正月里来是新春,诸葛亮 脱仔程咬金 ,两家头到上海拿膀子吊,诸葛亮看中王莲英 。
二月里来杏花多多开,白娘娘 新开爿花烟间,李三娘 相帮拿皮条拉,昨日夜里拉着洋盘叫袁世凯 。
三月里来正清明,蒋老五 寻夫到长城,一到长城寻勿着,蒋老五嫁畀了文必正 。
四月里来是蔷薇,姜太公 到上海打野鸡,畀辣巡捕来看见,一把辫子到行里去。
五月里来养蚕忙,万喜良 本来是拆白党,畀辣牛皋 来抓住,胡大海 请俚吃耳光。
六月里来荷花透水香,张飞 到三笑点秋香 ,张飞个儿子叫张作霖 ,张作霖个阿哥叫张嘉祥 。
七月里来七秋凉,刁刘氏 姘一个吕纯阳 ,铁拐李 边浪醋来吃,何仙姑 相帮去打圆场。
八月里来正中秋,潘金莲 钻进城里三牌楼,城隍庙里去烧烧香,潘金莲是个轻骨头,脱城隍老爷两家头会扎姘头。常遇春 当中奸来捉,阎瑞生 边头做硬出头。
九月里来是重阳,关老爷 大战卢永祥 ,单刀赴会朱太祖 ,马振华嫁畀了阎罗王 。
十月里来芙蓉引小春,孟姜女 心里要嫁人,看中扇王罗炳生,包龙图 相帮做媒人。
十一月里水仙开得黄,观音娘娘 八仙桥开仔一爿咸肉庄 ,老寿星 进去住一夜,老寿星会得喊冤枉,鼻头眼睛侪烂光。
十二月花名唱完哉,三国里曹操 蹩脚到上海来,身边摸摸无不铜钿用,真坍台,到陆家桥旁边去卖屁眼 。
杨华生唱的滑稽戏