯牢我做啥事体呀，我也弄勿懂呀，滚，走。

孙子：好，侬为了一块金币来得孙子也勿要了，我告诉侬，从现在开始侬没孙子了。

爷爷：没孙子勿要紧个，去拾一个，我金币也拾得着个。

孙子：拿人家物事弄脱，我去报告。

爷爷：搿么来了。

男骗子：两百勿就两百五。

女骗子：喂喂喂，㑚辣此地做啥？

男骗子：啊呀，我拾到一块金币。

女骗子：金币，金币拾得着个？

男骗子：侬看看交呢。

女骗子：勿要假货，啊呀，的的刮刮个金币吗。

男骗子：是啊，是啊。

女骗子：侬哪能卖？

男骗子：伊出我两百五。

女骗子：两百五买金币啊。

男骗子：唉。

女骗子：戆大，一只进口国要值五六千块，买畀我三百。

男骗子：我卖畀侬三百。

爷爷：四百。

男骗子：四百。

女骗子：五百。

男骗子，好，五百。

爷爷：八百。

男骗子：八百卖畀伊了。

女骗子：一万。

男骗子：一万卖畀伊了。

爷爷：好，再会。

男骗子：爷叔，侬勿要跑呀。

爷爷：勿跑做啥，我寻死啊。

男骗子：侬现钞有勿了？

女骗子：现钞我要回转去拿。

男骗子：钞票没还……

爷爷：侪辣摀搞百页结，五百块。

女骗子：有人来了。

男骗子：勿得了。

女骗子：没想到，迭个老戆大介容易就受骗上当。

男骗子：侪靠我马上滑脚。

女骗子：侬只老鬼。

爷爷：勿碍个，勿碍个，㑚做下去好了，我一只青光眼，一只白内障，看勿出个，热来。

男骗子：老头子，侬到搿得来做啥，去去去去去。

女骗子：喂，此地是头等舱，进来要买票个，搞啥物事。

爷爷：我打扰了，打扰了。

男骗子：好，侬坐，阿拉让侬。

爷爷：侪是戆大。

孙子：叔叔，刚刚就是迭个戆大脱我和爷爷两家头分金币。

男骗子：小朋友，嘴巴清爽点，啥人戆大啊。

女骗子：就是讲吗。

爷爷：搿种卖相是戆大啊？

警察：好了，勿要乌里买里了，又是侬，上趟拿只树根冒充鹿茸卖畀人家，还扮成西藏人，还有侬拿件裘皮大衣卖畀人家，原来是人造毛，还讲西伯利亚进口个，搿趟㑚两家头白相啥物事啊，讲啊？

男骗子：调枪头了，搿趟白相金币了。

警察：白相金币，金币呢？

男骗子：畀伊了。

爷爷：勿是个，是一个戆大卖畀我个。

警察：戆大，眼睛脱下来，脱下来，做只戆大面孔畀伊看看。

男骗子：老伯伯，侬实在要看，我也没办法了。

孙子：爷爷，爷爷，爷爷。

爷爷：迭块金币是真个。

警察：真个？

爷爷：我识货个，我以前银楼里做个，六十年里，牙齿一咬就晓得了。

警察：味道哪能？

爷爷：味道没闲话了，正宗个巧克力，味道好极了，里向巧克力啊，喔唷，㑚辣手个，五百块钱买一块巧克力，五百块钱吃一块巧克力比大闸蟹还贵。

警察：老伯伯，侬上当了，还是㑚孙子聪明，勿是戆大，伊拉是真骗子。

孙子：阿拉爷爷是戆大。

爷爷：我是老戆大。